Fréttablaðið - 26.01.2010, Blaðsíða 6
6 26. janúar 2010 ÞRIÐJUDAGUR
SAMKEPPNISMÁL Samkeppniseftir-
litið hefur rýmri heimildir en áður
var talið til að grípa inn í samruna,
og þar með meiri möguleika til að
taka á samkeppnislegum vanda-
málum sem tengjast eignarhaldi
bankanna á fyrirtækjum.
Þetta kemur fram í yfirlýsingu
Samkeppniseftirlitsins vegna
úrskurðar áfrýjunarnefndar um
samkeppnismál vegna samruna
Vestia og Teymis, sem fjallað var
um í Fréttablaðinu í gær. Þar stað-
festir nefndin samrunann, en legg-
ur fyrir Samkeppniseftirlitið að
setja honum ákveðin skilyrði. Eft-
irlitið mun í kjölfarið taka samrun-
ann fyrir að nýju.
Það er mat áfrýjunarnefndar-
innar að Samkeppniseftirlitið hafi
heimildir til að setja skilyrði um að
fyrirtæki séu yfirtekin af bönkun-
um, segir í tilkynningu Samkeppn-
iseftirlitsins. Þau skilyrði geti til
að mynda verið að fyrirtæki verði
seld innan tiltekins tíma, og að
sjálfstæði þeirra verði tryggt.
Vestia er dótturfélag Lands-
bankans, sem stofnað var til að
fara með eignarhald þeirra fyr-
irtækja sem bankinn þarf að taka
yfir. Teymi á meðal annars síma-
fyrirtækið Vodafone.
Niðurstaða áfrýjunarnefndar-
innar eyðir óvissu um samkeppn-
islegt rekstrarumhverfi þeirra
fyrirtækja sem Landsbankinn fer
með í gegnum Vestia, segir í til-
kynningu frá bankanum.
Þar segir að kappsmál sé fyrir
bankann að reynt verði eftir
föngum að koma í veg fyrir nei-
kvæð áhrif af eignarhaldi banka
á íslenskt atvinnulíf við þær sér-
stæðu kringumstæður sem nú ríki.
Jafnframt verði að virða hagsmuni
bankans af því að endurheimta lán
til fyrirtækjanna.
Síminn kærði þá ákvörðun Sam-
keppniseftirlitsins að aðhafast ekki
vegna samruna Vestia og Teymis
til áfrýjunarnefndarinnar.
Síminn krafðist þess að nefnd-
in gripi til íhlutunar í samrunann,
en til vara að ákvörðun Samkeppn-
iseftirlitsins yrði felld úr gildi og
lagt fyrir eftirlitið að taka málið
upp aftur. Áfrýjunarnefndin hafn-
aði aðalkröfunni, en féllst á vara-
kröfuna. brjann@frettabladid.is
Aukið svigrúm til að
grípa inn í samruna
Samkeppniseftirlitið taldi sig ekki hafa heimildir til að setja skilyrði þegar
bankar taka yfir fyrirtæki. Niðurstaða áfrýjunarnefndar er á aðra leið. Lands-
bankinn segir niðurstöðuna eyða óvissu um rekstarumhverfi slíkra fyrirtækja.
KÆRA Samkeppniseftirlitið taldi ekki ástæðu til að aðhafast vegna samruna Teymis
og Vestia á síðasta ári. Síminn kærði þá niðurstöðu til Áfrýjunarnefndar um sam-
keppnismál, sem úrskurðaði að Samkeppniseftirlitið skuli setja skilyrði fyrir samrun-
anum. FRÉTTABLAÐIÐ/ANTON
Niðurstaða áfrýjunar-
nefndar um samkeppn-
ismál vegna samruna
Teymis og Vestia setur
skýr fordæmi um hvernig
samkeppnisyfirvöld eiga
að taka á eignarhaldi
bankanna á fyrirtækjum á
samkeppnismarkaði, segir
Sævar Freyr Þráinsson,
forstjóri Símans.
„Úrskurðurinn mun
nýtast öllum sem eru í sambæri-
legri stöðu og Síminn, eru að keppa
við fyrirtæki sem eru komin undir
væng bankanna,“ segir Sævar.
Hann segist eiga von á
því að Samkeppniseftir-
litið setji formleg skilyrði
fyrir þessum samruna, og
öðrum svipuðum sem á
eftir komi.
Slík skilyrði geti meðal
annars tengst arðsemis-
kröfu og upplýsingagjöf,
sem geti komið í veg fyrir
undirboð. Þá sé mikil-
vægt að bankinn hygli
ekki fyrirtækjum í sinni eigu með
viðskiptum, og stjórn fyrirtækisins
sé sjálfstæð og ekki skipuð starfs-
mönnum bankans.
VILL SKILYRÐI UM ARÐSEMI OG GEGNSÆI
SÆVAR FREYR
ÞRÁINSSON
SAMKEPPNISMÁL Meiri aðgreining milli
bankanna og fyrirtækja sem þeir þurfa
að taka yfir eykur líkurnar á því að
bankarnir setji fyrirtækin í þrot eða
stutt söluferli í stað þess að taka þau yfir,
segir Ásmundur Stefánsson, bankastjóri
Landsbankans. Hvort tveggja sé ógnun
við samkeppni.
Hann segir of snemmt að segja til um
áhrif úrskurðar áfrýjunarnefndar sam-
keppnismála. Nefndin fól Samkeppnis-
eftirlitinu að fjalla á ný um samruna
Teymis og Vestia, dótturfélags bankans.
Ásmundur segir að finna verði ásætt-
anlega aðferðafræði fyrir banka sem
þurfi að taka fyrirtæki yfir. Það sé mikilvægt
fyrir alla viðskiptabankana. Til dæmis hafi ítrek-
að komið upp að fyrirtæki í samkeppni
við félag sem bankinn hefur þurft að taka
yfir sé einnig í viðskiptum við Lands-
bankann.
Ekki er ágreiningur milli samkeppn-
isyfirvalda og Landsbankans um mark-
miðin, segir Ásmundur. Samstaða verði
að vera um aðferðirnar. Allir séu að læra
hvernig best sé að fara með þessi erfiðu
mál við þær óvenjulegu aðstæður sem nú
séu uppi.
Ekki er ljóst hvort hugmyndir um að
skilyrða samruna við sölu yfirtekins
fyrirtækis innan ákveðins tíma eru góðar
eða slæmar, segir Ásgrímur. Aðstæð-
ur séu þannig að erfitt sé að selja fyrirtæki, og of
þröngur tímarammi geti því verið skaðlegur. - bj
Meiri aðgreining eykur líkur á að fyrirtæki verði sett í þrot, segir bankastjóri:
Þurfum að leita jafnvægis
ÁSMUNDUR
STEFÁNSSON
Líflegt og fjölbreytt nám fyrir þá sem vilja tileinka
sér sérþekkingu á sölu- og markaðsmálum, stofna
eigið fyrirtæki eða styrkja sig í starfi. Námið er sér-
staklega fjölbreytt eins og sést hér að neðan:
NÝI TÖLVU- OG VIÐSKIPTASKÓLINN – VIÐURKENNDUR EINKASKÓLI Á FRAMHALDSSKÓLASTIGI
Það vantar
alltaf góða
sölumenn!
Helstu námsgreinar:
Sölu- og markaðsnám
264 stundir - Verð: 229.000.- Einingar til stúdentprófs: 10
æstu námskeið:
rgunnámskeið byrjar 8. feb.
Kvöld- og helgarnámskeið byrjar 9. feb.
Upplýsingar og skráning: 544 4500 / www.ntv.is
SAGNFRÆÐI Eftirstandandi leyniskjöl banda-
rískra stjórnvalda um Halldór Laxness eru nú
komin í vörslu bandaríska utanríkisráðuneytis-
ins.
Þessi svör hefur Laxness-fræðimaðurinn
Chay Lemoine eftir bandarísku alríkislögregl-
unni, FBI, en hann hefur um árabil reynt að kría
út skjölin frá henni og CIA. Hann reyndi það
nýverið hjá ráðuneyti Hillary Clinton utanríkis-
ráðherra.
„Þá hringdi afar kurteis kona úr ráðuneytinu
í mig og vildi allt fyrir mig gera. En hún sagð-
ist ekki geta sent mér skjölin,“ segir Lemoine.
Hann hafi spurt konuna hverju þetta sætti og
hún hafi að lokum gefið upp að verið væri að
„vernda nafn“.
Lemoine telur það benda til að upplýsingarn-
ar séu viðkvæmar að þær eru geymdar í utan-
ríkisráðuneytinu. Í blaðinu hefur komið fram
að umrædd skjöl séu sögð ógna þjóðaröryggi
Bandaríkjanna. Lemoine telur að skjölin sýni
afskipti Bandaríkjanna af innanríkismálum
Íslands, og vera frá árunum 1946 til 1948.
„Ég hef ekki fleiri úrræði og held að það eina
sem hægt er að gera sé að íslensk stjórnvöld
biðji sjálf um skjölin, fyrir sig. En ég veit ekki
hvort þau vilja það. Það er sagt að þetta sé við-
kvæmt fyrir Bandaríkin, en ég held að þetta sé
miklu viðkvæmara fyrir Ísland. Vilja Íslending-
ar vita, og hefja umræðu um, hver hafi ef til vill
verið landráðamaður og starfað með Bandaríkj-
unum gegn Íslendingum?“ spyr Lemoine.
Árið 2008 bað íslenska utanríkisráðuneyt-
ið um að fjölskylda Laxness fengi að sjá skjöl
tengd höfundinum. Þrettán lítilfjörleg skjöl bár-
ust en ekki hin frægu leyniskjöl. - kóþ
Bandarískur fræðimaður fékk að vita að bandarísk stjórnvöld eru að vernda nafn einstaklings:
Laxness-skjölin í ráðuneyti Hillary Clinton
CHAY LEMOINE Fræðimaðurinn bandaríski hefur
lengi barist fyrir því að skjöl stjórnvalda sinna
um Halldór Laxness verði opinberuð. Hann hefur
meðal annars beðið þáverandi þingmanninn
Barack Obama um aðstoð.
Eru prófkjör heppileg leið til að
velja á framboðslista?
Já 43%
Nei 57%
SPURNING DAGSINS Í DAG:
Ætti ríkisstjórnin að skipta sér
meira af rekstri bankanna?
Segðu skoðun þína á Vísi.is
KJÖRKASSINN