Fréttablaðið - 06.02.2010, Page 78

50 6. febrúar 2010 LAUGARDAGUR
sport@frettabladid.is
FÓTBOLTI Íslenska knattspyrnu-
landsliðið verður í fimmta styrk-
leikaflokki þegar dregið verður
í riðla í undankeppni fyrir EM
2012 á morgun en úrslitakeppnin
fer fram að þessu sinni í Póllandi
og Úkraínu.
Ísland lendir því í riðli með
fjórum „sterkari“ þjóðum og von-
ast knattspyrnuáhugamenn að
einhverjir af frægustu og bestu
knattspyrnuleikmönnum Evrópu
mæti á Laugardalsvöllinn næstu
tvö ár.
Þjóðunum er skipt niður í sex
styrkleikaflokka og eru níu þjóð-
ir í efstu fimm flokkunum en
sex þjóðir skipa sjötta flokkinn.
Það verða því sex riðlar með sex
þjóðum og þrír riðlar með fimm
þjóðum.
Sigurvegarar hvers riðils kom-
ast beint í úrslitakeppnina ásamt
þeirri þjóð sem verður með best-
an árangur í öðru sæti. Hinar átta
þjóðirnar sem lenda í öðru sæti
riðlanna leika svo umspilsleiki um
sæti í úrslitakeppninni. Þá hafa
fjórtán þjóðir tryggt sér þátt-
tökurétt og síðustu tvær þjóðirn-
ar eru svo gestgjafarnir, Pólland
og Úkraína.
Mesta spennan meðal íslenskra
knattspyrnuáhugamanna er
örugglega að sjá hvaða þjóð úr
efsta styrkleikaflokki verður með
okkur í riðli en íslenska lands-
liðið hefur lent áður í riðli með
sex af þjóðunum níu sem álitnar
eru sterkustu knattspyrnuþjóðir
Evrópu.
Þessar þrjár þjóðir, England,
Ítalía og Portúgal, eru til alls
líklegar á HM í Suður-Afríku í
sumar og það væri mikill happa-
dráttur að flestra mati ef einhver
þeirra myndi lenda í riðli með
Íslandi sem þýddi að menn eins
og Wayne Rooney eða Cristiano
Ronaldo fengju að spreyta sig í
Laugardalnum.
Drátturinn fer fram í Varsjá og
hefst klukkan 11.00 að íslenskum
tíma á sunnudaginn. - óój
Á morgun verður dregið í undankeppni Evrópumótsins í knattspyrnu 2012:
Hvaða stjörnur mæta í Laugardalinn?
TVEIR GÓÐIR Það væri gaman að fá
annaðhvort Wayne Rooney eða Cristia-
no Ronaldo á Laugardalsvöllinn. MYND/AFP
FÓTBOLTI Íslenska landsliðið í fót-
bolta fær að vita um mótherja
sína í undankeppni EM um helg-
ina. Hér fyrir neðan eru styrk-
leikaflokkarnir og nokkrar útgáf-
ur af mögulegum riðlum Íslands.

Flokkur 1: Spánn, Þýskaland, Hol-
land, Ítalía, England, Króatía, Portúgal,
Frakkland og Rússland
Flokkur 2: Grikkland, Tékkland,
Svíþjóð, Sviss, Serbía, Tyrkland, Dan-
mörk, Slóvakía og Rúmenía
Flokkur 3: Ísrael, Búlgaría, Finnland,
Noregur, Írland, Skotland, Norður
Írland, Austurríki og Bosnía
Flokkur 4: Slóvenía, Lettland, Ung-
verjaland, Litháen, Hvíta Rússland,
Belgía, Wales, Makedónía og Kýpur
Flokkur 5: Svartfjallaland, Albanía,
Eistland, Georgía, Moldavía, Ísland,
Armenía, Kasakstan og Liechtenstein
Flokkur 6: Aserbaídsjan, Lúxemborg,
Malta, Færeyjar, Andorra og San
Marínó. - óój
NOKKRIR MÖGULEIKAR:
Drauma-riðill
England Danmörk
Írland Wales
Ísland Færeyjar
Martraðar-riðill
Króatía Serbía
Bosnía-Hersegóvína Makedónía
Ísland Aserbaídsjan
Góðkunningja-riðill
Holland Svíþjóð
Skotland Ungverjaland
Ísland Malta
Suðrænn riðill
Ítalía Grikkland
Ísrael Kýpur
Ísland Malta
Ferðalaga-riðill
Rússland Tyrkland
Ísrael Hvíta-Rússland
Ísland Aserbaídsjan
Mögulegir riðlar Íslands:
Draumur eða
martröð?
MERKI EM 2012 Keppnin fer fram í
Póllandi og Austurríki. MYND/AFP
FÓTBOLTI Það var mikið fjölmiðla-
fár á Englandi í gær þegar Fabio
Capello, landsliðsþjálfari Englands,
og John Terry landsliðsfyrirliði
hittust loksins á fundi.
Ástæða fundarins var kynlífs-
hneykslið sem tengist Terry. Hann
hélt fram hjá eiginkonu sinni með
barnsmóður Wayne Bridge, sem
leikur með honum í enska lands-
liðinu og var félagi hans hjá Chel-
sea. Terry barnaði konuna en hún
fór í fóstureyðingu.
Eiginkona Terrys tók tíðind-
unum illa og flúði til Dubai með
tvíburabörn hennar og Terrys.
Er talið að hún hafi farið fram á
skilnað. Terry getur tekið leyfi hjá
Chelsea og elt konuna til Dubai í
von um að bjarga hjónabandinu
kjósi hann svo.
Capello er augljóslega maður
fárra orða og stóð ekki í miklu
rifrildi við Terry því fundur þeirra
stóð aðeins yfir í tólf mínútur.
Hvorugur aðilinn gaf kost á við-
tali eftir fundinn en Capello sendi
frá sér yfirlýsingu þar sem meðal
annars stóð:
„Eftir mikla íhugun hef ég
ákveðið að það sé best að ég taki
fyrirliðabandið af John Terry. Sem
fyrirliði liðsins hefur Terry verið
til fyrirmyndar. Ég þarf aftur á
móti að vega og meta alla hluti í
þessu sambandi og það er með
hagsmuni liðsins að leiðarljósi sem
ég hef tekið þessa ákvörðun. Það er
best fyrir liðið að Terry verði ekki
áfram fyrirliði,“ sagði í yfirlýsingu
Capello en hann tekur einnig skýrt
fram að Terry hafi fyrstur allra
fengið að vita ákvörðun hans.
Rio Ferdinand, varnarmaður
Man. Utd, mun taka við fyrirliða-
bandinu af Terry og Steven Gerr-
ard, leikmaður Liverpool, verður
varafyrirliði.
„Þegar ég valdi Terry sem fyrir-
liða valdi ég einnig varafyrirliða
og þriðja fyrirliða. Það er engin
ástæða til þess að breyta þeirri
ákvörðun,“ segir í yfirlýsingunni.
Samkvæmt heimildum Sky-
fréttastofunnar tók Terry tíðind-
unum ekkert sérstaklega vel og
virtist vera brugðið þegar hann
yfirgaf fundinn. Hann lét þó ekki
hafa neitt eftir sér heldur sendi
frá sér yfirlýsingu þar sem hann
segist ætla að halda áfram að gefa
allt sem hann á fyrir enska lands-
liðið. „Ég ber fulla virðingu fyrir
ákvörðun þjálfarans. Ég mun halda
áfram að gefa allt sem ég á fyrir
landsliðið,“ var allt og sumt sem
stóð í yfirlýsingu Terrys.
henry@frettabladid.is
Rio mun leiða England á HM
Fabio Capello, landsliðsþjálfari Englands, ákvað í gær að svipta John Terry fyrirliðastöðu landsliðsins
vegna hneykslismála. Rio Ferdinand verður fyrirliði enska landsliðsins á HM næsta sumar en Steven
Gerrard verður varafyrirliði. Capello segir það best fyrir liðið að Terry verði ekki áfram fyrirliði.
Í ERFIÐUM MÁLUM John Terry á erfitt uppdráttar þessa dagana. Eiginkonan flúin til
Dubai og nú hefur hann misst fyrirliðastöðuna hjá landsliðinu. NORDIC PHOTOS/GETTY
> Myljandi hagnaður hjá skuldlausu KSÍ
Knattspyrnusamband Íslands, KSÍ, skilaði hagnaði upp
á 50 milljónir á síðasta ári. Það sem meira er þá hefur
KSÍ greitt upp 600 milljóna króna skammtímalán vegna
stúkubyggingarinnar og því hvíla engar vaxtaberandi
skuldir á sambandinu nú. Það hefur ekki
gerst í rúm tíu ár. Knattspyrnusam-
bandið er ekki á neinni vonarvöl eins
og svo mörg sérsambönd hér á landi
því eigið fé sambandsins er nú tæpar
234 milljónir króna.
HANDBOLTI Ulrik Wilbek, lands-
liðsþjálfari Dana, segist ekki
hafa neytt línumanninn Michael
Knudsen til að spila meiddan á
EM í Austurríki og að Knudsen
hafi meiðst fyrir EM.
„Við verndum okkar leikmenn
betur en flestir aðrir. Ég held til
dæmis að menn á Íslandi myndu
hlæja að þessum ásökunum Þjóð-
verjanna. Ég held að forráða-
menn hjá Flensburg ættu bara
að þakka fyrir að Knudsen sé
danskur en ekki íslenskur,“ segir
Wilbek í viðtali við TV2. - óój
Ulrik Wilbek svarar gagnrýni:
Þeir myndu
hlæja á Íslandi
Ari Freyr Skúlason stendur nú í miklu stappi við forráðamenn
sænska b-deildarfélagsins Sundsvall en viðræður um nýjan samn-
ing leikmannsins hafa dregist á langinn og er nú mikil óvissa með
framtíð hans hjá félaginu. Ari Freyr var í lykilhlut-
verki hjá Sundsvall á síðasta tímabili og spilaði
þá 28 af 30 leikjum í deildinni og skoraði 5
mörk og átti 9 stoðsendingar en liðinu mistókst
hins vegar að vinna sér aftur sæti í efstu deild.
Hinn 22 ára gamli Ari Freyr hefur hafnað tveim-
ur samningsboðum sænska liðsins og hefur í kjöl- farið
verið settur út í kuldann hjá félaginu og ekki fengið að taka
þátt í síðustu tveimur æfingarleikjum liðsins en málið hefur
notið mikillar athygli í sænskum fjölmiðlum undanfarið.
„Þetta er búið að vera mikið leiðindamál og þetta er ekki
skemmtileg staða sem ég er í. Þeir [forráðamenn Sundsvall]
hafa verið að segja að ég sé lykilleikmaður og að þeir vilji
byggja liðið í kringum mig en þessi samningsboð þeirra
hafa ekki undirstrikað það. Þvert á móti í raun og veru, og
svo hafa þeir núna tekið upp á því að banna þjálfaranum
að nota mig í síðustu tveimur æfingarleikjum liðsins. Ég
á heldur ekki von á að vera með í næsta æfingarleik sem
er á sunnudag því þeir hafa hótað mér í bréfi að ef ég skrifi
ekki undir þá muni ég ekkert fá að spila. Þetta er í raun og veru
orðið algjört bull og að mínu mati samningsbrot hjá þeim að
hóta mér með þessum hætti,“ segir Ari Freyr en núgildandi
samningur hans við félagið rennur út um næstu áramót.
„Við vorum á fundi í dag [í gær] og þeir vilja að ég
komi með svar á mánudag um hvort ég vilji skrifa undir
eða koma með móttilboð. Málið er bara að ég vildi
alveg vera áfram hjá félaginu ef ég myndi fá samning
sem ég yrði ánægður með en eins og þeir hafa hagað sér
undanfarið þá sé ég ekki fram á að það gerist. Það er náttúr-
lega hundleiðinlegt að vera að æfa á fullu og fá svo ekkert að
spila,“ segir Ari Freyr en þess má geta að Hannes Þ. Sigurðsson,
sem leikur einnig hjá Sundsvall, er í svipuðum málum og Ari
Freyr.
ARI FREYR SKÚLASON: SETTUR ÚT Í KULDANN HJÁ SUNDSVALL EFTIR AÐ HAFA NEITAÐ NÝJUM SAMNINGSBOÐUM
Þetta er í raun og veru orðið algjört bull
Veri› velkomin á opnun kosningaskrifstofu minnar a› Dalvegi 6-8, laugardaginn 6. febrúar frá kl. 16.00 til 18.30.
www.gunnarbirgisson.is