Fréttablaðið - 20.03.2010, Blaðsíða 48

20. mars 2010 2
„Vatnajökull er búinn að vera
uppáhaldið mitt í yfir 20 ár. Svæð-
ið kringum hann er eitthvert flott-
asta svæði landsins,“ segir lista-
maðurinn Ragnar Th. og kveðst
búinn að keyra umhverfis jökul-
inn og yfir hann, þvers og kruss í
áraraðir. „Það hefur alltaf gengið
vel og ég hef ekki lent í neinu tjóni
nema einni rifinni felgu. Þannig að
jökullinn hefur verið mér góður
viðskiptis.“ Síðast kveðst hann
hafa farið í jöklaferð í fyrravor.
„Þá keyrði ég í upp úr Jökulheim-
um í Skaftárkatla að mynda Veð-
urstofumenn við mælingar. Við
gistum í Grímsvötnum, einum af
örfáum skálum á jöklinum.“
En hvað kom Ragnari til að setja
upp sýningu við Jökulsárlón?
„Það er vetrarhátíð núna fyrir
austan og ég mynda fyrir Ríki
Vatnajökuls sem eru samtök í
menningar, ferða- og matartengdri
þjónustu í sveitarfélaginu Horna-
firði. Mig langaði að gera eitthvað
sérstakt þar sem jökullinn væri
aðal viðfangsefnið. Þá duttu mér
í hug stöplarnir sem Reykjavík-
urborg á og hafa staðið niður á
Austurvelli með myndum á. Kask
flutti þá ókeypis fyrir okkur aust-
ur og Jón Kjartansson í fyrirtæk-
inu Rósabergi mætti með græjur
til að taka þá af bílnum og stilla
upp. Vinir Vatnajökuls sem eru
hollvinasamtök jökulsins, styrktu
líka tiltækið.
Það var vitlaust veður meðan
við vorum að setja upp myndirnar
og við áttum fullt í fangi með að
ljúka því stórslysalaust en útkom-
an hefur vakið athygli. Hver ein-
asti maður sem kemur að lóninu
labbar niður á bakkann, skoðar
myndirnar og lætur taka mynd af
sér hjá myndunum.“
Ragnar segir sýninguna opna
fram yfir páska við lónið og þá
verði hún flutt annað innan hér-
aðsins auk þess sem útlendingar
séu hrifnir. „Það kom beiðni í gær
um að setja hana upp í London og
New York Times er að setja hana
á vefinn hjá sér.“
gun@frettabladid.is
Jökullinn hefur verið
mér góður viðskiptis
Fjölbreytt og heillandi form hins forgengilega Vatnajökuls er aðalefni sýningar sem ljósmyndarinn Ragn-
ar Th. hefur sett upp á eystri bakka Jökulsárlóns á Breiðamerkursandi og tónar vel við umhverfið. Falast
hefur verið eftir sýningunni í London og stórblaðið New York Times er búið að setja hana á sinn vef.
Ragnar Th ánægður enda óveðrið gengið niður og myndirnar komnar upp.
MYND/RAX
KONUR OG EYÐNI Í AFRÍKU
er yfirskrift opins fundar sem haldinn
verður í miðstöð Sameinuðu þjóðanna
Laugavegi 42 í dag klukkan 13.
Fararstjórar eru tveir, þau Sigrún
Valbergsdóttir, varaforseti Ferða-
félagsins og Bragi Hannibalsson
sem mun stýra skíðagöngunum
um fjöllin í nágrenni Hesteyrar.
Bragi er þaulvanur skíðagarpur
ættaður frá Hanhóli í Bolungar-
vík og nánast á heimavelli á þess-
um slóðum.
Nánar má fræðast um ferð
þessa á heimasíðu FÍ en í stórum
dráttum er skipulagið þannig að
siglt er frá Ísafirði til Hesteyrar á
skírdag. Þar verður dvalið í gamla
Læknisbústaðnum yfir páskana og
reynt að fara í langar skíðaferðir
dag hvern á nálæg fjöll eftir því
sem veður og færð leyfa. Annan
í páskum er hópurinn sóttur að
Hesteyri í tæka tíð fyrir kvöldflug
til Reykjavíkur.
„Þetta er algerlega frábær upp-
lifun meðal refa og hárra fjalla.
Hvort sem snjór nær niður í fjöru
eða miðjar hlíðar verður hverjum
degi varið í gönguferðir á fæti eða
á skíðum,“ sagði Sigrún Valbergs-
dóttir fararstjóri.
„Stemningin í gamla Læknishús-
inu er einstök og notaleg og vinn-
ur hópurinn saman að matargerð,
situr saman við mat og drykk og
svo er söngur og sagnamennska á
kvöldin.“
Allur matur til ferðarinnar er
keyptur inn sameiginlega en er
ekki innifalinn í verði.
Hesteyri er einstakt eyðiþorp.
Þar voru íbúarnir eitt sinn taldir
í tugum ef ekki hundruðum þegar
stóriðja í formi hvalskurðar og
síldarsöltunar var rekin á Stekk-
eyri rétt innan við þorpið. Seint
á árinu 1952 voru aðeins 30 eftir.
Þá var skotið á íbúafundi og tekin
sameiginleg ákvörðun um að flytja
brott og hefja nýtt líf á nýjum stöð-
um. Í nóvember það ár gekk síðasti
íbúinn út úr húsi sínu.
Skíðamenn víða um land eru
hnípnir og vondaufir um þessar
mundir vegna snjóleysis en rann-
sóknir sýna að nægur snjór er
norður í Jökulfjörðum og þangað
hægt að sækja um páska þá unaðs-
legu upplifun sem aðeins fæst með
skíðagöngu um fjöll og firnindi
stórbrotinnar náttúru í hópi glaðra
ferðafélaga. Látið ekki happ úr
hendi sleppa og bókið far meðan
enn eru laus sæti.
Síminn á skrifstofu FÍ er 568-
2533.
Ævintýri á gönguskíðum
Um páskana efnir Ferðafélag Íslands til skíðaferðar að Hesteyri í Jökulfjörðum. Þessi ferð hefur verið á
dagskrá undanfarna vetur og bregst ekki að þátttakendur koma með stjörnur í augum heim á ný.
Kvöldvökustemning í gamla Læknisbú-
staðnum á Hesteyri í páskaskíðaferð.
Horft yfir Hesteyri og Jökulfirði í vetrar-
búningi.
Skíðagöngugarpar á Hesteyri um síðustu páska halda til fjalla í sólskininu.
Á morgun, sunnudaginn 21. mars,
efna Ferðafélag Íslands og sæl-
gætisgerðin Góa til sérstakrar
páskaeggjagöngu á Móskarðs-
hnúka. Gangan hefst kl. 10.00 á
sunnudagsmorgun og allir þátt-
takendur fá að lokinni göngu
páskaegg eða ámóta gómsætan
glaðning frá Góu.
Gangan hefst við Skarðsá undir
Móskarðshnúkum. Til að kom-
ast þangað er best að beygja til
vinstri rétt ofan við Gljúfrastein
í Mosfellsdal og aka eftir afleggj-
ara sem er merktur Hrafnhólar.
Við túngarðinn á Hrafnhólum er
beygt niður með ánni og stefnt
inn dalinn að sumarbústöðum
og þarf að opna hlið á leiðinni.
Vegurinn endar á bílastæði við
göngubrú yfir Skarðsá og þar
hefst gangan kl. 10.00.
Þórður Marelsson verður far-
arstjóri og leiðir hópinn upp á
Móskarðshnúka, hæsti tindurinn
þar nær 820 metra hæð. Gangan
ætti því að taka 2-3 tíma og verð-
ur sérlega gott að fá súkkulaði
að launum eftir frískandi fjall-
göngu.
Gangan er ókeypis og öllum
heimil þátttaka sem treysta sér
til að ganga á fjall af þessari hæð
en nokkuð brattar brekkur verða
á vegi göngumanna. Veðurspá
fyrir sunnudaginn er þokkaleg;
virðist ætla að verða þurrt veður
í hægri austanátt.
Páskaeggjaganga Ferða-
félags Íslands og Góu
Skálar Ferðafélags Íslands í Land-
mannalaugum og Langadal í Þórs-
mörk verða opnir um páskana og
verður gæsla á staðnum. Í Langa-
dal verður Helga Garðarsdóttir
skálavörður og í Landmannalaug-
um verður Broddi Hilmarsson við
skálavörslu.
Í vetur hefur verið gæsla á þess-
um tveimur stöðum eftir þörfum
en stefnt er að því að skálavörður
verði á báðum stöðum í aprílmán-
uði. Talsvert er af ferðamönnum
og Broddi Hilmarsson skálavörður
segir að nokkrir hópar séu þegar
bókaðir í skálana yfir páskana.
Rétt er að benda á að færi inn í
Laugar hefur ekki verið upp á það
besta vegna snjóleysis og hlýinda.
Frekar lítill snjór er á leiðinni og
krapi allmikill en aurbleyta þegar
krapanum sleppir. Haldist veður
líkt og verið hefur má búast við að
færið versni enn frekar en batni
að sama skapi snúist tíð til meiri
kulda en sæmilegt frost í nokkra
daga myndi bæta það verulega.
Færð á leiðinni í Þórsmörk hefur
verið líkt og á sumardegi en veg-
urinn inneftir er blautur og sein-
farinn eftir veturinn. Engir ísar
eru á vötnum í Þórsmörk og í góðu
veðri má því búast við hindrunar-
lausri för þangað inn eftir.
Skálavarsla í Þórsmörk
og Landmannalaugum
Horft út eftir Þórsmörk af Stangarhálsi. Valahnúkur fyrir miðri mynd. MYND/PÁÁ
Hópur á vegum Ferðafélags Íslands á Móskarðshnúkum. Þessir garpar fengu ekk-
ert páskaegg en það fá allir sem mæta í páskaeggjagöngu Góu og Ferðafélagsins
á sunnudag.
Kynning