Fréttablaðið - 20.03.2010, Blaðsíða 100

72 20. mars 2010 LAUGARDAGUR
sport@frettabladid.is
FRJÁLSAR ÍÞRÓTTIR Spjótkastarinn Ásdís Hjálmsdóttir
mun kasta spjóti í fyrsta sinn á árinu 2010 á vetrar-
kastmóti Frjálsíþróttasambands Evrópu sem fram
fer í Arles í Suður-Frakklandi um helgina.
Ásdís keppir á mótinu ásamt Óðni Birni
Þorsteinssyni úr FH og félaga sínum úr
Ármanni, Helgu Margréti Þorsteinsdótt-
ur. Óðinn og Helga Margrét hafa getað
keppt í sínum greinum innanhúss en
Ásdís býr ekki við þann munað að kasta
spjótinu sínu á innanhússtímabilinu.
„Ég keppti á þessu móti í fyrra og bætti mig
þar. Þetta er eiginlega innanhússtímabilið mitt.
Það eru allir að keppa innanhúss og ég er að
leika mér þar en ég geta náttúrulega ekki keppt
í spjóti inni. Þetta er mjög gott til að meta stöð-
una fyrir sumarið því nú höfum við enn þá tvo
mánuði í viðbót til þess að æfa,“ segir Ásdís
sem er jákvæð.
„Staðan á mér er rosalega góð. Þetta er mjög
snemma á tímabilinu þannig að maður veit
aldrei hvað gerist. Ég er ekki orðin alveg stöðug
en það er búið að ganga rosalega vel á æfing-
um. Ég vonast til þess að gera góða hluti,“ segir
Ásdís. Hún og Helga Margrét búa að því að fá mikinn
stuðning frá félagi sínu Ármanni.
„Hingað til hef ég þurft að borga þetta sjálf af
mínum afreksstyrkjum en núna er félagið mitt búið
að stofna Ólympíuhóp Ármanns sem er ég, Helga
Margrét og Stefán Jóhannsson, þjálfari. Þeir í
stjórninni hjá frjálsíþróttadeild Ármanns
eru búnir að vera ótrúlega duglegir að
vinna fyrir okkur. Það er ómetanlegt.
Þeir eru búnir að fá inn fullt af styrkj-
um sem borga þetta alveg fyrir okkur,“
segir Ásdís og þá er bara að launa greið-
ann með því að standa sig í Frakklandi.
„Ég á að geta gert mjög góða hluti miðað
við það hvernig æfingarnar eru búnar að
ganga. Ég ætti þess vegna að geta bætt mig
en það er ekkert bókað. Ég er alveg í formi
upp á það,“ sagði Ásdís bjartsýn. - óój
Ásdís Hjálmsdóttir verður meðal keppenda á vetrarkastmóti í Frakklandi:
Ég á að geta gert góða hluti
JÁKVÆÐ OG
BJARTSÝN Ásdís
Hjálmsdóttir.
FRÉTTABLAÐIÐ/VILHELM
IE-deild kvenna:
Hamar-Keflavík 101-103
Stig Hamars: Julia Demirer 39 (13 frák.), Koren
Schram 14 (8 stoðs.), Kristrún Sigurjónsdóttir 13,
Fanney Lind Guðmundsdóttir 12, Sigrún Sjöfn
Ámundadóttir 10, Hafrún Hálfdánardóttir 6, Íris
Ásgeirsdóttir 4, Guðbjörg Sverrisdóttir 3.
Stig Keflavikur: Kristi Smith 26, Birna Ingibjörg
Valgarðsdóttir 25, Pálína Gunnlaugsdóttir 14
Bryndís Guðmundsdóttir 12, Marín Rós Karls-
dóttir 11, Rannveig Randversdóttir 8, Svava Ósk
Stefánsdóttir 4, Hrönn Þorgrímsdóttir 3.
Staðan í einvíginu er 2-1 fyrir Keflavík.
KR-Haukar 63-61
Stig KR: Margrét Kara Sturludóttir 15, Jenny
Pfeiffer-Finora 14, Signý Hermannsdóttir 13,
Unnur Tara Jónsdóttir 13, Hildur Sigurðardóttir 5,
Guðrún Gróa Þorsteinsdóttir 3.
Stig Haukar: Kiki Jean Lund 15, Heather Ezell 13,
Ragna Margrét Brynjarsdóttir 10, Guðrún Ósk
Ámundadóttir 7, Helena Brynja Hólm 5, María
Lind Sigurðardóttir 4, Telma B. Fjalarsdóttir 4,
Sara Pálmadóttir 3,
KR vann einvígið, 3-0.
ÚRSLIT
„Mér finnst þetta frábært tækifæri fyrir leikmennina á Íslandi. Þetta
er krydd í tilveruna fyrir þá. Þeir öðlast reynslu og fá tækifæri til
að sýna sig,“ segir landsliðsþjálfarinn Ólafur Jóhannesson. Ísland
mætir Færeyjum á morgun en þetta er þriðja árið í röð sem
þjóðirnar mætast í Kórnum.
Landsliðshópurinn er að mestu skipaður leik-
mönnum sem spila hér heima. „Það er náttúrulega
undirbúningstímabil í gangi hérna og menn hafa
ekki spilað mikið. Maður horfir því aðeins til síðasta
árs og í hvernig ástandi menn voru undir lok
tímabilsins þá,“ segir Ólafur.
Athyglisverðast við landsliðshópinn er að þar
er enginn leikmaður sem spilaði miðvörð sem
aðalstöðu hjá sínu félagsliði á síðasta tímabili.
„Það er ákveðinn höfuðverkur varðandi hafsenta
hér á landi að mínu mati. Ég verð bara að segja eins
og það er. Við eigum þó nokkra miðjumenn sem hafa spilað
þessa stöðu. Annar hafsentinn verður því einhver sem leikur
á miðjunni í deildinni hér heima,“ segir Ólafur en þar koma
nokkrir leikmenn til greina. KR-ingurinn Grétar Sigurðarson
hefur leikið mjög vel á undirbúningstímabilinu en fékk ekki
pláss. „Að sjálfsögðu kom hann til greina eins og aðrir.
Það voru nokkrir hafsentar sem ég skoðaði en þetta var
niðurstaðan. Ég valdi Heimi Einarsson sem hefur staðið
sig ágætlega í þeim leikjum sem ég hef séð en svo datt
hann út.“
Hópurinn heldur síðan til Bandaríkjanna og leikur við
Mexíkó næsta miðvikudag. „Við erum að fara að spila
á hrikalega flottum leikvangi og maður hefur heyrt að
búið sé að selja um 60 þúsund miða. Það hlýtur að
vera ótrúlega gaman að spila leik fyrir framan svona
marga áhorfendur og gefa mönnum aukinn kraft.”
ÓLAFUR JÓHANNESSON: UNDIRBÝR LANDSLIÐIÐ FYRIR VINÁTTULEIKI VIÐ FÆREYJAR OG MEXÍKÓ
Höfuðverkur varðandi hafsenta hér á landi
> Vignir samdi við Hannover
Landsliðsmaðurinn Vignir Svavars-
son er búinn að skrifa undir
tveggja ára samning við þýska
úrvalsdeildarfélagið Hannover
Burgdorf. Fréttablaðið greindi
fyrst frá því að Vignir væri
líklega á leið til félagsins er
Aron Kristjánsson var ráðinn
þjálfari liðsins en Vignir lék undir
hans stjórn hjá danska félaginu Skjern.
Vignir kemur til liðsins frá Lemgo. Einn
Íslendingur, Hannes Jón Jónsson, er
fyrir í herbúðum félagsins.
FÓTBOLTI Leonardo, þjálfari AC
Milan, las upp bréf frá David
Beckham fyrir æfingu ítalska
liðsins í gær. Tímabilinu er lokið
hjá Beckham eftir meiðsli sem
hann hlaut í síðustu viku.
Hann mun enn fremur ekki
geta leikið með enska landslið-
inu á HM í sumar. Hann mun
þó hugsanlega fara með liðinu
á mótið og veita þá leikmönnum
ráðgjöf og stuðning enda afar
reyndur leikmaður.
Bréfið frá Beckham hljómaði
svona:
„Til þjálfarans og allra minna
vina. Ég óska ykkur góðs geng-
is út tímabilið og ég vona að þið
komið með bikarinn heim.
Ég vil líka þakka ykkur öllum
fyrir stuðninginn og ástúðina
sem þið sýnduð eftir leikinn gegn
Chievo.
Þetta virkilega snerti mig og
ég veit að ég á sanna vini hjá
félaginu.
Ég vona að ég eigi eftir að spila
með ykkur aftur og vera hluti af
þessu yndislega liði. Enn og aftur
þakka ég ykkur fyrir ástúðina og
óska ykkur góðs gengis.
Ciao, David.“ - egm
Beckham kvaddi félagana:
Sendi leik-
mönnum bréf
Á HÆKJUM Beckham mun styðjast við
hækjur næstu vikurnar. NORDIC PHOTOS/AFP
N1 Deildin
KONUR
Laugardagur
Digranes
Framhús
KA heimili
Kaplakriki
HK - Valur
Fram - Stjarnan
KA/Þór - Haukar
FH - Fylkir
16:00
16:00
16:00
16:00
2009 - 2010
KÖRFUBOLTI KR er komið í úrslit
í Iceland Express-deild kvenna
eftir magnaðan sigur á Haukum,
63-61.
Haukastúlkur mættu einbeittar
til leiks og leiddu nánast allan
leikinn.
Hið sterka lið KR steig upp
undir lokin, skreið fram úr,
vann leikinn og tryggði sig inn í
úrslitin. - hbg
Iceland Express-deild kvenna:
KR í úrslit
BARÁTTA Haukar börðust grimmilega en
það dugði ekki til. FRÉTTABLAÐIÐ/ANTON
KÖRFUBOLTI Kristi Smith var hetja
Keflavíkur sem vann dramat-
ískan sigur á Hamri í þriðja leik
liðanna í undanúrslitaeinvígi lið-
anna í Iceland Express-deild
kvenna sem fram fór í Hveragerði
í gærkvöldi.
Keflavík vann leikinn 103-101 í
framlengingu eftir að staðan hafði
verið 88-88 eftir venjulegan leik-
tíma. Koren Schram hafði tryggt
Hamar framlengingu en henni
tókst hins vegar ekki að skora
sigurkörfuna í lokasókn leiksins.
„Ég varð að reyna að bæta ein-
hvern veginn fyrir það að klikka
á vítaskotinu þarna rétt áður. Ég
sá tækifærið til að taka skotið og
lét vaða,“ sagði Kristi Smith eftir
leikinn. „Ég er búin að vera í lægð
í fyrstu tveimur leikjunum en ég
náði vonandi að koma mér aftur
af stað í þessum leik,“ sagði Kristi
Smith sem var með 26 stig og 6
stoðsendingar í gær.
Kristi Smith var ekki sú eina
sem steig fram á lokasprettinum
því þær Bryndís Guðmundsdótt-
ir og Pálína Gunnlaugsdóttir voru
með 15 af 26 stigum sínum í fjórða
leikhlutanum og framlengingunni.
Birna Valgarðsdóttir var líka mjög
öflug allan leikinn og var með 25
stig og 12 fráköst. „Við ákváðum
að taka janúarmánuð á þetta þar
sem við vorum að gera þetta allt
saman og létum jákvæðnina ráða
för. Við vissum ef við færum ekki
að byrja á því eftir fyrsta leik-
inn þá gætum við sleppt þessari
úrslitakeppni,“ sagði Birna en
Hamar vann fyrsta leikinn með
20 stiga mun. Keflavík hefur nú
svarað með tveimur sigrum í röð
og getur tryggt sér sæti í lokaúr-
slitunum með sigri í næsta leik á
heimavelli.
„Þetta datt með Keflavík. Pálína
setti fyrst niður rosalega stóran
þrist þegar við erum nýbúnar að
klikka á galopnum þristi og síðan
setur Kristi niður svakalegan
þrist, tvo metra fyrir utan þriggja
stiga línuna og með mann í sér. Það
er lítið hægt að gera í því,“ sagði
Ágúst Björgvinsson, þjálfari Ham-
ars. „Leikurinn vinnst ekki eða
tapast þarna á síðustu sekúndun-
um. Varnarleikurinn okkar er ekki
nægilega góður og þær eru að fá
of mikið af opnum skotum,“ sagði
Ágúst en hvað gerðist eftir fyrsta
leikinn?
„Ætli stelpurnar hafi ekki bara
ofmetnast og haldið að þetta væri
eitthvað auðvelt. Við erum núna
með bakið upp við vegg, þurfum
bara að mæta í Keflavík tilbúnar
að berjast og taka einn leik í einu,“
sagði Ágúst.
Hamarsliðið fór mikið í gegn-
um Juliu Demirer í gær og hún
fór langt með því að vinna leik-
inn með því að skora 39 stig og
taka 13 fráköst. Það munaði hins
vegar miklu um það alveg eins og
í öðrum leiknum að Hamarsliðið
var án Kristrúnar Sigurjónsdótt-
ur á lokasprettinum en hún fékk
sína fimmtu villu þremur mínútum
fyrir leikslok. ooj@frettabladid.is
Mögnuð karfa hjá Kristi
Kristi Smith skoraði þriggja stiga körfu langt fyrir utan þegar 4 sekúndur voru
eftir af framlengingu og tryggði Keflavík 103-101 sigur á Hamri og 2-1 forystu í
einvíginu í undanúrslitum Iceland Express-deildar kvenna.
KOMNAR YFIR Bryndís Guðmundsdóttir og stöllur hennar í Keflavík unnu frábæran
sigur í Hveragerði í gær. FRÉTTABLAÐIÐ/STEFÁN