Fréttablaðið - 26.03.2010, Side 43

geðhjálp ●FÖSTUDAGUR 26. MARS 2010 9
Björgin – geðræktarmiðstöð
Suðurnesja fagnaði fimm ára
afmæli sínu í febrúar síðast-
liðnum.
„Hópurinn sem sækir hingað í
Björgina er mjög fjölbreyttur.
Allt frá mjög veikum einstakling-
um sem hafa átt við langvarandi
veikindi að stríða og sumir jafnvel
búið á stofnunum, til háskólanema,
sem koma þá hingað á daginn til að
læra, fá stuðning og fleira,“ segir
Ragnheiður Sif Gunnarsdóttir,
forstöðumaður í Björginni – geð-
ræktarmiðstöð Suðurnesja. Björg-
in fagnaði fimm ára afmæli sínu 4.
febrúar síðastliðinn og hlaut frum-
kvöðlaverðlaun Geðhjálpar síðast-
liðið haust.
Að sögn Ragnheiðar Sifjar var
Björgin hugsuð sem athvarf fyrir
geðfatlaða fyrstu árin. Fyrir einu
og hálfu ári síðan flutti starfsemin
svo í nýtt húsnæði og varð um leið
víðfeðmari. „Nú bjóðum við upp á
grunn að heildstæðri þjónustu. Á
þeim árum sem starfsemi okkar
var að þróast kom í ljós að þörf ríkti
fyrir viðameiri þjónustu en einung-
is athvarf. Það er enn til staðar, en
nú sinnum við líka endurhæfingu og
eftirfylgni,“ segir Ragnheiður Sif.
„Þörfin fyrir þjónustu af þessu tagi
er mjög mikil og hefur farið stig-
vaxandi frá því við opnuðum fyrst.
Þessa dagana fáum við til okkar tvo
til þrjá nýja einstaklinga á viku að
meðaltali,“ bætir hún við.
Björgin hefur á að skipa tveimur
húsum, hvort sínum megin við Suð-
urgötuna í Reykjanesbæ. Að sögn
Ragnheiðar Sifjar gerir húsakost-
urinn starfsmönnum Bjargarinn-
ar, sem eru fimm talsins í 3,4 stöðu-
gildum auk sjálfboðaliða, kleift að
skipta þjónustunni betur upp og
laga hana að ólíkum hópum. „Við
eigum í góðu samstarfi við fagað-
ila hér á svæðinu, meðal annars fé-
lagsþjónustu á Suðurnesjunum og
Heilbrigðisstofnun Suðurnesja, og
einnig kemur geðlæknirinn Pétur
Hauksson til okkar einu sinni í
viku. Það gerir hann meðal ann-
ars af hugsjón, en samfélagslegur
stuðningur er mikilvægur og gerir
starfið bæði auðveldara og fag-
legra,“ segir Ragnheiður Sif.
Auk daglegra starfa stendur
Björgin reglulega fyrir ýmsum at-
burðum sem miða að því að minnka
fordóma í garð geðsjúkra. Þar á
meðal eru Geðveikir dagar, sem
haldnir hafa verið síðustu tvö ár og
ætlunin er að gera að árvissum at-
burði. „Það er mjög mikilvægt að
vekja samfélagið til umhugsunar
um að allir hafi geðheilsu og hversu
mikilvæg hún sé,“ segir Ragnheið-
ur Sif. - kg
Þörfin vex með hverju ári
Frá Geðveikum dögum sem Björgin stóð fyrir í september síðastliðnum. Árni Sigfússon bæjarstjóri setur skákmót Hressra hróka, skákfélags Bjargarinnar.
Hámarksfjárhæð 8 milljónir
Fastir vextir án uppgreiðsluákvæðis
Lántökugjald 0,5% af lánsfjárhæð
90% af kaupverði eða byggingarkostnaði
90% af viðbótar- og endurbótakostnaði
Þeir sem hafa skerta starfsorku, eru fatlaðir eða hreyfihamlaðir geta fengið aukalán til að gera
breytingar á íbúðarhúsnæði eða til að kaupa eða byggja húsnæði vegna sérþarfa sinna. Lánið
kemur til viðbótar 20 milljóna króna hámarksláni Íbúðalánasjóðs eða öðrum fasteignaveðlánum að
hámarki 20 milljónum. Einnig er heimilt að veita aukalán til forsvarsmanna þeirra sem búa við sérþarfir.
● STYRKTARAÐILUM ÞAKKAÐ Landssamtökin Geðhjálp vilja
þakka Kiwanishreyfingunni, KPMG, Tölvuskólanum Nemanda og vist-
mönnum á réttargeðdeildinni að Sogni fyrir sérstakan stuðning sinn
við starfsemi félagsins. Kiwanishreyfingin er alþjóðleg þjónustuhreyfing
manna og kvenna sem hafa áhuga á að taka virkan þátt í að bæta sam-
félagið og láta gott af sér leiða. Hreyfingin hefur lengi stutt við Geðhjálp
og verður sá stuðningur seint full þakkaður. KPMG er alþjóðlegt net fyr-
irtækja er starfa á sviðum viðskipta og hefur 225 starfsmenn hér á landi.
Tölvuskólinn Nemandi gaf Geðhjálp námskeið fyrir 15 einstakl-
inga sem nutu vel. Vistmenn að Sogni tóku að sér mat og
viðgerðir á tölvum í tölvuveri
Geðhjálpar og þeir gáfu einnig
nokkrar nothæfar tölvur. Takk
fyrir stuðninginn þið ágæta
fólk, einnig þið sem ekki
eruð sérstaklega nefnd
hér en hafið sýnt stuðn-
ing við starfsemi Geð-
hjálpar í margvíslegu
formi.
● ÞÚ GETUR HJÁLPAÐ Geðhjálp er samtök
sem treysta á fjárframlög frá einstaklingum, samtök-
um og fyrirtækjum til að viðhalda rekstrargrundvelli
sínum. Með því að styrkja Geðhjálp leggur þú samtökun-
um lið í baráttu þeirra sem þurfa á aðstoð að halda ef geðheil-
brigði brestur, sem og aðstandenda þeirra. Félagsmenn hafa
kosningarétt á aðalfundum samtakanna og geta þannig
haft bein áhrif á stefnu félagsins. Þú getur gerst styrktar-
aðili eða félagi Geðhjálpar með einu símtali: 570 1700.
● GEÐSPEKIVEFUR HÁSKÓLA ÍS-
LANDS Háskóli Íslands opnaði vefsíður í
febrúar síðastliðnum sem Geðhjálp finnst
ástæða til að vekja athygli á. Síðurnar hafa
hlotið nafnið Geðspekivefur HÍ. Vefurinn hefur
það markmið að skapa jákvæða umræðu um
geðheilsu og vekja athygli á hárri tíðni álags-
þátta meðal háskólanema. Vart þarf að fara
mörgum orðum um það stress og þann kvíða
sem próf geta vakið hjá fólki, og stundum er
sólarhringnum snúið við og jafnvel lítið sofið
á tímabilum, en slíkt er ekki gott fyrir geð-
heilsuna. Auk þessa eru flestir háskólanem-
ar á þeim aldri þegar geðsjúkdóma verður yfirleitt fyrst vart. Af öllu fram-
ansögðu er sjálfsagt fyrir bæði háskólanema og fjölskyldur þeirra að hafa
vakandi auga með geðheilsunni, rétt eins og hinni líkamlegu. Á vefsíð-
unum má taka próf sem geta gefið vísbendingar um geðheilsuna og
bent er á úrræði og samtök sem leita má til. Slóðin er: http://ged.hi.is.