Fréttablaðið - 06.05.2010, Page 10

10 6. maí 2010 FIMMTUDAGUR
HAÍTÍ „Langtímauppbygging verður í að minnsta
kosti tíu ár ef ekki lengur,“ segir Kristjón Þor-
kelsson sendifulltrúi Rauða kross Íslands á
Haítí. Hann fjallar um endurreisnarstarfið þar
í grein sem birt var á vef Rauða krossins í gær.
„Á sumum svæðum þar sem skjálftinn reið
yfir sér maður steinsteypu sem hreinlega varð
að dufti,“ segir hann og bendir á að eftir skjálft-
ann hafi verið áætlað að um það bil þrettán
hundruð þúsund manns hafi verið á vergangi.
„Í þéttbýli hefur fólk komið sér fyrir í óskipu-
lögðum, yfirsetnum búðum sem eru aðallega
gerðar úr plastdúkum og prikum. Í flestum
tilfellum er vandamál að komast í vatn en það
þarf tankbíla til að flytja vatn til fólksins.
Á stöku stað höfum við getað tengt inn á
vatnsveituna en hún var í slæmu ásigkomulagi
fyrir,“ segir Kristjón. Fram kemur að Rauði
krossinn útvegi um það bil tvær milljónir lítra
af vatni í yfir níutíu búðum í Port au Prince og
Leogane.
Þá segir hann að salernismál séu enn stærri
og alvarlegri vandamál. „Í upphafi voru kamrar
settir á skurði til að ráða við bráðaþörfina. Nú
eru skurðirnir að fyllast og það sem verra er að
þegar rignir fyllast skurðirnir af regnvatni og
flæða yfir bakkana með tilheyrandi mengun.
Þetta vandamál óttast menn mikið þegar regn-
tíminn byrjar fyrir alvöru því þá eykst hættan
á útbreiðslu sjúkdóma á borð við kóleru, tauga-
veiki, mislinga og malaríu, sem eykst alltaf á
þessum tíma.“ - óká
Skurðir á Haítí fyllast af saur svo upp úr flæðir þegar rignir:
Uppbygging á Haíti tekur áratug hið minnsta
Í TJALDBÚÐUM Munaðarlaus börn í tjaldbúðum sem
komið var upp eftir jarðskjálftana í janúar.
MYND/SEGLAGERÐIN ÆGIR
Í FJÓSINU Landssamband kúabænda
ætlar að halda kostnaði vegna aðstöðu
„innan skikkanlegra marka, þótt opnað
hafi verið útibú” segir á vef LK.
LANDBÚNAÐUR Landssamband kúa-
bænda hefur opnað útibú á Akur-
eyri, að því er fram kemur á vef
sambandsins.
„Framkvæmdastjóri Lands-
sambands kúabænda hefur nú
flutt búferlum til Akureyrar
ásamt fjölskyldu sinni. Hafa sam-
tökin tekið skrifstofuaðstöðu á
leigu í Búgarði, Óseyri 2,“ segir
þar. Heimilisfang samtakanna
verður eftir sem áður að Bitru-
hálsi 1 í Reykjavík og verður
skrifstofuaðstaða þar.
„Mun framkvæmdastjóri sinna
starfi sínu á þessum tveimur
stöðum eftir því sem aðstæður
krefjast,“ segir á vefnum. - óká
Framkvæmdastjóri flytur:
LK opnar skrif-
stofu Akureyri
FERÐAMÁL Gistinætur á hótelum
voru 10,7 prósentum fleiri í mars
en þær voru í sama mánuði ári
fyrr, að því er fram kemur í nýjum
tölum Hagstofunnar.
Fjölgunin er einkum rakin til
þess að fleiri erlendir gestir hafi
sótt landið heim, því gistinóttum
erlendra ríkisborgara fjölgaði um
18,4 prósent á tímabilinu meðan
gistinóttum Íslendinga fækkaði.
„Þessi þróun hvað erlenda
ferðamenn varðar kemur ekki á
óvart enda höfðu þeir aldrei verið
fleiri hér á landi í marsmánuði en
þeim síðasta,“ segir í umfjöllun
Greiningar Íslandsbanka. - óká
Fleiri gistu á hótelum í mars:
Færri innfædd-
ir á hótelunum
TRÚMÁL Birtur hefur verið á vef
Vantrúar listi yfir presta sem ekki
skrifuðu undir stuðningsyfirlýs-
ingu við ein hjúskaparlög sem birt-
ist í aðsendri grein í Fréttablaðinu
í gær. Alls skrifuðu 82 undir stuðn-
ingsyfirlýsinguna.
„Eins og flestir vita var málinu
ýtt til hliðar á prestastefnu,“ segir
á vefnum, en áréttað að engar
ályktanir séu dregnar af því af
hverju fólk hafi ekki skrifað undir.
„Vel má vera að margir sem hér
eru taldir upp styðji ein hjúskapar-
lög,“ segir þar um leið og sérstök
athygli er á því vakin að í stuðn-
ingsyfirlýsingunni vanti helstu
forvígismenn kirkjunnar, biskup,
vefprest, verkefnastjóra fræðslu-
mála og upplýsingafulltrúa kirkj-
unnar. - óká
Vantru.is birtir prestalista:
Biskupinn er
ekki á listanum
HEILBRIGÐISMÁL Á fundi ráðgjafa-
nefndar Sóttvarnastofnunar Evr-
ópusambandsins, sem nú stendur
í Stokkhólmi,
grennslaðist
Haraldur Briem
sóttvarnalækn-
ir fyrir um
hvort varað
hefði verið við
Íslandsferðum
vegna eldgoss-
ins í Eyjafjalla-
jökli. Fékk
hann þau svör
að svo hefði ekki verið.
Á fundinum veitti Haraldur
upplýsingar um stöðu mála vegna
gossins. - bþs
Sóttvarnalæknir á ESB-fundi:
Ekki varað við
Íslandsferðum
HARALDUR BRIEM
DÓMSMÁL Stýrimaðurinn á fiski-
skipinu Bjarna Ólafssyni AK-70
hefur verið dæmdur í 300 þúsund
króna sekt og sviptur skipstjórn-
arréttindum í þrjá mánuði.
Stýrimaðurinn dró uppi og
sigldi fram úr dráttarbáti sem
var með pramma í togi. Fiski-
skipið sigldi á dráttartaugina
með þeim afleiðingum að drátt-
arkrókurinn slóst út á bakborða
dráttarbátsins. Það varð til þess
að báturinn fór að mestu í kaf og
hallaði svo mikið að hætta var á
að honum myndi hvolfa. Báturinn
og fiskiskipið rákust saman, gat
kom á stjórnborðssíðu skipsins og
skipverji á dráttarbátnum slasað-
ist. - jss
Sigldi skipi á dráttartaug:
Stýrimaður
dæmdur í sekt
Upplýsingafulltrúar ráðnir
Rósa Björk Brynjólfsdóttir hefur verið
ráðin upplýsingafulltrúi fjármála-
ráðuneytisins. Rúmlega 30 sóttu
um stöðuna. Þá hefur Elfa Björk
Sverrisdóttir verið ráðin tímabundið
í starf upplýsingafulltrúa heilbrigðis-
ráðuneytisins.
STJÓRNSÝSLA
KOSNINGAR Utankjörfundarat-
kvæðagreiðsla vegna borgar-
stjórnarkosninganna 29. maí fær-
ist í Laugardalshöll á mánudag.
Frá 6. apríl hefur hún farið fram
hjá sýslumanninum í Reykjavík.
Opið er hjá sýslumanni á milli
9.00 og 15.30 í dag og á föstu-
dag og á milli 12.00 og 14.00 um
helgina. Í Laugardalshöll verður
opið frá tíu á morgnana til tíu á
kvöldin.
Utankjörfundaratkvæða-
greiðsla á sjúkrahúsum og dvalar-
heimilum aldraðra hefst þriðju-
daginn 18. maí og verður nánar
kynnt á viðkomandi stöðum. - bþs
Utankjörfundaratkvæði:
Kosið í Höllinni
á mánudaginn
DÓMSMÁL Lögmannafélag Íslands
hefur sent formanni Dómarafé-
lags Íslands bréf í tilefni af hús-
leitum sem dómarar hafa heimil-
að á lögmannsstofum eftir hrun.
Afrit af bréfinu var sent dóms-
málaráðherra.
Í bréfinu er áréttað að lögmenn
séu bundnir þagnarskyldu um
hvaðeina sem við kemur starfi
þeirra. Þeir skuli aldrei, án end-
anlegs dómsúrskurðar sem bein-
ist að þeim eða skýlauss laga-
boðs, láta óviðkomandi aðilum í
té gögn og upplýsingar um skjól-
stæðinga.
„Í þessu felst að öll frávik frá
meginreglunni ber að túlka þröngt
og gera verður ríka kröfu til dóm-
stóla að þeir tryggi að ekki verði
gengið lengra en nauðsyn kref-
ur hverju sinni. Þannig verður að
gera kröfu til þess að heimild til
húsleitar sé vandlega rökstudd og
sé takmörkuð við tiltekin gögn, á
tilteknu tímabili, í nánar tilteknu
máli. Sé þessa ekki gætt er hætta
á að gengið verði of langt gegn
rétti skjólstæðings og þá um leið
trúnaðarskyldu lögmanna, sem
aftur grefur undan réttarkerfinu
í heild sinni,“ segir í bréfinu.
Þótt samfélagið gangi í gegnum
sérstaka tíma og álag sé mikið á
dómstólum megi ekki gefa afslátt
af þeim grundvallarreglum sem
hingað til hafi gild. Hvetur Lög-
mannafélagið Dómarafélagið til að
minna félagsmenn sína á að missa
ekki sjónar á þeim í umrótinu. - sh
Lögmannafélagið sendir Dómarafélaginu bréf vegna húsleita á lögmannsstofum:
Lögmenn minna dómara á hófsemi
LÁRENTSÍNUS KRISTJÁNSSON Formaður
Lögmannafélagsins. FRÉTTABLAÐIÐ/STEFÁN
EFNAHAGSMÁL Verulegar líkur eru á
að Seðlabankinn dragi á öll lán frá
Alþjóðagjaldeyrissjóðnum, Norð-
urlöndunum og Póllandi til að sýna
fram á styrk bankans. Þetta segir
Már Guðmundsson seðlabanka-
stjóri. Hann bendir á að staðan sé
betri en reiknað hafi verið með og
áhyggjur af getu ríkissjóðs til að
standa í skilum við lán sem falla
á gjalddaga á næsta og þarnæsta
ári úr sögunni. „Markaðurinn
er ekki alveg búinn að átta sig á
þessu,“ sagði hann og benti á að
vaxta álag á ríkissjóð hafi lækkað
mikið þótt dyr erlendra lánsfjár-
markaða hafi enn ekki opnast.
Bankastjórn Seðlabankans
greindi frá ákvörðun peninga-
stefnunefndar í gær að lækka
vexti um hálft prósentustig. Stýri-
vextir fara við það úr 9 prósentum
í 8,5 prósent. Aðrir vextir lækka
jafn mikið.
Már, sem jafnframt er formað-
ur peningastefnunefndar, sagði
ákvörðunina byggjast meðal ann-
ars á því að meðalgengi krónu
hafi í meginatriðum haldist
stöðugt frá síðasta vaxtafundi.
Hann viðurkenndi að ef ekki hefði
verið gripið til haftastefnu mætti
reikna með að gengið væri öllu
lægra, gengisvísitalan nær þrjú
hundruð stigum. Vísitala krón-
unnar endaði í gær í 223,8 stig-
um og kostaði ein evra 166 krón-
ur. Stefnt er að afnámi hafta eins
fljótt og auðið er að lokinni þriðju
endurskoðun efnahagsáætlun-
ar Alþjóðagjaldeyrissjóðsins og
stjórnvalda. Vonir standa til að
endurskoðuninni ljúki í júlí. Spáð
er að árið 2010 kosti evran 160
krónur, að sögn Más.
Fram kom í máli Þórarins G.
Péturssonar, aðalhagfræðings
Seðlabankans, að efnahagsbati
sem spáð var í janúar tefðist um
Efnahagsbatinn lætur
bíða lengur eftir sér
Seðlabankinn sækir mikinn styrk í erlent lánsfé. Atvinnulífið getur ekki keppt
við bankana um sparifé til fjárfestingar. Þetta leiðir til tafa á efnahagsbata og
miklu atvinnuleysi næstu tvö árin, samkvæmt spá Seðlabankans.
Kreppan hér mun vara í tíu ársfjórðunga, eða tvö og hálft ár. Til saman-
burðar varir samdráttarskeið í öðrum löndum í núverandi kreppu í fjóra til
sex ársfjórðunga, eitt til eitt og hálft ár. Samdrátturinn hér er engu að síður
minni en í öðrum löndum, að sögn Þórarins G. Péturssonar, aðalhagfræð-
ings Seðlabankans. Hann benti á að landsframleiðsla hefði dregist saman
um tvö prósent í Bandaríkjunum, um fimm prósent á evrusvæðinu og um
sex prósent í Bretlandi. Landsframleiðsla dróst saman um tíu prósent hér í
fyrra en 25 prósent í Lettlandi. „Þetta er lengsta samdráttarskeið í íslenskri
nútímasögu eftir seinna stríð,“ benti Þórarinn á.
Íslenska kreppan sú lengsta
SEÐLABANKASTJÓRI FER YFIR MÁLIN Seðlabankinn er sterkari en markaðurinn
telur hann vera, að sögn Más Guðmundssonar. Stefnt er að afnámi gjaldeyris-
hafta á seinni hluta árs. FRÉTTABLAÐIÐ/ANTON
einn ársfjórðung. Töfin skrif-
ast á samdrátt í einkaneyslu og
tafa á fjárfestingum jafnt inn-
lendra sem erlendra aðila hér,
þar á meðal fjárfestingu í stór-
iðju. „Óvissa hefur valdið því að
fjárfestar er tregir til að fjárfesta
í atvinnurekstri. Síðan hafa víð-
tækar innlánstryggingar valdið
því að atvinnulífinu hefur reynst
erfitt að keppa um spariféð,“
sagði Þórarinn og benti á að allt
upp undir ári eftir að efnahags-
lífið taki við sér dragi úr atvinnu-
leysi. Seðlabankinn spáir 9,5 pró-
senta atvinnuleysi á þessu ári.
Það er nú 9,3 prósent. Það verður
komið niður í 6,7 prósent eftir tvö
ár, gangi spá bankans eftir.
jonab@frettabladid.is
LJÓN Í DÝRAGARÐI Ambar heitir þetta
þriggja og hálfs árs ljón sem þarf
að hírast alla sína daga í dýragarði í
Ahmedabad á Indlandi.
NORDICPHOTOS/AFP