Fréttablaðið - 06.05.2010, Page 24
24 6. maí 2010 FIMMTUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
MENNING: Páll Baldvin Baldvinsson fulltrúi ritstjóra pbb@frettabladid.is HELGAREFNI: Anna Margrét Björnsson amb@frettabladid.is og Sigríður Björg Tómasdóttir sigridur@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
Borgarmál
Oddný
Sturludóttir
borgarfulltrúi
Björk
Vilhelmsdóttir
borgarfulltrúi
HALLDÓR
Stjórnmálin í Reykjavík snúast að stærstum hluta um börn. Velferð smá-
fólks, metnaðarfullt starf í leik- og grunn-
skólum og jafnt aðgengi að frístundum eru
hjartans mál jafnaðarmanna. Samfylking-
in líður ekki stéttskiptingu, mismunun og
fátækt á sinni vakt. Við treystum okkur
til að hagræða í skólakerfinu án þess að
það bitni á fagmennsku og gæðum. „Unga
Reykjavík“ er barnastefna Samfylkingar-
innar. Þar koma fram áherslur okkar varð-
andi menntun, frístundir og velferð barna.
Því miður er stéttskipting í Reykjavík
þegar kemur að þátttöku barna í frístunda-
starfi. Þessu er hægt að breyta með því að
auka samstarf listafólks, menningarstofn-
ana og skóla. Við viljum að skólar stefni
að „menningarfánamarkmiði“, svipuðu
Grænfánamarkmiði í umhverfismennt.
Þannig komist öll börn í tæri við undur
sköpunar krafts lista og handíða. Við vilj-
um líka taka upp viðræður við öll íþrótta-
félög, æskulýðssamtök og listaskóla og
hugsa leiðir til að gera frístundir aðgengi-
legri og ódýrari.
Íslenskir strákar missa mun fyrr áhuga
á námi en stúlkur. Reykvískir skóla ættu
að leiða þjóðarátak um betri námsárang-
ur stráka, meiri áherslu á siðfræði, heim-
speki, tjáningu og samvinnu í námi barna
í skólum og í frístundastarfi. Við viljum
stíga stærri skref til samþættingar frí-
stunda- og skólastarfs og nýta tækifærin
sem felast í stækkandi faghópi frístunda-
fræðinga og hvað þeir geta lagt gott til
fjölbreytilegri skóladags. En okkur er líka
umhugað um starfsþróun og leggjum því
til að skólastjórar og kennarar í Reykja-
vík hafi skipti á vinnustöðum í símenntun-
arskyni. Einnig viljum við að skólastjórar
verði ráðnir til nokkurra ára í senn, til að
tryggja miðlun þekkingar milli skóla.
Mikilvægast af öllu er þó að hafa börn-
in ávallt í brennidepli, ekki þær mörgu
stofnanir sem koma að velferð þeirra. Við
viljum stokka upp sérfræðiþjónustu skóla
í samstarfi við ríkið, ryðja í burtu múrum
milli stofnana og auka skólaráðgjöf inn í
skólastofuna. Af því hlýst bæði hagræð-
ing og betri þjónusta við börn og fjölskyld-
ur. ,,Unga Reykjavík“ geymir á fjórða tug
áherslna um menntun og velferð barna og
unglinga. Áherslur um virkni ungmenna,
læsi, samstarf við framhaldsskólann og
margt fleira. Það er með stolti sem við
kynnum ,,Ungu Reykjavík“, barnastefnu
Samfylkingarinnar. Við viljum bjartari
framtíð fyrir öll börn í Reykjavík.
Unga Reykjavík
Viðarhöfða 6 - Reykjavík / Bæjarhrauni 12 - Hafnarfirði
www.sindri.is / sími 575 0000
Verslanir
PI
PA
R\
TB
W
A
•
S
ÍA
•
1
01
16
4
DCD945B2
Öflug 12 V borvél m. höggi
LED-ljós
13 mm patróna
3ja gíra, 0-450/1200/1800
Átak 44 Nm.
2x2,6 Ah Ni-Mh rafhlöður.
12 V hleðsluborvél m. höggi
59.900
Verð með vsk.
Vitleysingar
Pétur Blöndal, Sjálfstæðisflokki, kemst
oft skemmtilega að orði. Á fundi
með samflokksmönnum í Valhöll á
dögunum fór hann yfir áhrif hrunsins
á lífeyrissjóðina og spurði hver bæri
ábyrgð. Eins og við mátti búast telur
hann ábyrgðina liggja víða, til dæmis
hjá matsfyrirtækjum, eftirlitsaðilum,
Alþingi og stjórnum og aðildarsam-
tökum lífeyrissjóðanna. Einn
hópur í upptalningu Péturs er
þá ótalinn, nefnilega banka-
mennirnir sem stóðu að
stóru lánveitingunum. Eða
„vitleysingarnir sem lánuðu
vitleysingunum“ eins og
hann kallar þá.
Tortryggnin
Í glundroðanum sem ríkir á Íslandi í
kjölfar bankahrunsins er allt tortryggt,
með réttu eða röngu. Því hefur Sigrún
Björk Jakobsdóttir, bæjarfulltrúi
Sjálfstæðisflokksins á Akureyri, mátt
kynnast. Eignatilfærsla hennar og
eiginmanns hennar vakti sjálfsagða
athygli og viðbrögð hennar í Sjón-
varpinu, þar sem hún þurfti
eðlilega að svara fyrir málið,
voru út úr öllu korti.
Skotið fyrst og
spurt svo
Svo virðist sem fjármál
þeirra hjóna og hagsmunir
þeim tengdir eigi eftir
að vefjast fyrir Sigrúnu í kosningabar-
áttunni. Í það minnsta gekk Baldvin
Sigurðsson, bæjarfulltrúi VG, á lagið í
gær og sagði á Pressunni að ekki hefði
legið fyrir hvort Sigrún hefði verið
vanhæf við afgreiðslu tiltekins máls
í bæjarstjórninni fyrir nokkrum árum
vegna hagsmuna eiginmannsins. Þetta
þurfti Sigrún að sverja af sér í nokkuð
löngu máli á Pressunni síðar í gær og
verður ekki annað séð af tímasetningu
atburðarásarinnar en að Baldvin hafi
vaðið í villu og svíma. Hefði hann
sýnt öllu meira drenglyndi ef hann
hefði sjálfur reynt að finna vanga-
veltum sínum um vanhæfi – og þar
með spillingu – stoð áður en hann
hleypti af. bjorn@frettabladid.isÞ
eim fer góðu heilli stöðugt fjölgandi sem nota reiðhjól
til að komast leiðar sinnar á höfuðborgarsvæðinu og
víðar í þéttbýli.
Lengi vel var litið svo á að veður og mishæðir gerðu
að verkum að á Íslandi hentuðu hjól ekki til að komast
á milli staða. Það viðhorf er breytt og nú er ekki lengur litið á
reiðhjól sem leikföng, fyrst og fremst fyrir börn, heldur eru þau
að festast í sessi sem fullgild farartæki.
Árlegt átak Hjólað í vinnuna hefur verið mörgum hvatning
til að nota reiðhjól og þótt þorri
fólks leggi kannski reiðhjólinu
fljótlega eftir að átakinu lýkur
þá skilar það alltaf einhverri
fjölgun í hópi hjólandi borgara.
Vel fer á því að átakið hjólað
í vinnuna skuli standa yfir á
lokasprettinum fyrir hinar allt
of gleymdu sveitarstjórnarkosn-
ingar sem fram fara eftir aðeins rúmar þrjár vikur. Það minnir
á að í borg og þéttbýli eru samgöngur meðal brýnna mála sem
kosið er um.
Undanfarin ár hefur bílaeign borgarbúa aukist og mikið hefur
verið lagt í að greiða umferð einkabíla um borgina. Á sama tíma
hefur dregið úr ferðum strætisvagna auk þess sem umferðar-
mannvirki sem fyrst og fremst miðast við bíla eru oft heldur óað-
gengileg og óaðlaðandi fyrir gangandi og hjólandi vegfarendur.
Þessari þróun verður að snúa við og er áætlun borgarinnar um
hjólaborgina Reykjavík viðleitni til þess. Sú áætlun snýr fyrst
og fremst að því að byggja upp gott hjólastíganet sem vissulega
er ein af forsendum þess að reiðhjólið sé aðlaðandi valkostur í
amstri hvunndagsins.
Fleira þarf þó að koma til. Daglegt amstur fólks er flóknara en
svo að koma sér að morgni frá heimili að vinnustað og svo aftur
til baka að kvöldi. Börn þurfa að komast í leikskóla og skóla og
svo þarf að draga björg í bú.
Til þess að borg sé aðlaðandi hjólaborg þarf að vera greið og
góð hjólaleið að skólum og best væri auðvitað að um leið drægi
úr umferð bíla þar því þeir auka jú hættuna fyrir reiðhjólafólkið,
ekki síst börnin.
Sú þróun að matvöruverslanir eru nú færri og stærri en áður er
ekki heldur reiðhjólahvetjandi. Það er ekkert sérstaklega aðgengi-
legt fyrir hjólafólk að þurfa að taka stóran krók til að versla og
hjóla svo langa vegalengd með kvöldmatinn og mjólkina. Þannig
eru verslanir í íbúðahverfum að vissu leyti bæði samgöngu- og
umhverfismál sem mikilvægt er að sveitarstjórnarfulltrúar hafi
sýn á.
Það skiptir borgarbúa miklu máli að draga úr notkun einka-
bíla. Það er brýnt umhverfismál vegna mengunar af útblæstri
og vegna svifryks.
Hjólreiðar eru þannig ekki holl og góð hreyfing sem gaman
er að stunda í átaki nokkrar vikur á ári. Þær eru ein þeirra leiða
sem við eigum til að gera umhverfi okkar bæði hreinna og meira
aðlaðandi.
Átakið Hjólað í vinnuna minnir á að í sveitar-
stjórnarkosningum er kosið um samgöngumál.
Á fáki fráum í
bílaborginni
SKOÐUN
Steinunn
Stefánsdóttir
steinunn@frettabladid.is