Fréttablaðið - 07.05.2010, Blaðsíða 12

12 7. maí 2010 FÖSTUDAGUR
Suðurgata 10 I sími 517 0723 I reykjavik@vg.is I www.vg.is
Vi
ns
tri
hr
ey
fin
gi
n
- g
ræ
nt
fr
am
bo
ð
vil
l b
ei
ta
sé
r f
yr
ir
ró
ttæ
ku
m
þjóðfélagsumbótum almenningi til hagsbóta, hefja vernd náttúru og umhverfis til vegs á Íslandi og treysta byggð um
allt land. // sjá m
eira á w
w
w
.vg.is/stefna/
Vinstri græn í Reykjavík kalla félagsmenn og kjörna
fulltrúa til fundar um rannsóknarskýrsluna
kl. 11-15 sunnudaginn 9. maí að Vesturgötu 7, Rvk.
Umræður fara fram með þjóðfundarsniði
og boðið verður upp á súpu um miðbik fundarins.
Skráningu lýkur föstudaginn 7. maí kl. 18.00.
Nánari upplýsingar á www.vgr.is.
Umræðufundur
um rannsóknarskýrsluna
HEIMILI OG SKÓLI
ÓSKAR EFTIR TILNEFN-
INGUM TIL FORELDRA-
VERÐLAUNANNA 2010
Sími
Sími
HEIMILI OG SKÓLI
ÓSKAR EFTIR
TILNEFNINGUM TIL
FORELDRAVERÐLAUNA
2010
Foreldraverðlaun Heimilis
og skóla – landssamtaka
foreldra
þriðjdaginn 1. júní 2010
kl. 15.00
-
að
www.heimiliogskoli.is.
-
10. maí 2010.
Útlit er fyrir að ekki verði
staðið við samkomulag sem
gert var við Má Guðmunds-
son um laun. Lára V. Júlíus-
dóttir, formaður bankaráðs
Seðlabankans, hefur sagt
að henni hafi verið falið að
efna samkomulagið. Á hinn
bóginn hefur hún hvorki
viljað upplýsa hver gerði
samkomulagið við Má né
hver fól henni að efna það.
Þú hefur ekki viljað segja hver gaf
Má Guðmundssyni fyrirheit um að
laun hans yrðu þau sömu og for-
vera hans. Hvers vegna ekki?
„Ég kýs að tjá mig ekki um
ástæður þess.“
Finnst þér þjóðin ekki eiga
heimtingu á að vita hver gaf þetta
fyrirheit?
„Ekki frá mér.“
Hver bar þér þau boð að borga
bæri Má sömu laun og forveri
hans hafði?
„Þegar gengið var frá því að
hann kæmi til starfa þá gerði
hann áskilnað um þetta atriði og
því var vitað af því þegar hann
hóf störf. Það var gengið frá þessu
í júní eða júlí, hann kom til starfa
í ágúst, en það var ekki fyrr en
í febrúar að niðurstaða kom í
kjararáði. Í framhaldi af því var
nauðsynlegt að taka afstöðu til
þess hvernig túlka eigi breyt-
ingu 28. greinar Seðlabankalag-
anna og finna út hvernig ætti að
meðhöndla málið.“
Forsætisráðherra hefur hvað
eftir annað neitað að Má hafi
verið gefið eitthvert fyrirheit.
Hvernig ber að skilja málið í því
ljósi?
„Ég kýs að skilja það þannig að
ekki sé vilji til að fylgja þeim fyr-
irheitum eftir í ljósi ástandsins.
Hvað finnst þér um að Má hafi
verið gefið fyrirheit um tiltekin
laun?
„Ef ég á að vera hreinskilin þá
finnst mér eðlilegt að hann hafi
gert þennan fyrirvara miðað við
það launaumhverfi sem hann kom
úr. Það verður að skoða málið í því
ljósi. Hann er að koma úr starfi
sem er margfalt betur launað
heldur en það starf sem hann er að
taka við. Og það er ósköp eðlilegt
að menn fari yfir slíkar breyting-
ar bæði með sjálfum sér og sinni
fjölskyldu.
Það verður líka að líta til þess
að andrúmsloftið í samfélaginu er
annað nú en það var fyrir ári. Það
eru rúmar þrjár vikur liðnar frá
því að rannsóknarskýrslan kom út
og skýrslan er uppfull af dæmum
um alls konar sukk og svínarí.
Að sjálfsögðu tengjum við svona
fréttir ekki öðru en sukki og svín-
arí og það er ósköp eðlilegt. Það
er líka ósköp eðlilegt að fólk sé
reitt.“
Finnst þér laun upp á tæpar
þrettán hundruð þúsund of lág
fyrir seðlabankastjóra?
„Það fer eftir samhenginu.
Miðað við laun alls þorra fólks
eru þetta mjög há laun. Ef við
berum þau hins vegar saman við
laun annarra bankastjóra hér
á landi þá eru laun seðlabanka-
stjóra annaðhvort of lág eða laun
annarra bankastjóra of há. Við
getum líka sett þetta í alþjóðlegt
samhengi og reiknað þetta út í
evrum eða dollurum eða litið til
þess að millistjórnendur í bönkun-
um voru gjarnan með á milli sex
og sjö milljónir í mánaðarlaun.
Ég held að flestir myndu telja
þessi laun mjög góð en ég er ansi
hrædd um að þeir einstakling-
ar sem hér eiga í hlut geti fengið
mun betri laun annars staðar. Við
þurfum að skoða málið í því sam-
hengi og spyrja hvort við eigum á
hættu að missa besta fólkið okkar
til útlanda eða til einkageirans.“
Telurðu þá að kjarastefna
stjórnvalda sé í raun skaðleg
ríkinu?
„Ef þú ert að vísa til laganna
um að láta kjararáð ákvarða laun
22 embættismanna þá lít ég ekki
á þau sem kjarastefnu stjórnvalda
heldur sértæka aðgerð sem bein-
ist gegn tilteknum einstaklingum.
Ég held að kjarastefna stjórnvalda
þurfi að vera miklu víðtækari og
að hana verði að kalla fram með
öðru en valdboði. Ég hef efasemd-
ir um að hægt sé að kalla fram
svona breytingar með valdboði.“
Í ljósi ákvörðunar kjararáðs þarf
þá bankaráðið eða eftir atvikum
seðlabankastjóri að lækka laun
annarra stjórnenda í Seðlabank-
anum til að eðlilegt jafnvægi sé á
milli launa manna eftir því hvar
þeir eru í valdapýramídanum?
„Það kemur fram í lögum
hvernig laun eru ákveðin innan
bankans. Langflestir eru á samn-
ingsbundnum kjörum og í þeim
kjarasamningum er tekið fram
að þau megi ekki lækka. Stór hluti
starfsmanna er því varinn af þeim
samningum. Nokkrir æðstu emb-
ættismenn bankans taka laun í
hlutfalli við laun seðlabankastjóra
eða samkvæmt ákvörðun hans og
það er þá hans að ráða fram úr
þeim málum. Að sjálfsögðu hefur
þetta áhrif á allt kerfið enda er
þessum lögum ætlað að hafa slík
áhrif. Mönnum er ætlað að þrýsta
niður kaupinu í sinni stofnun.“
Er bankastjórinn ekki lengur
launahæsti starfsmaður bank-
ans?
„Ég bara veit það ekki.“
Þú lagðir tillöguna fram á
bankaráðsfundi í síðustu viku og
þar spunnust um hana umræður.
Telurðu að það hafi verið meiri-
hluti fyrir henni innan ráðsins?
„Ég vil í raun ekki velta því
fyrir mér. Ég lít þannig á að
bankaráðið eigi að rækja störf
sín sameiginlega frekar en að í
því séu meirihluti og minnihluti.
Mér þykir vænt um að þar geti
farið fram hreinskiptar umræð-
ur án þess að fólk bindi sig um of
á klafa flokkanna.
Þótt fulltrúar í bankaráðinu séu
kosnir af Alþingi eru þeir þar sem
einstaklingar sem þingið velur til
að gegna þessum störfum.“
Ertu búin að ákveða endanlega
að draga tillöguna um kjarabætur
Más til baka?
„Mér sýnist einsýnt að ég geri
það en það verður ekki fyrr en í
lok maí þegar bankaráðið kemur
næst saman. Enginn veit svosem
ævina fyrr en öll er og ef einhver
lausn kemur fram eða ný sýn þá
mun ég fagna því.“
Gæti komið til greina að þú
legðir fram nýja tillögu um ein-
hverjar kjarabætur til handa
seðlabankastjóra?
„Ég held að það sé farsælast
fyrir alla að setja málið í bið og
lofa því að þroskast. Annað get ég
ekki sagt um það.“
Óttastu að Már Guðmundsson
kunni að láta af störfum í bank-
anum út af þessu máli?
„Það er erfitt að segja en ég
held þó að það komi ekki til þess.
Hitt vil ég samt segja að það þarf
ekki margar svona uppákomur til
að skapa tortryggni og pirring og
þess vegna ber að forðast svona
lagað. Ég er vinnuréttarlögfræð-
ingur og hef starfað sem slíkur
í tæp 30 ár. Ég veit hversu við-
kvæm kjaramál eru og þekki tog-
streituna sem getur komið upp
vegna launa.“
Hvernig meturðu þína stöðu
eftir þetta mál og samband þitt
við forsætisráðherra sem valdi þig
til formennsku í bankaráðinu?
„Ég hef alltaf verið mikill aðdá-
andi Jóhönnu Sigurðardóttur, ég
var aðstoðarmaður hennar um
tíma, og mér þykir hún afar skel-
egg og staðföst. Ég lít á þetta eins
og hverja aðra uppákomu í sam-
skiptum tveggja einstaklinga sem
eru að vinna vinnuna sína. Hvað
mig áhrærir kemst ég auðveldlega
yfir þetta.“
Í ljósi þess að fyrirheitið var
gefið og málið virðist hafa verið
undirbúið um nokkurt skeið lítur
út fyrir að þú sért skilin eftir á
köldum klaka. Finnst þér það allt
í lagi?
„Ég lít ekki svo á að ég hafi
verið skilin eftir á köldum klaka,
og barma mér ekki. Í lögmennsk-
unni er ég vön því að taka því sem
að höndum ber. Sum mál vinnast,
önnur ekki. En svona er lífið, allir
takast þar á við miserfið verkefni.
Stundum gengur vel og stundum
ekki. Það vill bara þannig til að
þetta mál er á allra vörum. Ég geri
ráð fyrir að við komumst í gegn-
um þennan skafl eins og aðra.“
Eðlilegt af Má að gera fyrirvara
um laun miðað við aðstæðurnar
FRÉTTAVIÐTAL: Lára V. Júlíusdóttir formaður bankaráðs Seðlabankans
BJÖRN ÞÓR SIGBJÖRNSSON
bjorn@frettabladid.is
Auglýsingasími
Allt sem þú þarft…
FORMAÐUR BANKARÁÐSINS Lára V. Júlíusdóttir var aðstoðarmaður Jóhönnu Sigurðardóttur við upphaf ráðherraferils hennar árið
1987. Hún kveðst vera mikill aðdáandi Jóhönnu og telur að launamál seðlabankastjórans spilli ekki sambandi þeirra.
F
R
ÉT
TA
B
LA
Ð
IÐ
/V
A
LL
I

Lára V. Júlíusdóttir, formaður bankaráðs Seðlabankans, lagði fram tillögu í
bankaráðinu í síðustu viku um að laun Más Guðmundssonar yrðu hækk-
uð um 400 þúsund krónur á mánuði. Morgunblaðið upplýsti um málið á
mánudag. Tillagan var lögð fram í ljósi samkomulags sem gert var við Má
í aðdraganda skipunar hans í embætti. Lára hefur ekki viljað upplýsa hver
gerði samkomulagið við Má. Jóhanna Sigurðardóttir forsætisráðherra hefur
alfarið neitað að hafa gert samkomulagið og að slíkt samkomulag hafi yfir
höfuð verið gert.
Laun seðlabankastjóra voru lækkuð með ákvörðun kjararáðs í febrúar.
Byggði sú ákvörðun á sérstökum lögum um kjör 22 embættismanna og
forstjóra opinberra fyrirtækja. Ákvað kjararáð laun seðlabankastjóra tæplega
þrettán hundruð þúsund. Forveri Más í embætti var með um sextán hundr-
uð þúsund krónur á mánuði.
Til stóð að hækka laun Más um 400.000