Fréttablaðið - 07.05.2010, Blaðsíða 25

FÖSTUDAGUR 7. maí 2010 3
„Það leikur nú allt á minn tilfinningaskala,
og vissulega brynnti ég músum og hló
mig máttlausa yfir mæðgnasögunum því í
reynsluheimi kvenna leynist bæði gleði og
sorg. Það snart mig hversu margar konur
höfðu samband til að segja að kall mitt
hefði hreyft við þeim, því það gaf tækifæri
til að hugsa um það einstaka samband sem
við tökum oftast sem sjálfsögðum hlut,“
segir Sunna Dís Másdóttir, sem á morg-
un opnar sýninguna „Augun mín í augum
þínum – mæðgur tala saman“ í bakrými
gamla Hljómalindarhússins við Laugaveg
23. Sýningin er afsprengi lokaverkefnis
Sunnu í meistaranámi hagnýtrar menningar-
miðlunar frá Háskóla Íslands.
„Ég hafði smá áhyggjur af því að sýn-
ingin yrði of konumiðuð en fannst ágætt
þegar kennarinn benti mér á að körlum
gæfist nú einstakt tækifæri til að fá inn-
sýn í lokaðan heim kvenna og ætlar sjálfur
að mæta í rannsóknarerindum til að öðlast
betri skilning á konum, mæðrum og dætr-
um,“ segir Sunna sem fékk hugmyndina að
mæðgnasögunum þegar móðir hennar varð
fimmtug.
„Mæðgnasambönd eru svolítið óvenjuleg
en nokkurn veginn alþjóðleg líka. Ég lagð-
ist í heimildarvinnu og sá að mæðgnasam-
bönd eru álitin merkileg hvort sem það er á
Filippseyjum, í San Fransisco eða á Íslandi.
Rithöfundurinn Patty Davis lýsir þeim best,
en hún segir allt vera í yfirstærð í mæð-
gnasamböndum og þar finnst mér hún hitta
naglann á höfuðið því gleðin verður svo
rosaleg, eins og nándin, sorgin og dramað.
Allt verður í stækkaðri mynd því mæðgur
eru náskyldar, sama kyns, flóknar sem
kvenverur og skilja hvor aðra til fulls.“
Á sýningu Sunnu verður hægt að sjá
heimildarmyndir af viðtölum sem hún tók
við mæðgur, en þau verða síðan afhent
Miðstöð munnlegrar sögu til varðveislu.
„Þá verða til sýnis ótrúlega fagrar mynd-
ir frá Ljósmyndasafni Reykjavíkur af
mæðgum fyrri tíma, en elsta myndin er
frá 1890 og sú yngsta 1980. Að auki verð
ég með sögurnar sem ég safnaði á Netinu
en úr þeim útbjó ég sameiginlegt mæðgna-
fjölskyldualbúm sem fólk getur tyllt sér
með yfir kaffisopa, skoðað það sem fyrir
augu ber og haldið svo áfram ferð sinni um
miðbæinn.“
Í náminu hefur Sunna áður tekið fyrir
ástarbréf Íslendinga, en hagnýt menning-
armiðlun snýst um að miðla áfram hvers
kyns menningarverðmætum.
„Menning er óskaplega vítt hugtak en það
sem heillar mig mest er persónuleg menn-
ing. Ef maður þorir að miðla hinu persónu-
lega græða allir. Maður vex af því að deila
með sér, og með því að taka þátt í reynslu-
heimi annarra stækkar manns eigin heim-
ur og maður verður mannlegri. Þess vegna
vil ég ná fólkinu sem finnst það almennt
ekki eiga heima á sýningum en er hafsjór
fróðleiks, minninga og lífsreynslu,“ segir
Sunna sem eyða mun sumri komanda vestur
á fjörðum með sínum heittelskaða.
„Hann réði sig sem kokkur á Flateyri
og það hittist svo skemmtilega á að þar er
gömul krambúðarfílings-bókabúð sem þarf
að hafa umsjón með. Hinum megin í húsinu
stendur íbúð kaupmannshjónanna óhreyfð
og nú er verið að gera hana að safni.
Ég er svo ættuð að vestan og eyddi sumr-
um æskunnar á Patreksfirði en er ofsa
spennt að fara aftur og kynnast enn fleiri
vestfirskum hnútum.“ thordis@frettabladid.is
Hin mestu móðurdjásn
Ást móður og barns er fölskvalaus, hvort sem afkvæmið er halur eða drós. Tengslin haldast sterk yfir gröf og dauða, en í þeim lifir
gegnheil gleði og hamingja í bland við óhjákvæmilega ósigra tilverunnar.
Maí 1943, Beta og Didda sitja á tröppum Lands-
bókasafnsins við Hverfisgötu. Didda er klædd í
hvítan slopp. MYND/SKAFTI GUÐJÓNSSON
Apríl 1964, Guðrún Ásmundsdóttir leikkona hellir
upp á kaffi. Við hlið hennar situr Sigrún Edda
Björnsdóttir dóttir hennar og síðar leikkona.
MYND/LJÓSMYNDASAFN REYKLJAVÍKUR
Sunna Dís Másdóttir ákvað að opna
sýningu sína sem næst hæstvirtum
mæðradeginum sem haldinn er á
sunnudaginn. Hér er hún við inngang
forvitnilegs sýningarhússins í gömlu,
sjarmerandi porti við Laugaveg 23.
FR
ÉTTA
B
LA
Ð
IÐ
/VA
LLI
25% afsláttur
Tilboðið gildir dagana 7.– 9. maí.
Í tilefni af Mæðradeginum veitum
við 25% afslátt af öllum Blue Lagoon
húðvörum í verslun okkar að Laugavegi 15
og í Hreyfingu og Blue Lagoon Spa.
a
n
to
n
&
b
e
rg
u
r
Verslun Laugavegi 15
föstudag 10.00–18.00
laugardag 10.00–17.00
sunnudag Lokað
Verslun í Hreyfingu og Blue Lagoon Spa
föstudag 06.00–21.00
laugardag 08.00–17.00
sunnudag 09.00–17.00
Opnunartími
www.bluelagoon.is