Fréttablaðið - 07.05.2010, Blaðsíða 62
42 7. maí 2010 FÖSTUDAGUR
1
6 7 8
10
13
119
12
15
16
18
21
20
17
14
19
2 3 4 5
MORGUNMATURINN
LÁRÉTT
2. sléttur, 6. rún, 8. ringulreið, 9.
óvild, 11. rykkorn, 12. óróleg, 14.
vera í vafa, 16. verslun, 17. gerast, 18.
pota, 20. tveir, 21. rifa.
LÓÐRÉTT
1. hallærislegur, 3. ólæti, 4. fjarlægð,
5. lík, 7. flugeldur, 10. meðal, 13. flan,
15. límband, 16. nafar, 19. tvíhljóði.
LAUSN
LÁRÉTT: 2. jafn, 6. úr, 8. tjá, 9. kal, 11.
ar, 12. ókyrr, 14. efast, 16. bt, 17. ske,
18. ota, 20. ii, 21. rauf.
LÓÐRÉTT: 1. púkó, 3. at, 4. fjarski, 5.
nár, 7. raketta, 10. lyf, 13. ras, 15. teip,
16. bor, 19. au.
„Pete er búinn að vera að taka
mikið upp hjá mér. Ég er einmitt
að fara að taka hann upp eftir
klukkutíma. Hann er eldhress,“
segir Hafnfirðingurinn Sveinn M.
Jónsson.
Sveinn er yfirupptökustjóri í
Great Eastern-hljóðverinu í Lond-
on og hefur tekið upp efni með
hljómsveitum á borð við The Hor-
rors, White Lies og Babyshambles.
Sú síðastnefnda er leidd af vand-
ræðagemlingnum Pete Doherty,
sem er um þessar mundir að taka
upp nýtt efni undir stjórn Sveins
og félaga hans, Teits Árnasonar.
„Þetta er allt öðruvísi tónlist en
hann hefur verið að gera. Þetta er
svona amerísk fólk-tónlist,“ segir
Sveinn um lögin sem Pete samdi
ásamt Alan Wass, félaga sínum til
margra ára. „Þeir hafa verið að
flytja þetta lag sem ég er að taka
upp og pródúsera fyrir þá. Ég spila
líka á gítar í laginu. Pete er ánægð-
ur með okkur og það lítur út fyrir
að samstarfið haldi áfram og hann
verði með annan fótinn hérna.“
Pete Doherty er gríðarlega
umdeildur maður, en Sveinn segir
fjölmiðla hafa gefið mjög ranga
mynd af honum. „Pete er í raun
algjört ljúfmenni og fluggáfað-
ur,“ segir hann. „Hann er alltaf
með stóra og þykka bók með sér
sem hann skrifar í pælingar, hug-
myndir og ljóð. Það er líka mjög
gaman að tala við hann. Hann er
mikill heimspekingur í sér og virð-
ist vera með ákveðinn skilning á
lífinu og öllu í kringum sig.“
En er hann með krakkpípuna í
hljóðverinu?
„(Hlær) Í viðskiptum og rekstri
ríkir ákveðið traust milli við-
skiptavinar og rekstraraðila.
Við leyfum honum að gera sína
músik og við auglýsum ekki það
sem hann gerir hjá okkur,“ segir
Sveinn. „Hann er tónlistarmaður
inn að beini og vill einbeita sér að
því. Þegar hann kemur til okkar er
hann ekki í neinu rugli. Þetta er
vinnan hans.“
Sveinn lærði upptökustjórn í
Glasgow, þar sem hann bjó í tvö
ár. Hann flutti svo til London og
tók við stjórn hljóðversins úr hönd-
um upptökustjóra sem hafði misst
áhugann á starfi sínu. Hann hefur
haft nóg fyrir stafni frá því að
hann tók við og tekið upp með stór-
um nöfnum. „Þetta er búið að vera
hálfgert ævintýri síðustu sex ár
og ég hugsa að maður verði hérna
eitthvað áfram,“ segir Sveinn.
atlifannar@frettabladid.is
SVEINN M. JÓNSSON: PETE ER ALGJÖRT LJÚFMENNI OG HEIMSPEKINGUR
STÝRIR UPPTÖKUM Á NÝJU
EFNI MEÐ PETE DOHERTY
VIÐ STJÓRNBORÐIÐ Sveinn hefur gert það gott í London. Hann er yfirupptökustjóri
Great Eastern-hljóðversins og hefur tekið upp efni með hljómsveitum á borð við The
Horrors, White Lies og Babyshambles.
■ Pete Doherty stofnaði hljómsveitina The Liberti-
nes ásamt Carl Barât árið 1997.
■ Hún varð gríðarlega vinsæl í Bretlandi árið 2002
í kjölfar plötunnar Up the Bracket, en hætti tveimur
árum síðar.
■ Pete hefur oft komist í fréttir vegna dópneyslu
sinnar og oft farið fyrir rétt vegna vörslu fíkniefna.
■ Hann var trúlofaður ofurfyrirsætunni Kate Moss
árið 2007, en þau hættu saman seinna sama ár.
■ Hljómsveitin Babyshambles, sem Pete leiðir í
dag, átti að koma fram á Iceland Airwaves árið
2005, en röð frétta af óreglu hans hindruðu
það.
5 STAÐREYNDIR UM PETE DOHERTY
Hljómsveitin Who Knew hélt útgáfu-
tónleika á Sódómu á miðviku-
dagskvöld við góðar undirtektir
aðdáenda sinna. Tvísýnt var hvort
plata hljómsveitarinnar, Bits And
Pieces Of A Major Spectacle, kæm-
ist til landsins fyrir tónleikana vegna
eldgossins í Eyjafjallajökli, en platan
lenti og var í boði á tónleikunum.
Á meðal gesta voru Sigurður Guð-
mundsson úr Hjálmum og
bróðir hans, Guðmundur
Óskar úr Hjaltalín.
Högni Egilsson, hljóm-
sveitarfélagi hans, var
einnig mættur ásamt
umboðsmanninum og
útgáfumógúlnum Stein-
þóri Helga Arnsteins-
syni …
Útvarpsmaðurinn Ágúst Bogason
og félagar í Jan Mayen hituðu upp
fyrir Who Knew og voru afar hressir.
Fótboltaáhugamenn á staðnum
ráku upp stór augu þegar þeir sáu
að Ágúst var klæddur í Tottenham-
bol, en liðið hafði fyrr um kvöldið
tryggt sér fjórða sæti ensku úrvals-
deildarinnar. Hingað til hefur verið
talið að Ágúst sé harður stuðnings-
maður Liverpool, en menn lögðu
saman tvo og tvo og komust að
því að hann var að heiðra
föður sinn, fréttamanninn
Boga Ágústsson. Hann
er einn dyggasti stuðn-
ingsmaður Tottenham á
Íslandi og mætti með
Tottenham-bindi
í vinnuna á RÚV
í gær.
Og meðan rigningin dynur á fögru
eyjunni okkar þá er fyrirsætan Ingi-
björg Egilsdóttir stödd í sólinni
á eyjunni St. Croix í Karíbahafinu
þar sem hún tekur þátt í tískuviku
eyjunnar. Fréttablaðið sagði frá
ferðalagi hennar fyrr á árinu, en
ferðin til St. Croix er fyrri af
tveimur ferðum í Karíbahaf-
ið sem henni stendur til
boða í sumar. Ingibjörg
verður út vikuna í
myndatökum, alls kyns
upptökum og endar á
glæsilegri tískusýn-
ingu. - afb
FRÉTTIR AF FÓLKI
Forsetafrúin Dorrit Moussaeiff er farin að
hjálpa til við öskusölu matvöruvefjarins
Nammi.is. Hún hringdi í dálkahöfund New York
Post, Cindy Adams, og bað hana að segja frá
öskusölunni á íslenska vefnum. Adams grein-
ir frá þessu í nýjasta pistli sínum. „Forseta-
frúin og ég erum miklir vinir. Hún bauð mér í
hádegismat þegar ég var í Reykjavík í júlí fyrir
ári síðan og svo snæddum við saman í íbúðinni
minni í september síðastliðnum,“ hefur Adams
pistilinn sinn á.
Dorrit mun hafa hringt í Adams og sagt við
hana: „Veistu, það eru tveir menn sem reka sæl-
gætisverslun á vefnum og þeir eru farnir að
selja ösku fyrir tuttugu dollara. Þú færð hana
í flösku og þeir senda hana til þín,“ er lausleg
þýðing á símaspjalli Dorritar og Cindy sem birt
er á vef New York Post. Cindy spyr Dorrit af
hverju í ósköpunum mennirnir hafi ekki nefnt
heimasíðuna sína „Iceland Volcano Ash“ þannig
að allir myndu skilja hvað væri þarna á seyði.
Dorrit svarar að bragði, enda ekki þekkt
fyrir að láta slá sig út af laginu: „Hvernig á
ég að vita það? Hver skilur eitthvað í því sem
er í gangi um þessar mundir?“
Að loknu þessu stutta spjalli spyr
Cindy forsetafrúna hvar hún hafi verið
þegar eldgosið hófst. „Eiginmaðurinn
var í Reykjavík og ég var komin til Dan-
merkur enda ætluðum við bæði að vera
viðstödd afmælishátíð drottningarinnar
þar. Hann komst ekki í flug þannig að ég
varð að láta mér nægja að klæðast alltof
litlum kjólum þar sem hann var með gala-
klæðnaðinn minn,“ á Dorrit að hafa sagt ef
marka má New York Post. - fgg
Forsetafrúin styður öskusölu í New York
SELUR ÖSKUNA Dorrit Moussaeiff
virðist ákaflega hrifin af framtaki
vefsíðunnar Nammi.is sem selur
ösku úr Eyjafjallajökli. Hún kynnti
vefinn í samtali við New York Post.
Eva Vestmann stundar BA-nám
í grafískri hönnun við Central
St. Martins-skólann í London.
Hún sigraði nýverið í hönnunar-
keppni á vegum SonyMusic þar
sem nemendur skólans hönnuðu
veggverk í nýtt skrifstofuhúsnæði
fyrirtækisins. Eva er að ljúka
fyrsta skólaári sínu við Central
St. Martins og segir hún námið
bæði skemmtilegt og krefjandi,
enda sé skólinn einn sá virtasti í
Evrópu. Áður stundaði hún nám í
almennri hönnun við Tækniskól-
ann í Reykjavík auk þess sem hún
lærði ljósmyndun í Ljósmynda-
skóla Sissu.
„Skólinn vinnur náið með
ýmsum fyrirtækjum þar sem
fyrirtækin efna gjarnan til sam-
keppni um ýmis verkefni, líkt og
SonyMusic gerði. Nemendur verða
þó að vinna verkið utan skóla en
sigurvegarinn fær pening að laun-
um sem kemur sér auðvitað mjög
vel fyrir blankan námsmann,“
útskýrir Eva. Hún segir SonyM-
usic hafa óskað eftir veggverki
sem fjallaði á einhvern hátt um
sögu fyrirtækisins, en það hefur
verið starfrækt allt frá árinu
1889. „Ég ákvað að nota tilvitnan-
ir frá ýmsum listamönnum sem
höfðu verið á mála hjá fyrirtæk-
inu í gegnum tíðina svo úr varð
stórt textaverk, þessu blandaði ég
svo saman við skuggamyndir af
listamönnunum. Skuggamyndirn-
ar eru inni í litríkum hringjum,
en ég tengi hringformið einmitt
mikið við tónlist þar sem vínyl-
og geislaplötur eru hringlaga.
Textarnir sem ég styðst við eru
ekki lagatextar heldur tilvitnan-
ir sem listamennirnir hafa látið
falla við ýmis tækifæri þannig
það fór mikil rannsóknarvinna í
þetta verkefni,“ segir Eva, en hún
tók tilvitnanir frá tónlistarmönn-
um á borð við Frank Sinatra,
Elvis Presley, Bruce Springsteen
og Keshu. Að sögn Evu er stutt
síðan úrslitin voru tilkynnt og því
er enn ekki búið að setja verkið
upp og veit hún ekki með vissu
hvenær það verður gert.
Eva hyggst dvelja í London
næstu tvö árin en segir fram-
tíðina enn óráðna, hana langi þó
mikið í framhaldsnám. „Þetta
á allt eftir að koma betur í ljós.
Maður vill ekki útiloka neitt,“
segir hún að lokum. -sm
Sigraði í keppni á vegum SonyMusic
SIGRAÐI
Eva Vestmann, nemandi í grafískri
hönnun við Central St. Martins, sigraði í
hönnunarkeppni á vegum SonyMusic.
„Ég fæ mér alltaf prótín-sjeik
sem ég bý til sjálf.“
Þorbjörg Marinósdóttir, blaðamaður og
sjónvarpskona.
VEISTU SVARIÐ
Svör við spurningum á síðu 8
1 Hjálmar Hjálmarsson fer fyrir
Næstbesta flokknum.
2 Raggi Bjarna rappar með Erpi.
3 102 þúsund renndu sér í
Hlíðarfjalli.