Fréttablaðið - 15.05.2010, Page 34

4 FERÐALÖG
HVAÐ KOM ÞÉR MEST Á ÓVART
VIÐ BORGINA ÞÍNA? Það sem
kom mér mest á óvart er einfald-
lega hversu mannbætandi það er
að búa í Kaupmannahöfn. Takt-
urinn í borginni er þægilegur og
afslappaður og lífið hérna er ein
stór kennslustund í þolinmæði og
nægjusemi. Gildismatið er annað
en maður á að venjast frá Íslandi.
Lífsgæðakapphlaup er ekki áber-
andi enda lífsgæðin frekar metin í
upplifunum en hlutum.
HVER ER UPPÁHALDSVEITINGA-
STAÐURINN ÞINN? Þeir eru tveir.
Annars vegar er það Sticks’n
Sushi á Nansensgade sem gerir
alveg geggjað sushi. Hins vegar
er það svo Atlasbar á Larsbjørns-
stræde sem gerir alveg dásam-
lega lífræna rétti. Það ættu allir að
prófa grænmetis burrito-ið þeirra.
HVERT ER BEST AÐ FARA TIL
AÐ KAUPA FÖT? Það er rosalega
skemmtilegt að rölta um Pisser-
enden sem er lítið svæði í kringum
Studiestræde í miðbænum. Það
eru alls konar skemmtilegar litlar
búðir þar og hægt að finna allt
mögulegt, hvort sem fólk er að
leita að brúðarkjól frá fimmta
áratugnum, latex korseletti eða
hjólabrettaskóm.
FULLKOMINN STAÐUR FYRIR
KAFFIBOLLA? Café Luna í Kristj-
ánshöfn er hið fullkomna kaffihús.
Þeir eru ekki aðeins með svaka-
lega gott kaffi heldur besta bröns
í heimi um helgar. Vegetarian
Weekend Brunch er ævintýri fyrir
alla grænmetissælkera.
HVAR ER SKEMMTILEGAST
AÐ DJAMMA? Ég fer yfirleitt
á Dunkel á Vester Voldgade,
rétt við Ráðhústorgið, sem er
skemmtistaður í anda Priksins
og Kaffibarsins. Þeir eru oft með
mjög góð klúbbakvöld, þar sem
boðið er upp á eðal-danstónlist.
Ef maður hins vegar er bara á
röltinu, þá finna allir eitthvað við
sitt hæfi í Kødbyen sem er orðinn
þungamiðja skemmtanalífsins í
Kaupmannahöfn með alls konar
klúbba og bari, þar á meðal hinn
íslenska Jolene.
HVERJU MÁ MAÐUR ALLS EKKI
MISSA AF Í JÚNÍ? Distortion street
festival er tónlistarhátíð í byrjun
júní sem dreifist um alla borgina.
Það eru alls konar uppákomur
og sniðug partý tengd henni. Svo
verð ég að nefna útskriftarsýningu
Arkitektaskólans en það eru marg-
ir svakalega hæfileikaríkir íslenskir
arkitektar að fara að útskrifast.
HEIMAMAÐURINN
 Kaupmannahöfn
SÓLEY KALDAL NEMI
Þ
etta undurfagra hótel er
hannað af arkitektinum
Frank Gehry sem einn-
ig hannaði Guggenheim-
safnið í Bilbao. Byggingin er eins
og listaverk og skartar silfurlituð-
um og fjólubláum „málmöldum“
og er staðsett í miðri Marques de
Riscal-vínekrunni á Spáni en hún
gefur af sér eitt frægasta vín hér-
aðsins. Herbergin á hótelinu eru
einnig afar svöl með viðarpanel
og marmara á gólfum og svo er
hægt að baða sig í sólinni uppi á
þaki þar sem einnig er að finna
bar. Auðvitað er kjörið að drekka
rauðvín allan liðlangan daginn,
en það er meira að segja hægt að
leyfa líkamanum að njóta góðs af
andoxunarefnum rauðvíns með því
að fara í svokallað „Vino therapie“
spa á hótelinu en þar eru allar húð-
snyrtivörur framleiddar úr vín-
berjum og meira að segja hægt að
baða sig í víni.
Veitingastaður hótelsins er frá-
bær en þar eldar Michelin-stjörnu-
kokkurinn Francis Paniegu
Baskamat. Svo er auðvitað bráð-
nauðsynlegt að skreppa í vínsmökk-
unarferð um héraðið og til borgar-
innar Elciego sem er konfekt fyrir
öll skynfærin. Skál! - amb
www.starwoodhotels.com
RAUÐVÍN, DEKUR &
AVANT-GARDE
ARKITEKTÚR
Marqués de Riscal-hótelið í Rioja-héraðinu er hannað
af Frank Gehry.
Litrík hönnun Barinn á Marques de Riscal, líkt og önnur herbergi hótelsins, er einstaklega
fallega innréttaður í heitum suðrænum litum.
FERÐAMÁLASKÓLINN
ICELAND SCHOOL OF TOURISM
FERÐAMÁLASKÓLINN
ICELAND SCHOOL OF TOURISM
Umsóknarfrestur til 31. maí
Opening hours: 6:45-20:00 weekdays,
8:00-18:00 weekends
Fun for the whole family
Free admittance
for kids