Fréttablaðið - 15.05.2010, Page 41
LAUGARDAGUR 15. maí 2010 5
Kjóll
6.990 kr.
einnig l í svörtu, silfur og
dröppuðu
Nýjar vörur
á góðu verði
Kjóll
3.990 kr.
Kjóll
3.990 kr.
Ermar
2.590 kr.
Töskur
6.990 kr.
Opið frá 11-18.00 í Smáralind
„Hugur minn dvelur gjarnan hjá
dýrum því mér finnst gefandi að
liðsinna þeim og sjálf hef ég átt
mörg gæludýr um dagana, ekki
síst hunda, sem eru mínir bestu
vinir,“ segir Helga Kristjánsdóttir,
húsfreyja á Mel í Þykkvabæ, þar
sem hún rekur gæludýragæsluna
Lucky í indælli sveit skammt frá
sunnlenskum fjörum.
Hún segir gæludýragæslu gaml-
an draum sem nú hafi ræst, en áður
hefur hún tekið að sér hunda sem
átt hafa erfitt vegna vanrækslu.
„Ég ákvað að nefna gæludýra-
gæsluna Lucky eftir hundinum
mínum sáluga. Nafnið þýðir hepp-
inn, og bæði vorum við sannarlega
heppin að finna hvort annað. Hann
hélt á vit feðra sinna á jólum fyrir
tveimur árum og þar sá ég á eftir
mínum besta vini um dagana. Þá
hafði ég átt hann í áratylft, eða allt
frá því ég fann hann á hundahótel-
inu Leirum þangað sem hann hafði
komið vanræktur og fundist yfir-
gefinn úti í móa,“ segir Helga sem
býr með þremur hundum en gætir
einnig málleysingja annarra til
lengri eða skemmri tíma.
„Ég sérhæfi mig í hundum en
tek einnig að mér fugla, ketti og
önnur dýr sem ekki eiga samastað
þegar eigandinn skreppur í ferða-
lag eða vantar tímabundið sama-
stað fyrir vin sinn. Þá sækjum við
og sendum ef eigendur eru ekki í
aðstöðu til að ferðast með dýrin
til okkar,“ segir Helga sem verður
vitni að miklum mun á gæludýrum
eftir dvöl á Mel, en það sýni sig að
þeim sé hollt að komast á sveita-
heimili með tilheyrandi hreyfingu
í náttúrunni um leið og þau njóta
samvista við manneskjuna.
„Þetta er óskaplega heimilisleg
gæsla og þannig vil ég hafa hana.
Frelsið ræður ríkjum og ég fer
með hundana í fjöruferðir, kvöld-
göngur og jeppaferðir. Þá er heim-
ilislífið hefðbundið með góðu fæði
og atlæti. Ég loka hundana aldrei
í búrum, en leyfi þeim þess í stað
að vera í kringum mig og horfa
með mér á sjónvarpið,“ segir
Helga sem keypti draumajörðina
Mel árið 2005 en bjó áður í höfuð-
staðnum.
„Ég er Reykvíkingur, en ein af
þeim sem tollir aldrei í bænum.
Mamma var ráðskona í sveit og
þegar ég fór að fá smjörþef af
sveitinni vildi ég bara vera þar.
Með aldrinum hefur svo þrá eftir
sveitinni aukist, því mér leiðist ys
og þys en vil hafa nóg fyrir stafni,
eins og gengur í sveitum,“ segir
Helga sem sinnir einnig myndlist
og ritlist í sveitasælunni, en hún
vinnur að bók með hundasögum
sem hún á margar góðar.
„Dýrin eru glöð og róleg eftir
sveitadvölina og hundar sem vana-
lega hlýða ekki innkalli eru farnir
að hlýða eftir útrás í sveitinni. Ég
skila svo hundunum hreinum og
kembdum því við erum mikið að
sulla í vatni og njóta náttúrunnar.
Þá fer ég með smádýr út undir bert
loft í hlýju veðri og hef fugla þar
sem fólk labbar um svo þeir séu
ekki alltaf einir,“ segir Helga sem
í framtíðinni hyggst einnig bjóða
hestum beit og gæslu á grösugum
engjum Mels. thordis@frettabladid.is
Með heppnina með sér
Gæludýr verða oft útundan þegar eigendur þeirra bregða undir sig faraldsfæti um helgar en ekki tjóir að
skilja þau eftir yfirgefin dögum eða vikum saman. Nú býðst þeim freistandi dvöl í íslenskri sumarsveit.
Opnuð verður samsýning 23 ljósmyndara í Gallerí Fold við Rauðarárstíg í
dag klukkan 15. Yrkisefni þeirra eru náttúruhamfarirnar og eldgosin á Fimm-
vörðuhálsi og í Eyjafjallajökli. Á sýningunni eru margar þekktar ljósmynd-
ir sem birst hafa í stærstu fjölmiðlum um heim allan auk annarra sem koma
nú fyrir sjónir almennings í fyrsta skipti. Sýningin nefnist Úr iðrum jarðar.
Ljósmyndararnir koma úr ýmsum áttum og nálgast myndefni sitt með ólík-
um hætti en sameinast í áhuga sínum á náttúru landsins og hinum mann-
lega þætti sem birtist í baráttu fólks við náttúruöflin.
Sýningin stendur í allt sumar og munu nýjar myndir berast ef breytingar
verða á gosinu eða fleiri gos hefjast.
Úr iðrum jarðar
TUTTUGU OG ÞRÍR LJÓSMYNDARAR VERÐA MEÐ SAMSÝNINGU Í GALLERÍ FOLD.
Mögnuð stund. Tuttugu og þrír ljósmyndarar sýna myndir af náttúruhamförum og
eldgosi í Gallerí Fold á morgun. MYND/SKARPHÉÐINN ÞRÁINSSON
Helga með Dimmu, Snata og Lassie heima á Mel. Til marks um gott atlæti málleys-
ingjanna hjá Helgu er tíkin Dimma sem landsmenn muna eftir að fannst grafin eftir
illa meðferð. Helga tók tíkina að sér, sem nú hefur fundið innri ró og gleði á ný.
M
YN
D
/JÓ
N
B
EN
ED
IK
TSSO
N