Fréttablaðið - 25.05.2010, Qupperneq 22

25. maí 2010 ÞRIÐJUDAGUR4
„Við bræðurnir höfum alltaf verið
nánir, en líffæragjöfin hefur tengt
okkur enn traustari böndum. Nú
er hann enda kominn með hluta af
mér í skrokkinn, en þarf að bryðja
slatta af töflum til að þola mig,
vegna þess því líkaminn reynir
ævina út að hafna aðskotahlutum
á borð við líffæri annarra,“ segir
austfirski vélvirkinn og fjölskyldu-
faðirinn Haukur Guðjónsson sem
nú er óðum að braggast eftir að
hafa gefið Ásmundi bróður sínum
nýra í mars. Þá hafði Ásmundur
barist við nýrnabilun um árabil en
undir það síðasta voru nýru hans
nánast hætt að starfa.
„Ég hef alltaf verið hlynntur líf-
færagjöf og er ennþá harðari stuðn-
ingsmaður þeirra núna. Menn verða
að skoða hug sinn rækilega í þeim
efnum og láta sína nánustu vita af
óskum sínum, því á Íslandi er það
alfarið í höndum aðstandenda hvort
líffæri eru gefin eftir andlát, burt-
séð frá því hvort hinn látni hafi
skilið eftir sig líffæragjafakort,“
segir Haukur og bætir við að eng-
inn gefi öðrum lifandi nýra nema
sínum nánustu.
„Við erum fjögur systkinin og ég
var álitinn heppilegasti nýrnagjaf-
inn í hópnum. Til að geta gefið nýra
þarf maður að vera heill heilsu og í
réttum vefjaflokki fyrir nýrnaþeg-
ann. Þá er betra fyrir ónæmiskerfi
nýrnaþegans að skyldleiki sé með
gjafanum,“ segir Haukur sem hafði
rétt mánaðar fyrirvara til að gefa
endanlega ákvörðun um að gefa
bróður sínum nýra, en fyrst var
hugmyndin viðruð við hann fyrir
tveimur árum.
„Ég var því búinn að melta
þetta lengi og ræða við fjölskyld-
una, sem öll studdi mig að gefa
nýrað. Það er mikils virði að gefa
líffæri því í því felst lífgjöf. Í til-
viki Ásmundar snerist líf hans um
að verja dögunum í kviðskiljun en
þegar nýrnabilun herjar á líkam-
ann stefnir líf manns hægt og bít-
andi í átt að endalokunum,“ segir
Haukur. Hann lagðist undir hníf-
inn hjá Eiríki Jónssyni og Jóhanni
Jónssyni skurðlækni sem starfar
í Bandaríkjunum en framkvæmir
nýrnatöku úr lifandi gjafa tvisvar
á ári hérlendis.
Þess má geta að nýra er um 150
grömm. Aðgerðin er stærri hjá
nýrnagjafa en nýrnaþega, en alls
var Haukur fimm daga á sjúkra-
húsi og í sjö vikur frá vinnu á eftir.
„Hjá mér þurfti að fara inn í kvið-
arholið á gamla mátann og inn fyrir
lífhimnu til að sækja vinstra nýrað.
Aðgerðin er gerð með skurði á síð-
unni, en er vanalega gerð í gegn-
um göt nú á dögum. Ég þurfti að
fara í gömlu aðgerðina þar sem
ég reyndist vera með tvær slag-
æðar í stað einnar að nýranu, sem
er sjaldgæfara og krefst mikillar
nákvæmnisvinnu undir hnífnum,“
segir Haukur sem starfar sem vél-
virki hjá Fjarðaráli á Reyðarfirði,
þar sem hann hefur mætt ríkum
skilningi og velvild vegna nýrna-
gjafarinnar.
„Að missa nýra takmarkar líf
nýrnagjafans ekki á nokkurn hátt,
en víst er að maður passar líf sitt
betur þegar maður hefur gengið í
gengum þessa reynslu og veit um
hvað málið snýst ef eitthvað klikk-
ar. Það eina sem ég verð að passa
er að fórna ekki hinu nýranu með
því að stunda hörkuíþróttir eins
og knattspyrnu eða motocross þar
sem illa gæti farið ef ég fengi högg
í síðuna. Ég lifi því eins og áður, en
fyrsta kastið stækkar nýrað til að
verða öflugra og erum við bræð-
ur nú með sömu skiljun, sem er
125 í gildi kreatíns en var 950 hjá
Ásmundi áður en hann fékk nýja
nýrað,“ segir Haukur, himinglað-
ur að bróðir sinn sé á góðum bata-
vegi.
„Nýja nýrað svínvirkar, en eftir
langvarandi veikindi þarf Ásmund-
ur að styrkja sig og fara með gát.
Það sem upp úr stendur eftir þessa
lífsreynslu er að Ásmundur sé að
komast til heilsu. Ég hafði áhyggj-
ur af honum og vont að horfa upp
einhvern sér nákominn rétt standa
í lappirnar vegna vanheilsu. Nú á
hann von til þess að ná góðri heilsu
á ný og lifa miklu betra lífi.“
Þess má geta að líffæragjöf
bjargar mannslífum og bætir lífs-
gæði, en ávallt er mikil vöntun á
líffærum. Sjá nánar á www.land-
laeknir.is/Pages/1499 og nyra.is/
index.html. thordis@frettabladid.is
Gaf bróður sínum nýra
Engin gjöf er óeigingjarnari eða dýrmætari en lífgjöf. Það fékk vélvirkinn Haukur Guðjónsson að kynnast
þegar hann hiklaust lagðist undir hnífinn til að afhenda bróður sínum nýra til betri heilsu og lífsbjargar.
Haukur Guðjónsson segir starf sitt sem vélvirki hjá Fjarðaráli líkjast starfi flugstjóra sem situr við stýribúnað og stjórnar þaðan,
sem henti honum vel nú þegar hann fer sér hægt af stað eftir nýrnagjöf til bróður síns. Hér er hann í sinni fyrstu bátsferð eftir
aðgerðina og andar glaður að sér fersku sjávarlofti. MYND/ÚR EINKASAFNI
20% afsláttur
af öllum BASLER-vörum út maí!
Skipholti 29b • S. 551 0770
VEITINGASTAÐUR - VERSLUN - TAKEAWAY
Suðurlandsbraut 12 - Sími 557 5880 - www.kruska.is
Opið alla virka daga frá 11:00 til 20:00
Tilboðið gildir til 7. júní. Matseðill okkar er endurnýjaður vikulega
og er aðgengilegur á heimasíðu okkar, www.kruska.is
VORDAGAR HJÁ KRÚSKU
2 FYRIR 1
2 fyrir 1 af rétti dagsins eftir kl. 14.
Ertu með eitthvað
gott á prjónunum?
Sjálfboðaliðar í Kópavogsdeild Rauða krossins prjóna
og sauma ungbarnaföt fyrir börn í neyð. Hópurinn,
sem kallast Föt sem framlag , mun hittast næst og
prjóna í sjálfboðamiðstöðinni Hamraborg 11, 2. hæð,
miðvikudaginn 26.maí kl. 15-18.
Á staðnum verða prjónar, garn og gott fólk sem hittist
reglulega og lætur gott af sér leiða. Velkomið er að
taka með sér eigið prjónadót. Þeir sem vilja gefa garn
í verkefnið vinsamlega hafið samband. Kaffi á könn-
unni og með því.
Allar nánari upplýsingar í síma 554 6626 .
Sjálfboðamiðstöð Hamraborg 11 opið virka daga kl. 10-16 sími 554 6626
kopavogur@redcross.is redcross.is/kopavogur
Jóna María Hafsteinsdóttir
jmh@365.is - sími 512 5473
Henný Árnadóttir
henny@365.is - sími 512 5427
Þórdís Hermannsdóttir
thordish@365.is - sími 512 5447