Fréttablaðið - 25.05.2010, Qupperneq 26

25. MAÍ 2010 ÞRIÐJUDAGUR4 ● fréttablaðið ● eurovision
Þú færð Blaðberann þinn í Skaftahlíð 24
alla virka daga frá kl. 9-17.
...góðar fréttir fyrir umhverfiðBlaðberinn...
Blaðberinn
bíður þín
„Það styttist heldur betur í
þjóðhátíðina okkar,“ segir
Hildur Tryggvadóttir Flóvenz,
sem ásamt Eyrúnu Ellý Vals-
dóttur vinkonu sinni heldur úti
vefsíðunni Allt um Júróvísjón á
slóðinni jurovision.wordpress.
com, en síðan sú stendur held-
ur betur undir nafni. Stöllurnar
láta ekki þar við sitja heldur sjá
einnig um ritstjórn á opinberri
vefsíðu Heru Bjarkar, kepp-
anda Íslendinga í ár, á slóðinni
herabjork.com.
Þessi keppni skipar óvenju vegleg-
an sess hjá þeim Hildi og Eyrúnu
vegna þess að þær verða viðstadd-
ar fyrri undankeppnina í Ósló, þar
sem Hera Björk stígur á stokk, og
einnig sjálfa úrslitakeppnina. Hvor-
ug þeirra hefur áður lagt land undir
fót til að vera vitni að Eurovision í
návígi. „Okkur hefur báðar langað
lengi en aldrei drifið í því. Eftir að
við byrjuðum með vefsíðuna okkar
á síðasta ári benti Jónatan Garð-
arsson, sem er fararstjóri hóps-
ins í ár eins og nærri alltaf áður,
okkur á að við gætum sótt um að
fá blaðamannapassa á keppnina
og þannig fengið aðgang að öllum
blaðamannafundum, lokuðum æf-
ingum, rútum til og frá höllinni og
fleiru slíku. Við slógum til, fengum
passa og erum ógurlega spenntar,“
segir Hildur og bætir við að það
hafi kostað mikla vinnu að halda
úti þessum tveimur vefsíðum síð-
ustu vikur. Sú vinna hafi þó verið
afar skemmtileg.
Hún segist búast við að það verði
skemmtileg tilbreyting að vera á
staðnum til að fylgjast með keppn-
inni, en hingað til hafi verið fast-
ur liður að vinahópurinn hafi horft
á keppnina saman. Þá hafi gjarnan
verið farið í Eurovision-tengda leiki
og fleira í þeim dúr. „Þessi kvöld
hafa að miklu leyti snúist um að ég
og Eyrún sitjum og deilum upplýs-
ingum um keppnina og sussum á þá
sem við teljum ekki sýna nægilegan
áhuga. Eða rekum þá inn í eldhús að
blaðra,“ segir Hildur og hlær.
Hún segir engan augljósan sigur-
vegara í keppninni að þessu sinni.
„Við spáum þó Þýskalandi, Serbíu,
Svíþjóð, Albaníu og Slóvakíu góðu
gengi.“ - kg
Styttist í þjóðhátíðina okkar
Þær Hildur og Eyrún halda úti íslenskri vefsíðu um allt sem tengist Eurovision, auk þess sem þær ritstýra opinberri vefsíðu Heru
Bjarkar, keppanda Íslendinga. Þær verða báðar í Ósló á úrslitakvöldinu. FRÉTTABLAÐIÐ/GVA
Íris Davíðsdóttir stjórnmálafræð-
ingur hefur gaman af söngva-
keppni Evrópskra sjónvarpsstöðva.
Í nokkur ár hefur hún útbúið sér-
stök spjöld fyrir fjölskyldu og vini
þar sem þau geta spáð fyrir um úr-
slit laga í keppninni til gamans.
„Ég útfæri spjöldin sérstaklega
á hverju ári og þurfti til dæmis að
breyta til þegar undankeppnirnar
byrjuðu. Svo hef ég oft haft topp
fimm eða topp tíu og gef þá ákveð-
ið mörg stig eftir því hvað viðkom-
andi er með mörg lönd rétt,“ út-
skýrir Íris en þeim sem stendur
uppi með flest rétt stig veitir hún að
sjálfsögðu vegleg verðlaun eins og
góða kampavínsflösku. En er hún
ein af þessum forföllnu aðdáendum
keppninnar?
„Nei, ég er ekki sú sem veit hvaða
lag lenti í 10. sæti árið 1982, mér er
alveg sama um það en mér finnst
keppnin skemmtileg og áhuga-
verð. BA-ritgerðin mín fjallaði ein-
mitt um söngvakeppnina en út frá
stjórnmálafræðilegu sjónarhorni.
Af hverju kjósa löndin eins og þau
gera og þar fram eftir götunum, það
finnst mér heillandi.“ - rat
Býr sjálf til stigatöflu
Íris Davíðsdóttir stjórnmálafræðingur útbýr skemmtilegan leik í tengslum við
söngvakeppnina. FRÉTTABLAÐIÐ/E.ÓL
Aldrei hafa Íslendingar unnið
Eurovision, þótt eftirvæntingin
hafi jafnan verið mikil. Frétta-
blaðið skoðaði hvað gamlir og
góðir fulltrúar Íslands sögðu
að keppni lokinni sem og
íslenska pressan.
„Ég vissi að lagið mitt mundi ekki
gera neitt í þessari keppni,“ sagði
Valgeir Guðjónsson eftir keppnina
árið 1987. „Mér finnst sem þjóðirn-
ar skiptist á stigum og nágranna-
þjóðir gefa hver annarri stig. Við
erum ekki komin inn í klíkurnar
ennþá.“
Sigríður Beinteinsdótt-
ir og Grétar Örvarsson
fluttu árið 1990 lagið
Eitt lag enn. Þetta hafði
Sigríður að segja
að keppni lokinni:
„Við náðum því
sem við höfðum
einsett okkur, að
komast í eitt af
tíu efstu sæt-
unum, þó við hefðum ekki þorað að
segja opinberlega frá þeirri fyrir-
ætlan fyrir keppnina.“ Lagið lenti
í fjórða sæti.
Árið 1995 söng Björgvin Hall-
dórsson lagið Núna og uppskar 15.
sætið. Íslendingar voru svekktir
með árangurinn og í Helgarpóst-
inum var skrifað eftir keppnina:
„Þrátt fyrir að flestir hafi verið á
því að Björgvin Halldórsson stór-
söngvari ætti skilið að komast í
Evrópusöngvakeppnina fannst
sumum að lík-
lega hefði
það verið
of sei nt .
Keppnin er
einfaldlega
að breytast,
eins og sjá má
á rapplögum og
„instrumental“
lögum. Það liggur því við að menn
segi að Björgvin hafi verið tíu
árum of seint á ferðinni.“
Að lokum má rifja upp hvað
Páll Óskar Hjálmtýsson sagði árið
1997 eftir að hann lenti í 20. sæti
söngvakeppninnar. „Þessi fáu stig
sem íslenska lagið fékk komu öll,
nema tvö, frá löndum þar sem hið
nýja símakerfi var notað. Sjón-
varpsáhorfendur heima í stofu
voru því að hugsa allt aðra hluti
en þessar fyrirfram skipuðu dóm-
nefndir.“ - jma
Hvað sögðu þau í lokin?
Íslenskt dagblað sagði
að Björgvin Hall-
dórsson hefði verið
tíu árum of seinn með
lagið Núna.
Sigríður Beinteinsdóttir og Grétar
Örvarsson voru afskaplega ánægð með
árangurinn árið 1990.