Fréttablaðið - 22.06.2010, Blaðsíða 6
6 22. júní 2010 ÞRIÐJUDAGUR
DÓMSMÁL „Vilji menn setja tugi
milljóna króna í nýtt embætti hér-
aðssaksóknara þá þarf að fara að
undirbúa það af krafti. En ég er
þeirrar skoðunar að þetta verði
aldrei.“
Þetta segir Valtýr Sigurðsson
ríkissaksóknari. Fyrr í mánuð-
inum efndu Ákærendafélagið og
ríkissaksóknari til fundar þar
sem þetta nýja embætti var til
umræðu. Í ályktun sem fundur-
inn samþykkti samhljóða segir
að í lögum frá 2008 um meðferð
sakamála sé gert ráð fyrir að
ákæruvaldið skiptist í þrjú stjórn-
sýslustig í stað tveggja áður. Um
verður að ræða ákæruvald lög-
reglu, héraðssaksóknara og ríkis-
saksóknara. Ákvörðun um stofnun
embættis héraðssaksóknara var
frestað tímabundið, fyrst til jan-
úar 2010 og síðan til janúar 2012.
„Fundur ákærenda og ríkissak-
sóknara skorar á dóms- og mann-
réttindaráðherra að hefja þegar
undirbúning að stofnun embætt-
isins ef til stendur að koma því
á laggirnar,“ segir í ályktuninni.
„Að öðrum kosti verði fallið frá
þessu fyrirkomulagi og lögum
breytt til samræmis við það.“
Fundurinn bendir á að erfitt sé
að byggja upp ákæruvaldið í land-
inu meðan óvissa ríki um þetta
mál, en fjölmörg atriði tengist
breytingunni.
„Eigi embætti héraðssaksókn-
ara að taka til starfa 1. janúar
2012 þarf að hefjast handa án
tafar með undirbúning þess, svo
sem með því að skilgreina starfs-
mannafjölda, útvega húsnæði og
tryggja nægilegt fjármagn. Fund-
urinn bendir á að frekari frestun
á stofnun embættisins sé ekki for-
svaranleg.“
Ríkissaksóknari segir marga
hluti hanga á spýtunni varðandi
uppbyggingu ákæruvaldsins.
„Það gengur ekki að fresta þessu
reglulega,“ segir hann. „Skatta- og
efnahagsbrotadeild á samkvæmt
lögunum að vera deild í embætti
héraðssaksóknara. Þá er verið að
breyta lögreglulögum í þá veru að
frá 1. janúar 2012 verði umdæm-
in sex í stað fimmtán. Ég hef bent
á að það þurfi ekki sérstakt hér-
aðssaksóknaraembætti til að hafa
umsjón með sex lögreglustjóra-
embættum, heldur ætti að efla
ákæruvald lögreglunnar.“
Ríkissaksóknari segir það sitt
mat að það skjóti skökku við ef
eigi að byggja upp opinbert emb-
ætti þar sem verið sé að fækka
stofnunum og sameina þær um
allar trissur á sama tíma.
jss@frettabladid.is
Ákærendur óttast
óvissu og tímaskort
Ákærendafélagið og ríkissaksóknari hafa samþykkt áskorun til Rögnu Árna-
dóttur dómsmálaráðherra þess efnis að hafinn verði þegar undirbúningur að
stofnun embættis héraðssaksóknara. Uppbygging ákæruvaldsins sé í óvissu.
DANMÖRK Í bænum Vejle á Jótlandi hafa
íbúar fylgst grannt með dauðastríði
hvals nokkurs, sem strandaði í firðin-
um fyrir utan. Í fimm daga var reynt
með öllum ráðum að koma hvalnum
aftur út á haf, en þegar það mistókst
var hann dreginn á land og skorinn.
Deilur upphófust milli danska nátt-
úrugripasafnsins í Kaupmannahöfn og
bæjaryfirvalda í Vejle, um það hvar
hvalurinn yrði geymdur og hver væri
réttmætur eigandi hans.
Það voru þó starfsmenn safnsins sem
sáu um skurðinn, og byrjuðu á að skera
þvert niður eftir hryggnum. Síðan var
skorið þvert á dýrið og stór kjötstykki
hífð upp með krana. Skera átti allt burt
þar til beinagrindin stæði að mestu
holdlaus eftir. Hún verður síðan send
til frekari hreinsunar, en óútkljáð er
hvar hún verður geymd.
Talið er að hvalurinn hafi verið
þriggja til fjögurra ára kvendýr. Kann-
að verður hver dánarorsökin var.
- gb
Fylgst með dauðastríði hvals sem var dreginn á land á Jótlandi:
Hvalur skorinn í danskri höfn
HVALURINN DREGINN Á LAND Óvenjulegur viðburður í Danmörku.
NORDICPHOTOS/AFP
„Ákveðið var með lögum að fresta stofnun embætt-
is héraðssaksóknara til 2012, þar sem ekki voru til
fjármunir,“ útskýrir Ragna Árnadóttir dómsmálaráðherra
spurð um stöðuna á stofnun embættis héraðssaksókn-
ara.
„Við gerum ráð fyrir að að embætti sérstaks saksóknara
starfi til 2014. Við erum einnig með áform um að fækka
lögregluumdæmunum. Frumvarp þess efnis tekur von-
andi gildi á septemberþinginu.“
Þá segir Ragna það á hreinu að huga þurfi sérstaklega
að framtíð efnahagsbrotadeildar.
„Ég hef óskað eftir því við ríkissaksóknara að hann komi
með heildstæðar tillögur um hvernig best sé að skipa
ákæruvaldinu í landinu með tilliti til ofangreindra þátta. Við höfum ákveðið
að vera í samvinnu um það og ég bíð eftir að fá þær tillögur. Þótt löggjafinn
sé búinn að ákveða að setja á fót embætti héraðssaksóknara er þetta orðið
dálítið snúið þegar æðsti handhafi ákæruvaldsins lýsir sig svo andsnúinn því
sem raun ber vitni.“
Ragna bendir á að þegar sé búið að stórauka fjárveitingar til að byggja upp
ákæruvaldið, þar sem sé embætti sérstaks saksóknara. Því sé ekki hægt að
segja að stjórnvöld hafi ekki eflt ákæruvaldið eftir föngum. - jss
Bíður tillagna frá ríkissaksóknara
RAGNA
ÁRNADÓTTIR
Hefurðu fylgst með sjónvarpsút-
sendingum frá heimsmeistara-
mótinu í fótbolta?
Já 49,7%
Nei 50,3%
SPURNING DAGSINS Í DAG:
Óttast þú að læknaskortur verði
á landinu?
Segðu þína skoðun á vísir.is
SELFOSS Gróður byrgði ökumanni
sýn á Selfossi með þeim afleiðing-
um að hann ók á barn á hjóli. Barn-
ið slasaðist ekki við áreksturinn en
það sá að líkindum ekki bílinn koma
aðvífandi.
Heiður Eysteinsdóttir, móðir
barnsins, segir aðstæður sem þess-
ar vera allt of algengar.
„Gróður byrgir sýn á mörgum
stöðum í bænum,“ segir hún. „Þetta
er búið að vera áhyggjuefni hjá mér
lengi.“
Heiður segir að fólk verði að vera
meðvitað um aðstæður sem þessar
og klippa tré og runna reglulega til
að forðast fleiri slys. „Það er ekki
mikið um að fólk sé að fara eftir
svona skipulagsreglugerðum,“ segir
Heiður.
Einar Magnús Magnússon hjá
Umferðarstofu segir að hættur sem
þessar séu víða til staðar og fólk
verði að vera vakandi fyrir gróðri
í görðum sínum. „Maður sér mjög
víða aðstæður þar sem þessi hætta
er til staðar, sérstaklega í íbúða-
hverfum.“ segir Einar. „Fólk verður
að huga að þessu, það er nefnilega
aldrei að vita nema uppáhalds-
runninn sé að byrgja mönnum sýn
í umferðinni.“ - sv
Mildi að ekki fór verr þegar barn á hjóli varð fyrir bíl á Selfossi:
Gróður byrgði ökumanni sýn
SELFOSS Gróður við umferðargötur
byrgir ökumönnum sýn.
NÁTTÚRA Hlaupið í Skaftá náði lík-
lega hámarki í gærkvöldi.
Hlaupið kemur úr vestari sig-
katli Skaftárjökuls. Þrátt fyrir
að hlaupið nú sé lítið má gera ráð
fyrir því að stærra hlaup verði
þegar hleypur úr austari sigkatl-
inum, sem er stærri. Búast má við
slíku hlaupi seinna í sumar eða í
haust.
Rennsli í ánni við Sveinstind,
nálægt upptökunum, var mest um
400 rúmmetrar á sekúndu í gær.
Til samanburðar var rennslið
mest 1.250 rúmmetrar á sekúndu í
Skaftárhlaupi árið 2008. - þeb
Skaftárhlaupið er lítið:
Hlaupið hefur
náð hámarki
KJÖRKASSINN