Fréttablaðið - 22.06.2010, Qupperneq 14

14 22. júní 2010 ÞRIÐJUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
MENNING: Páll Baldvin Baldvinsson fulltrúi ritstjóra pbb@frettabladid.is HELGAREFNI: Anna Margrét Björnsson amb@frettabladid.is og Sigríður Björg Tómasdóttir sigridur@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
HALLDÓR
HANNAÐ AF FAGFÓLKI - Á VERÐI FYRIR ÞIG
DÖKKT HÁR
Sérhönnuð hárvörulína fyrir
Lengir tímann sem liturinn endist í hárinu
Samþykkt leiðtogafundar Evrópusam-bandsins 17. júní um að hefja aðildarvið-
ræður við Ísland markar tímamót. Við eigum
að baki langa vegferð í þátttöku í því sam-
starfi Evrópuþjóða sem hófst með gerð Róm-
arsamningsins árið 1957. Nú skal lagt í síð-
asta áfangann, aðild að ESB.
Norðurlöndin leggja þungt lóð á vogar-
skálar við öll gildi evrópsks nútímasam-
félags. Öll eigum við hlutdeild, ekki hvað
síst Íslendingar, í menningarlegri sameign
þeirra þjóða sem eru í Evrópusamband-
inu og þau vilja efla og varðveita saman.
En háleitum markmiðum og sögulegri arf-
leifð má minnast á hátíðastundum efnahags-
legs alþjóðasamstarfs þegar góðum árangri
hefur verið skilað um hagsæld, efnahagsleg-
an stöðugleika og næga atvinnu.
Hvort þetta eigi við um Evrópusambandið
yfirleitt eða með Ísland þar innanborðs, er
sitthvað sagt þegar aðildarmálin ber á góma.
Í þeim efnum er rétt að hafa hugfast að á
hálfri öld vaxandi efnahagslegs samruna
hafa framfarir viðkomandi landa verið meiri
og stöðugri en áður. Þetta á ekki hvað síst
við um minni ríki sem hafa langa reynslu af
aðild, eins og er um Lúxembúrg. Það sama
var sagt um Grikkland, Spán og aðra þar til
óstjórn þeirra í fjármálum sló í bakseglin.
En evran reyndist mikill bakhjarl. Ekki
varð bankahrun eða kreppa í Finnlandi sem
gerðist aðili að Myntbandalaginu og tók upp
evruna þegar Íslendingar hefðu betur gert
slíkt hið sama. Þá kemur að öðru atriði varð-
andi aðildina: með gerð EES-samningsins
urðum við að verulegu leyti aðili að ESB.
Eftir standa einkum sjávarútvegs- og land-
búnaðarmál og það meginatriði að hírast
ekki lengur utangarðs í ákvörðunartökum.
Sjávarútvegsmál munu ráða úrslitum í
samningum okkar. Eigum við Íslendingar þá
ekki að spyrja að leikslokum og taka síðan
ákvörðun um aðild? Ekki er vert að hlusta á
þann hræðsluáróður að við séum ekki færir
um að semja um hagsmunamál okkar. Varla
hefur það gleymst að við náðum þeim ein-
staka árangri að tryggja okkur full yfir-
ráð yfir íslenska landgrunninu. Utanríkis-
ráðherra og starfslið hans skiluðu góðum
árangri í átaki um að fá Ísland samþykkt
sem ESB umsækjanda. Þá hefur stjórn-
sýslan, ekki hvað síst utanríkisráðuneytið,
unnið mikið verk við að undirbúa samninga
í vinnuhópum aðalsamninganefndarinn-
ar. Og Sjálfstæðir Evrópumenn hafa rök að
mæla, að nú reynir á Sjálfstæðisflokkinn að
taka á ný fullan þátt í hefðbundinni stefnu
flokksins í utanríkismálum og styðja samn-
inganefnd Íslands til að ná sem allra bestum
árangri.
Merk tímamót
Evrópumál
Einar
Benediktsson
fyrrverandi
sendiherra
Vissi það allan tímann
Valgerður Sverrisdóttir var viðskipta-
ráðherra þegar lög um vexti og
verðtryggingu voru samþykkt 2001.
Í samtali við Morgunblaðið á laug-
ardag sagði Valgerður að það hefði
verið hennar skilningur að sú geng-
istrygging sem nú hefur verið dæmd
ólögleg hafi verið óheimil. „Það
er von að spurt sé hvernig
þetta gat liðist án athuga-
semda allan þennan tíma og
aldrei kom fram fyrirspurn
á þinginu um þetta svo ég
muni. Ég get ekki séð betur
en Fjármálaeftirlitið hafi
átt að hafa eftirlit
með þessu.“
En gerði ekkert
Valgerður segist sumsé hafa grunað
allan tímann að gengistrygging lána
væri ólögleg. Féll það þá ekki undir
eftirlitsskyldu hennar að hnippa í
Fjármálaeftirlitið og fá það til að
ganga í málið? Af hverju gerði hún
það ekki?
Rofin tengsl
Hannes Hólmsteinn Gissurar-
son hefur áhyggjur af rofnandi
tengslum Íslendinga við sögu
sína og menningararfleifð. Lái
honum hver sem vill. Í bloggi
sínu á Pressunni bendir
Hannes á tvö dæmi þar
sem fróðir menn, þeir
Tryggvi Gíslason og Þráinn Bertels-
son, þekktu ekki tilvitnanir úr bókum
Jóns Thoroddsen og eignuðu þær
öðrum. „Ef tveir kunnir menningar-
vitar þekkja íslenskar bókmenntir
(og það frá nítjándu öld) ekki betur
en þetta, hvað þá um okkur minni
spámennina?“ spyr Hannes. Þetta
er vel athugað. En Hannes hefði svo
sem geta fundið veigameira
dæmi, til dæmis ævisögu-
ritarann sem var svo illa
að sér í texta Nóbels-
skáldsins að hann hélt
að hann væri eftir sig.
bergsteinn@
frettabladid.isT
vö dauðaslys á erlendum ferðamönnum hafa orðið hér á
landi með stuttu millibili. Slysin vekja fyrst og fremst sorg
og óhug en óneitanlega vakna einnig upp spurningar um
það hvort og þá hvernig hægt sé að draga úr slíkum slysum
og helst koma í veg fyrir þau.
Ferðamálastjóri bendir á í frétt hér í blaðinu í gær að verið sé að
vinna við þróun gæða- og umhverfisvottunarkerfis fyrir íslenska
ferðaþjónustu og að þar verði
öryggismál ferðamanna tekin
sérstaklega til skoðunar. Því ber
að fagna.
Jónína Ólafsdóttir landfræð-
ingur skrifaði lokaritgerð sína um
öryggsimál í sportköfun. að henn-
ar mati er þeim mjög ábótavant
hér á landi. Hún benti á í viðtali á
Vísi.is að hvorki sé að finna upplýsingaskilti né varasúrefni við Silfru
sem þó er afar vinsæll staður til sportköfunar. Sömuleiðis benti hún á
að eftirliti með fyrirtækjum sem bjóða upp á sportköfun hér á landi
sé ábótavant og reglugerðir sem þær starfi eftir séu úreltar.
Slys gera ekki boð á undan sér og enginn mannlegur máttur getur
útrýmt slysum. Það breytir ekki því að til fjölmargra ráðstafana er
hægt að grípa til þess að draga úr þeim og vitað er að forvarnir geta
dregið verulega úr fjölda slysa.
Það er ákaflega mikilvægt að fræða erlenda ferðamenn sem hing-
að koma um þær hættur sem finnast í íslenskri náttúru. Varúðar-
skiltum á helstu tungumálum verður að koma upp miklu víðar en nú
er og eftirlit verður að auka á þeim stöðum þar sem mesta hættan
er fyrir hendi. Loks verður að setja þeim ferðaþjónustufyrirtækjum
sem bjóða upp á ævintýralega upplifun sem í eðli sínu er hættuleg,
eins og gildir um köfun, sleðaferðir á jöklum og ýmislegt fleira, skýr-
an starfsramma sem fylgt er eftir með eftirliti. Þau fyrirtæki sem
byggja tekjur sínar á slíkum ferðum verða að geta sýnt fram á að
undirbúningur ferðalanga sé fullnægjandi og að fyllstu ábyrgðar sé
gætt í slíkum ferðum.
Hér á landi verða allt of mörg slys á ferðamönnum, bæði íslensk-
um og erlendum. Slysin eru af ólíkum toga sem bendir til að þörf
sé á víðtæku og samstilltu átaki til þess að spyrna þarna við fæti.
Ferðamálayfirvöld, sveitarfélög, fyrirtæki í ferðaþjónustu og aðrir
þeir aðilar sem að móttöku ferðamanna koma verða að taka höndum
saman hratt og örugglega.
Það er mikið í húfi. Við Íslendingar viljum leggja metnað í að taka
vel á móti erlendum ferðamönnum. Við erum stolt af landinu okkar
og viljum þess vegna að sem flestir sæki það heim og helst að þeir
komi aftur og aftur.
Tekjur af ferðamönnum eru afar mikilvægar og til þess hefur
verið horft að þær muni aukast á næstu árum. Til að svo megi verða
verður að vanda til verka, von um skyndiágóða má aldrei ráða för
í ferðaþjónustu heldur yfirvegaður metnaður til þess að gera sem
best. Allir sem að ferðaþjónustunni koma verða að vera vakandi fyrir
öryggismálum, alltaf og alls staðar. Aðeins þannig verður hér byggð
upp vönduð ferðaþjónusta til framtíðar.
Tvö dauðaslys á erlendum ferðamönnum með
stuttu millibili vekja upp spurningar.
Aukið öryggi
ferðamanna
SKOÐUN
Steinunn
Stefánsdóttir
steinunn@frettabladid.is