Fréttablaðið - 22.06.2010, Blaðsíða 25

Til ökumanna
Á ferðalagi um landið má víða sjá hjólför eftir utanvegaakstur. Ekki
elta förin, haltu þig við vegi og merkta vegslóða. Skoðaðu
skemmdir sem aksturinn olli. Örin geta verið lengi að gróa og
hjólförin eru ekki bara sjónmengun, heldur geta í sumum tilvikum
dregið að sér vatn og valdið skemmdum með jarðvegs- og
gróðurrofi. Gakktu frekar eða snúðu við ef þú kemst ekki lengra
akandi. Vertu fyrirmynd, saman berum við ábyrgð á að eiga kost á
að njóta óspilltrar náttúru um ókomin ár.
- ekki valda spjöllum
Til ökumanna
- búfé meðfram vegum
Búfénaður er oft á ferðinni meðfram og á hálendisvegum. Gera þarf
ráð fyrir að lömbin séu ekki sömu megin og kindin og geti hlaupið
yfir veginn. Hægja þarf vel á ferðinni þegar búfé er í umhverfinu. Á
Austurlandi er töluvert um hreindýr og jafnvel meðfram vegum og
sérstaklega þegar líður að vetri. Aka þarf alltaf í samræmi við
aðstæður og betra að aka ekki of hratt.
Til ökumanna
- öryggi á jöklum
Öryggi í ferðum á jöklum byggir á góðum undirbúningi og
vandvirkni við leiðarval. Við leiðarval á jöklum er ekki hægt að
ganga út frá því að leiðin frá því á síðasta ári eða jafnvel í síðustu
viku sé örugg. Sprungur geta opnast, snjóbrýr geta fallið og úrkoma
getur breytt svæðinu á stuttum tíma. Gott er að fá upplýsingar hjá
staðkunnugum aðilum um aðstæður á jökli.
Staðsetningartæki (GPS) er skyldubúnaður í jöklaferðum og setja
þarf leiðina í tækið áður en lagt er af stað. Skyggni getur oft verið
mjög lítið og þá er betra að hafa rétta stefnu.
Skoða þarf veðurspá og sérstaklega úrkomu- og vindaspá. Muna
þarf að þokkalegt veður á láglendi tryggir ekki gott veður uppi á
jökli. Hitastig lækkar um 0,6 gráður fyrir hverja 100 metra hækkun,
úrkoma eykst við hækkun og vindur getur margfaldast við
fjallsbrúnir ef ekki er skjól af landslagi.
Slys eiga sér gjarnan stað þegar ekið er af malbiki yfir á möl og er
meginástæða þess að ekki er dregið nóg úr hraða og bíllinn rennur
til þegar komið er inn á mölina. Bíllinn getur misst gripið ef ekið er
of hratt á malarvegum og farið að renna til. Við þær aðstæður getur
verið mjög erfitt að ná stjórn á honum aftur. Þetta getur gerst þegar
bílar mætast og því ber að sýna aðgát við þær aðstæður. Færa sig til
hægri á veginum, draga úr hraða og sleppa bensíngjöfinni þegar
bílarnir mætast. Annars getur möl farið yfir bílinn sem þú mætir.
Til ökumanna
- akstur á malarvegi
Innan borga og bæja er algengur hámarkshraði 50 km/klst, en einnig
oft 30 km klst í íbúðahverfum. Á umferðarþyngri götum innan
Reykjavíkur er hámarkshraði þó stundum 60 – 80 km/klst en aldrei
meira en það. Meginregla í dreifbýli er að hámarkshraði sé 90 km /
klst á malbikuðum vegum og 80 km/ klst á malarvegum. Oft er
ástand malarvega þó þannig að aka þarf mun hægar og á hálendinu
er nauðsynlegt að aka enn hægar.
Til ökumanna
- aktu ekki yfir hámarkshraða
Blindhæðir eru nokkuð algengar á vegum á Íslandi, en þær eru nær
undantekningalaust merktar og hið sama á við um blindbeygjur.
Sumar blindhæðir eru með tvískiptum akgreinum og eru mjög
öruggar, því bílar sem mætast eru á sitt hvorri akgreininni. Fara þarf
sérstaklega varlega þegar ekki er akgreinaskipting á blindhæð og
fara eins mikið út í hægri kant og hægt er. Á nokkrum stöðum á
Íslandi eru einbreiðar býr. Reglan er sú að sá bíll sem nær er brúnni
á réttinn, en þetta vita ekki allir, svo gott er að hafa í huga að sá
getur lifað eða komist hjá slysi, sem vægir.
Til ökumanna
- blindhæðir og einbreiðar brýr
Á fáförnum vegi utan þéttbýlis gæti verið óbrúuð á. Ef þetta er smá
spræna, geturðu ekið yfir án sérstakrar athugunar. Vertu samt vel á
verði því áin gæti hafa grafið sig niður. Þú gætir einnig bleytt vélina
svo hún stöðvast.
Komir þú að stærri á, Þegar
farið er yfir stóra á, þarf að leita að góðu vaði (vaða ána í vöðlum)
og velja stað þar sem áin er grunn og auðvelt að aka ofan í hana.
Mikilvægt er að reikna út góðan stað til að ná upp á bakkann hinum
megin. Aka hægt yfir og ekki stöðva, því áin getur verið fljót að
grafa undan bílnum. Aldrei ætti á fólksbíl að reyna við slíkar ár, því
botninn er yfirleitt laus í sér og ekki nægilegt að vera á eins drifs bíl.
skal aldrei fara yfir hana einn á ferð.
Til ökumanna
- akstur yfir óbrúaðar ár
+
=
TUDOR frístundarafgeymir Exide hleðslutæki
Rafmagnað frí... ár eftir ár
Mesta úrval landsins af rafgeymum
fyrir húsbíla, hjólhýsi og fellihýsi