Fréttablaðið - 22.06.2010, Side 11
ÞRIÐJUDAGUR 22. júní 2010 11
DÓMSMÁL Maður á þrítugsaldri
hefur verið ákærður af ríkissak-
sóknara fyrir sérstaklega hættu-
lega líkamsárás.
Manninum er gefið að sök að
hafa slegið annan mann í höfuðið
með glerflösku. Flaskan brotnaði
með þeim afleiðingum að fórnar-
lambið hlaut mörg opin sár á höfði
og áverka á hægra innra eyra sem
leiddu til varanlegs heyrnartaps.
Maðurinn sem sleginn var
gerir kröfu um greiðslu miska- og
skaðabóta að upphæð ríflega 1,7
milljónir króna. - jss
Hlaut varanlegt heyrnartap:
Barinn í höfuð
með glerflösku
AKUREYRI Saga Capital Fjárfest-
ingarbanki og Íslensk verðbréf
hafa lokið við að selja skulda-
bréf fyrir Akureyrarbæ upp á
tvo milljarða króna. Lífeyrissjóð-
ir keyptu bréfin, sem voru seld í
lokuðu útboði.
Skuldabréfin eru til 34 ára, eru
jafngreiðslubréf og bera 4,35
prósenta vexti.
Í tilkynningu kemur fram
að lántakan sé í samræmi við
fjárhagsáætlun Akureyrarbæj-
ar og muni skuldabréfin nýtast
til endurfjármögnunar á eldri
lánum. - jab
Fá tveggja milljarða króna lán:
Endurfjármagna
eldri skuldir
AKUREYRI Akureyrarbær hefur tekið
tveggja milljarða króna lán sem greiðist
upp á 34 árum. FRÉTTABLAÐIÐ/ VILHELM
UMFERÐ Ný stilling umferðarljósa á
gatnamótum Bústaðavegar og Reykja-
nesbrautar verður virk á morgun. Breyt-
ingin felur í sér að á mestu álagstímum
verður vinstri beygja frá Bústaðavegi
inn á Reykjanesbraut bönnuð. Er bannið
til þess að draga úr myndun biðraða við
gatnamótin, sem hefur til þessa verið
mikið vandamál á svæðinu. Á mestu
annatímum fara um sjö þúsund bílar
á klukkutíma um gatnamótin. Biðraðir
hafa teygt sig langt eftir Sæbrautinni
og inn á Miklubraut sem auka tafir og
slysahættu til muna.
Bannið er tímabundið yfir daginn
og er frá klukkan 7.45 til 9.30 og 15.30
til 18.00 á mánudögum til fimmtu-
daga. Á föstudögum verður breyting-
in frá klukkan 7.45 til 9.30 og 14.30 til
18.00. Gildir þetta ekki um helgar og
frídaga.
Jón Halldór Jónasson, hjá fram-
kvæmdasviði Reykjavíkurborgar, segir
að þetta sé í fyrsta skipti sem vinstri-
beygjubann taki gildi í Reykjavík og
stórt skilti á gatnamótunum eigi að
forða ökumönnum frá öllum misskiln-
ingi. „Þetta gerir það að verkum að fólk
beygir síður inn í íbúðahverfi og minnk-
ar slysahættu til muna,“ segir Jón. - sv
Breyting á umferðarljósum á gatnamótum Bústaðavegar og Reykjanesbrautar:
Vinstri beygja bönnuð á álagstímum
TÆKNI Japanska tæknifyrirtæk-
ið Toshiba kynnti spjaldtölvu í
gær, sem talið er að gæti hæglega
keppt við iPad-tölvuna frá Apple.
Tölvan, sem nefnist Libretto
W100, kemur á markað í tilefni af
25 ára afmæli fyrirtækisins. Hún
er með tveimur sjö tommu snerti-
skjáum og má nota annan þeirra
sem lyklaborð.
Í tæknibloggi fréttavefs BBC í
gær er rifjað upp að Toshiba hafi
lengi verið framarlega á tækni-
sviðinu og sett fyrstu spjald-
tölvuna á markað árið 1993. Það
sýni þó að litlu skipti hver býr til
fyrstu tækninýjungina; þeir sem
kunni að nýta hana og pakka inn
í notendavænar umbúðir muni
taka markaðinn.
- jab
Toshiba kynnir spjaldtölvu:
Ætlað að keppa
við iPad-tölvur
TÖLVAN KYNNT Líkt og sjá má er nýja
spjaldtölvan frá Toshiba líkust hefð-
bundinni bók. FRÉTTABLAÐIÐ/
UMFERÐARLJÓS Nýju aðvörun-
arljósin sem segja til um hvort
vinstribeygjubann sé í gildi.
Breytt stýring umferðarljósa á álagstímum
Styttri biðraðir með
umferðarstýringu
Ný stilling umferðarljósa á gatnamótum Bústaðavegar og Reykjanesbrautar verður virk
miðvikudaginn 23. júní. Vinstri beygja frá Bústaðavegi inn á Reykjanesbraut verður bönnuð
á álagstímum og er það gert til að draga úr myndun biðraða við gatnamótin. Verst hefur
ástandið verið síðdegis og teygja biðraðir sig þá langt eftir Sæbrautinni og einnig inn á
Miklubraut með tilheyrandi töfum og slysahættu. Stilling umferðarljósanna byggir á
umferðarmælingum á álagstímum. Mælingar sýna hlutfalllega fáa bíla taka umrædda beygju
á þessum álagstímum eða aðeins 3% umferðar sem um gatnamótin fara.
Þeir ökumenn sem ætluðu að taka vinstri beygju við Reykjanesbraut fá svigrúm til að velja
aðrar leiðir því að á Bústaðavegi hefur verið komið fyrir upplýsingaskiltum sem eru samstillt
við umferðarljósin og munu þau loga þegar bannið við vinstri-beygju gildir. Skiltin eru við
Grensásveg, Réttarholtsveg, Sogaveg og á gatnamótum Bústaðavegar og Reykjanesvegar.
Þeir ökumenn sem koma að gatnamótunum meðan bannið gildir geta tekið hægri beygjuna
suður Reykjanesbraut og snúið við á mislægum gatnamótum við Stekkjarbakka.
Umferðartafir á Reykjanesbraut minnka við lokun vinstri beygjunnar. Draga mun úr myndun
biðraða sem á álagstímum síðdegis teygja sig alla leið inn á Miklubraut og Sæbraut.
Ökumenn eru beðnir um að sýna aðgát og tillitssemi.
Nánari upplýsingar finnur þú á vef okkar www.reykjavik.is/fer
Vinstri-beygjubannið mun gilda
mánudaga til fimmtudaga frá
kl. 7:45-9:30 og 15:30-18:00.
Á föstudögum frá 7:45-9:30 og
14:30-18:00. Á ofangreindum
tímum mun þetta skilti loga.
Bannið gildir ekki um helgar
eða á frídögum.
Bústaðavegur - Reykjanesbraut