Fréttablaðið - 22.06.2010, Blaðsíða 8

8 22. júní 2010 ÞRIÐJUDAGUR
1 Hvað heitir eiginmaður Vikt-
oríu Svíaprinessu?
2 Hversu þungan lax veiddi Jón
Gnarr í Elliðaánum?
3 Hver er rektor Háskólans í
Reykjavík?
SVÖR Á SÍÐU 30
Góður ávöxtunarkostur – einnig í áskrift
Hafðu samband við
ráðgjafa okkar í
síma 460 4700 eða
kynntu þér málið
á www.iv.is
@
Taktu bollur með í ferðalagið!
www.ora.is
Fastus ehf. | Síðumúla 16 | 108 Reykjavík | Sími 580 3900 | www.fastus.is
DÓMSMÁL Hæstiréttur hefur þyngt
dóma yfir Barðastrandarræn-
ingjunum svokölluðu um eitt ár.
Þá dæmdi hann þá til að greiða
fórnarlambinu 800 þúsund krón-
ur í miskabætur.
Mennirnir, Axel Karl Gíslason
og Viktor Már Axelsson, voru
dæmdir fyrir að ráðast á aldrað-
an úrsmið á Barðaströnd á Sel-
tjarnarnesi, binda hann og krefja
upplýsinga um hvar tiltekin verð-
mæti væri að finna. Þeir tóku þar
úr, skartgripi og fleira. Manninn
skildu þeir eftir á gólfinu í fjötr-
um.
Viktor hlaut tveggja ára fang-
elsisdóm í Héraðsdómi Reykja-
víkur en Hæstiréttur þyngdi
dóminn um ár. Þá fékk Axel Karl
20 mánaða fangelsisdóm í Hér-
aðsdómi en hans dómur var einn-
ig þyngdur um ár.
Mennirnir, sem eru um tvítugt,
sitja nú í gæsluvarðhaldi vegna
líkamsárásar þar sem þeir réð-
ust á annan aldraðan mann fyrir
utan heimili hans í Reykjanesbæ.
Með manninum var dóttir hans og
kornabarn.
Mennirnir handleggsbrutu
manninn auk þess sem þeir veittu
honum margvíslega áverka. Talið
er að þeir hafi ætlað að finna
barnabarn mannsins. - jss
Barðastrandarræningjar dæmdir fyrir hrottalega árás á aldraðan úrsmið:
Hæstiréttur þyngir dóma um ár
RÆNINGJAR AF BARÐASTRÖND Hæsti-
réttur þyngdi dóminn.
STJÓRNMÁL Pétur Blöndal þingmað-
ur segir að sér sé skapi næst að
hætta á Alþingi. Starfið sé mann-
skemmandi og illa borgað. Svo sé
honum stillt upp „eins og glæpa-
manni“ vegna styrkjamála.
Einhver styrkti Pétur fyrir nær
fjórðung af prófkjörskostnaði
hans fyrir kosningarnar 2007, um
700.000 krónur, en heildarkostnað-
ur prófkjörsins mun hafa verið um
þrjár milljónir.
Pétur er ekki á lista Ríkisend-
urskoðunar yfir þá sem hafa skil-
að upplýsingum um kostnað við
prófkjörsbaráttu á þessum árum,
en það var ekki lagaleg skylda að
skila þeim.
Pétur segir að peningarnir hafi
komið frá hjónum sem hafi prentað
fyrir sig framboðsbækling. Hann
hafði í síðustu viku sagst ætla að fá
leyfi til að nafngreina manninn.
„Nei, ég er ekki búinn að tala við
þennan mann. Ég var til klukkan
þrjú í nótt að vinna að þessu frum-
varpi um heimilin,“ segir Pétur.
Hann geti gefið þetta upp síðar í
mánuðinum.
„Í hvert einasta skipti sem ég býð
mig fram hugsa ég hvort ég eigi að
halda þessari vitleysu áfram því
þetta er mannskemmandi að vera í
þessu. Sérstaklega af því að maður
er stimplaður glæpamaður fyrir-
fram. Mér er skapi næst að hætta
bara. Þá skulu menn reyna að fá
almennilegt fólk inn á þing þar
sem ekki er borgað fyrir menntun
eða reynslu. Ég fæ ekkert borgað
fyrir menntunina mína, átta ára
háskólanám, og er búinn að borga
átta milljónir [í fimm prófkjörum]
fyrir að fá þessa vinnu. Þetta er
galið,“ segir hann. Svo bætist „ein-
elti“ fjölmiðla ofan á allt annað.
Jónínu Rós Guðmundsdóttur,
þingmanni Samfylkingar, kemur á
óvart að hún sé ekki á fyrrgreind-
um lista. Hún taldi sig hafa skil-
að öllu. Jónína man hins vegar vel
eftir baráttunni í Norðausturkjör-
dæmi.
„Úti á landi kosta framboðin nú
ekki eins mikið og í bænum. Ég
keypti eina auglýsingu upp á 47.000
krónur, þetta var borði á vef Viku-
dags og hjá Austurglugganum.
Fyrir einstæðar mæður er þetta
dálítill peningur og ég man þetta
alveg nákvæmlega,“ segir hún.
Heildarkostnaður prófkjörsins hafi
verið vel undir 300.000 krónum.
Unnur Brá Konráðsdóttir, þing-
maður Sjálfstæðisflokks, er held-
ur ekki á listanum, en hún fór í
fimmta sæti í Suðurkjördæmi.
„Á þeim tíma voru þessar reglur
ekki í gildi,“ segir Unnur Brá. „Ég
greiddi allan kostnað sjálf, ég man
ekki hvort hann var 500.000 eða
eitthvað nálægt því,“ segir hún.
Ekki hefur náðst í Kristján Þór
Júlíusson, sem hefur ekki gefið upp
hver styrkti hann um hálfa milljón
fyrir sömu kosningar.
klemens@frettabladid.is
Pétri Blöndal er skapi
næst að hætta á þingi
Pétur Blöndal þingmaður segir að sér sé skapi næst að hætta á Alþingi þegar
hann er spurður um styrkjamál sín. Sakar blaðið um einelti. Þingkonurnar Jón-
ína Rós Guðmundsdóttir og Unnur Brá Konráðsdóttir greina frá kostnaði.
KRISTJÁN ÞÓR
JÚLÍUSSON
PÉTUR
HARALDSSON
BLÖNDAL
UNNUR BRÁ
KONRÁÐSDÓTTIR
JÓNÍNA RÓS
GUÐMUNDSDÓTTIR
KIRGISTAN, AP Þúsundir Úsbeka,
sem dvelja við landamæri Úsbek-
istan og Kirgisistan, neituðu að
snúa til heimkynna sinna í Kirg-
istan í gær. Þeir treysta ekki
kirgískum hermönnum, sem hafa
reynt að sannfæra þá um að þeim
sé óhætt að snúa aftur.
Allt að tvö þúsund Úsbekar hafa
látist og um fjögur hundruð þús-
und hrakist frá heimilum sínum,
frá því átök brutust út í Kirgistan
um miðjan júní. Um 100 þúsund
þeirra fóru til Úsbekistan en um
fimm þúsund hafa snúið aftur.- hhs
Átökin í Kirgisistan:
Úsbekar óttast
að snúa aftur
VEISTU SVARIÐ?