Fréttablaðið - 22.06.2010, Qupperneq 17

Sölufulltrúar Henný Árnadóttir henny@365.is 512 5427 Jóna María Hafsteinsdóttir jmh@365.is 512 5473 Þórdís Hermannsdóttir thordish@365.is 512 5447
„Ég er bara allt annar maður, finn
ekki lengur fyrir þessu,“ segir
Garðar Cortes, óperusöngvari og
skólastjóri Söngskólans í Reykja-
vík, sem greindist fyrir meira en
áratug með svokallaða Dupuytren’s
veiki, sem veldur því meðal ann-
ars að fingurnir kreppast. Síðan
þá hefur Garðar náð góðum bata
með aðstoð þekkts læknis í Frakk-
landi.
Að sögn Garðars þjást margir af
Dupuytren’s veiki, einkum á norð-
urhveli jarðar og er talið að um arf-
gengan sjúkdóm sé að ræða. „Hún
er af þeim sökum oft kölluð „vik-
ing syndrome“ eða víkingaveiki.
Ég geri mér reyndar í hugarlund
að það sé vegna þess að vísinda-
menn hafi séð þessi einkenni við
uppgröft og rannsóknir á líkams-
leifum frá tímum víkinga. Sjálfur
erfði ég þetta frá móður minni, en
bróðir minn og börn hafa hingað til
alveg sloppið við þetta.“
Garðar segir að þeir sem þjást
af Dupuytren’s veiki fari yfirleitt
í skurðaðgerð á höndum og að svo
búnu taki við margra vikna endur-
hæfing. Fyrir nokkrum árum
las hann hins vegar í tímaritinu
Time Magazine um lækni að nafni
Henry Lellouche í París sem lækn-
aði sjúklinga sína án þess að beita
hefðbundnum skurðaðgerðum.
Garðar var þá illa haldinn í hægri
hendinni og ákvað því að hafa sam-
band við lækninn þegar hann var
staddur í París í fræðsluferð ásamt
kennaraliði úr Söngskólanum.
„Hann var svo vinsamlegur að
hitta mig og eftir að hafa skoðað
á mér höndina, deyfði hann mig og
liðkaði puttana með því að toga í
þá. Þetta tók í það heila innan við
sjö mínútur og að því loknu fann
ég ekki fyrir þessu,“ segir Garð-
ar og bætir við að einkennin hafi
ekki látið á sér kræla í tíu ár.
„Reyndar var vinstri höndin farin
að kreppast fyrir skemmstu en þá
fór ég aftur út og læknirinn lagaði
hana.“
Garðar segist hafa sett sig í
samband við lækna hérlendis eftir
fyrstu heimsókn sína til Lellouche
og lýst fyrir þeim aðferðinni og
árangrinum. „Einhverjir sýndu því
áhuga að fá lækninn hingað til að
flytja erindi, en svo varð ekkert af
því eftir sem ég kemst næst. Ætli
það hafi bara nokkuð náðst sam-
staða meðal lækna um málið þar
sem þetta er nokkuð óhefðbundin
aðferð, þótt hún skili tvímælalaust
árangri.“ roald@frettabladid.is
Vann bug á víkingaveiki
Garðar Cortes óperusöngvari greindist fyrir nokkrum árum með Dupuytren’s veiki. Hann fann bót sinna
meina hjá þekktum lækni í Frakklandi sem hefur getið sér góðan orðstír fyrir óhefðbundnar aðferðir.
Garðar Cortes greindist með Dupuytren’s veiki fyrir meira en áratug sem veldur meðal annars því að fingurnir kreppast. Hann
leitaði sér hjálpar í Frakklandi og hefur náð góðum bata. FRÉTTABLAÐIÐ/VALLI
PLANKAR sem raða má upp á til dæmis steyptar svalir
og mynda þannig þægilegt gólfborð til að ganga á fást
yfirleitt í viðarlitum í byggingarvöruverslunum. Það getur
komið ljómandi vel út að mála plankana hvern í sínum
litnum og útbúa þannig til glaðlegt mynstur á svalirnar.
Tímapantanir
534 9600Hlíðasmári 11, 201 Kópavogur -www.heyrn.is
HEYRNARÞJÓNUSTA
Nýju ReSound heyrnartækin endurvekja tilfinningu fyrir
hljóðum sem berast úr hvaða átt sem er á svipaðan hátt
og þegar skipt er úr einföldum steríótækjum með
tveimur hátölurum í kringóma (surround) heimabíó með
hátalara til allra átta.
Ný tækni . Betra verð . Fagleg þjónusta
Frí ráðgjöf í maí
ReSound heyrnartækin setja mann í miðpunkt
hljóðheimsins sem maður hrærist í. Þegar maður getur
fylgst betur með hljóðum sem berast úr öllum áttum
nýtur maður góðs hljóms mun betur. Auðveldara er að
átta sig á hvaðan hljóðið berst og maður getur notið
þess að tala við fólk þó hávaði sé í umhverfinu.
SURROUND
KRINGÓMA
Frí ráðgjöf
Patti.is
Landsins mesta úrval af sófasettum
Dugguvogi 2 / s: 557 9510 / www.patti.is
Opið : Mánud. - Föstud. frá 9 til 18 og Laugard. frá 11 til 16
Láttu þér líða vel í sófa frá Patta
289.9
00 kr
Base
l 2H2
Verð
frá
2.900
krPúða
r í úr
vali
verð
frá