Fréttablaðið - 01.07.2010, Side 12

12 1. júlí 2010 FIMMTUDAGUR
LÖGGÆSLA „Ég mun óska eftir því
við ríkislögreglustjóra að embætt-
ið taki sérstaklega til umfjöllunar
öryggi lögreglumanna og að gerð-
ar verði viðeigandi ráðstafanir til
úrbóta eða tillögum skilað til ráðu-
neytisins.“
Þetta segir Ragna Árnadóttir
dómsmálaráðherra vegna umfjöll-
unar Fréttablaðsins fyrr í vik-
unni um tíðara og harðara ofbeldi
borgara gegn lögreglumönnum við
skyldustörf, oft samfara varanleg-
um skaða hjá þeim síðarnefndu.
„Það álitaefni hefur verið til
umfjöllunar um árabil hvort lög-
reglumenn og fangaverðir taki í
notkun rafstuðtæki, öðru nafni
rafbyssur,“ segir dómsmálaráð-
herra. „Ríkislögreglustjóri hefur
komist að þeirri niðurstöðu að raf-
byssa hafi umtalsverða kosti sem
valdbeitingartæki með takmark-
aðri áhættu. Þó hefur hann ekki
talið ástæðu til, að svo stöddu, að
búa öll lögreglulið rafbyssum. Til
skoðunar kæmi að heimila sérsveit-
inni notkun á þeim til reynslu sem
valkost í stað skotvopna.“
Ráðherra segir að í ljósi niður-
stöðu ríkislögreglustjóra hafi verið
litið svo á, við núverandi stöðu í rík-
isfjármálum, að í öllu falli sé skyn-
samlegra að nota þá takmörkuðu
fjármuni, sem lögregla hefur til
búnaðarkaupa, til að kaupa búnað
sem nýtist sem flestum lögreglu-
mönnum, í stað þess að lagt verði
út í kostnað við að vopna sérsveit-
ina með rafbyssum.
„Lögreglan hefur þurft að þola
niðurskurð fjárheimilda og þess sér
stað í starfseminni. Lögreglumenn
eru uggandi um öryggi sitt og huga
þarf að nauðsynlegum aðgerðum til
að búa betur að því.“ - jss
Dómsmálaráðherra segir að huga þurfi að nauðsynlegum aðgerðum til að bæta öryggi lögreglumanna:
Búnaður sem nýtist öllum æskilegastur
LÖGREGLA VIÐ STÖRF Dómsmálaráð-
herra segir að ekki sé hægt að líta fram
hjá því að þær lýsingar, sem birtust í
Fréttablaðinu síðastliðinn mánudag, séu
alvarlegs eðlis.
Þitt tækifæri!
Lacetti Station árgerð 2010
Verð aðeins kr. 2.690.000.- kr. 2.143.000.- án vsk
Station bíll á f
rábæru verði
Framleiddir í m
ars 2010
Ríkulegur staða
lbúnaður
Gæðabíll í 3 ár
a ábyrgð!
Bílabúð Benna er 35 ára og þú færð að njóta þess. Vegna hagstæðra samninga við Chevrolet, í tengslum
við magnkaup fyrir bílaleigur, getum við boðið nokkur eintök af glænýjum Chevrolet Lacetti Station á
afmælisafslætti. Hér er um að ræða einstaklega rúmgóðan og ríkulega búinn gæðabíl að öllu leyti,
m.a. álfelgum, langbogum, loftkælingu o.fl, o.fl. Og að sjálfsögðu með 3ja ára ábyrgð.
Þetta er þitt tækifæri til að eignast stór-góðan bíl á verði smábíls – fyrir sumarfrí.
Bílabúð Benna - Chevrolet sýningarsalur - Tangarhöfða 8-12 - Reykjavík - sími 590 2000 - www.benni.is / Spesbílar - Njarðarbraut 9
Reykjanesbæ - sími 420 3300 - www.spesbilar.is / Bílasalan Ós - Óseyri 5 - 603 Akureyri - sími 462 1430 - www.osbilar.is
Stofnað 1975
EFNAHAGSMÁL Vísbendingar eru
um kólnun kínverska hagkerfisins.
Þetta fullyrðir Ruchir Sharma, sér-
fræðingur í málefnum nýmarkaða
og framkvæmdastjóri eignastýring-
arsviðs bandaríska bankans Morgan
Stanley, í úttekt um Kína í nýjasta
tölublaði vikuritsins Newsweek.
Í úttektinni fer Sharma yfir helstu
hagstæðir landsins, þróun hagkerf-
isins síðustu misserin og hugsanleg-
ar breytingar á næstu tíu árum.
Hagvöxtur í Kína hefur numið tíu
prósentum um nokkurra ára skeið.
Útlit er fyrir samdrátt í opinber-
um framkvæmdum sem felur í sér
að störf flytjast síður frá dreifðari
byggðum til þéttbýlisins. Í ofaná-
lag reiknar Sharma með að gengi
júansins gefi eftir með þeim afleið-
ingum að eftirspurn dregst saman.
Hagvöxtur gæti við það farið niður
í sex til sjö prósent.
Dragi úr eftirspurn og fram-
leiðni í Kína geti það haft alvarleg-
ar afleiðingar í för með sér fyrir
heimshagkerfið, ekki síst fyrir þau
lönd sem treysta á óbreytta efna-
hagsþróun í Kína. Þetta á sérstak-
lega við um Ástralíu, en 64 pró-
sent af útflutningi landsins enda í
Kína, og Brasilíu, sem selur þangað
rúman helming af vörum sínum.
- jab
Newsweek segir heimshagkerfið verða að búa sig undir samdrátt í Kína:
Hagvöxtur niður í sex prósent
NÝR BÍLL SKOÐAÐUR Kaupæði hefur
verið í Kína um nokkurra ára skeið. Útlit
er fyrir að draga muni úr kaupmættinum
á næstunni. FRÉTTABLAÐIÐ/AP
BANDARÍKIN Rúmur helmingur
Bandaríkjamanna segist hafa
fundið fyrir áhrifum kreppunnar
með einum eða öðrum hætti síð-
astliðna þrjá-
tíu mánuði. Á
meðal áhrif-
anna eru launa-
lækkun, fækk-
un vinnustunda
eða atvinnu-
leysi. Þetta eru
niðurstöður
könnunar Pew
Research Cent-
er sem birtar voru í gær.
Niðurstöðurnar benda til að
neyslumynstur Bandaríkja-
manna hefur breyst og vænting-
ar þeirra minni en áður. Þá er
athyglisvert að tæpur helming-
ur þátttakenda segir hagkerfið
á leið út úr kreppunni. Demó-
kratar eru í meirihluta þeirra en
Repúblikanar í hinum hópnum.
- jab
Kreppan í Bandaríkjunum:
Demókratar
bjartsýnir
BARACK OBAMA
BRETLAND Colin Hall, borgar-
stjóri í Leicester á Bretlandi,
hefur beðist afsökunar á því að
hafa misst niður um sig buxurnar
fyrir framan hóp skólabarna.
Hann var í heimsókn á bóka-
safni skólans þegar óhappið varð,
en segist því miður ekki hafa
verið með belti um sig miðjan.
Borgarstjórinn hefur verið í
megrunarátaki undanfarið, hefur
breytt um mataræði og verið
duglegur að ganga á staði sem
hann þarf að heimsækja vegna
starfs síns. - gb
Borgarstjóri í skólaheimsókn:
Missti niðrum
sig buxurnar
FR
ÉTTA
B
LA
Ð
IÐ
/VA
LLI
SKAUTAÐ AF LIST Heimamenn í Syd-
ney í Ástralíu renna sér á skautum á
stærsta svelli borgarinnar. Óvenjukalt
hefur verið í Sydney að undanförnu
og mældist hitinn í gærmorgun um
4 gráður. NORDICPHOTO/AFP