Fréttablaðið - 18.09.2010, Page 88

18. september 2010 LAUGARDAGUR
sport@frettabladid.is
ÍSLANDSMÓTINU í 1. deild karla lýkur í dag og ræðst
þá hvort það verði Leiknir eða Þór sem fylgir Víkingum upp
í Pepsi-deild karla. Lokaumferðin fer fram klukkan 14.00.
FÓTBOLTI Framherjinn Haukur
Ingi Guðnason átti magnaðan leik
í sigri Keflavíkur á Val og er leik-
maður 20. umferðar hjá Fréttablað-
inu. Haukur Ingi hleypti miklu lífi
í leik Keflavíkur sem vann loksins
leik á nýja heimavellinum.
„Þetta var aðeins minn annar
leikur í byrjunarliðinu í sumar.
Það er gaman að ná svona leikjum
sem eru einmitt ástæðan fyrir því
að maður nennir að vera áfram í
boltanum þrátt fyrir ítrekuð áföll,“
segir Haukur Ingi sem viðurkenn-
ir að hafa verið nálægt því að fá
krampa í báða fætur þegar hann
fór af velli dauðþreyttur eftir að
hafa hlaupið mikið.
Keflavík hefur átt erfitt upp-
dráttar eftir góða byrjun á mót-
inu. Liðið sýndi þó klærnar gegn
Val og Haukur Ingi segir að FH og
ÍBV muni ekki fá neitt ókeypis í
leikjunum gegn Keflavík.
„Við erum staðráðnir í því að
enda mótið með sæmd. Við getum
haft áhrif á útkomu Íslandsmóts-
ins í lokaleikjum okkar og það
gefur þeim leikjum meira gildi.
Við viljum ekki að neitt sérstakt
lið vinni en við ætlum að bíta frá
okkur og þessi lið munu þurfa að
hafa fyrir hlutunum gegn okkur,“
segir Haukur og bætir við að það
verði áhugavert að sjá hvernig
Blikar bregðist við í lokaleikjun-
um gegn liðum sem þeir eigi fyr-
irfram að vinna.
Haukur Ingi hefur verið ákaf-
lega óheppinn með meiðsli í gegn-
um tíðina og hann er ekki búinn að
taka ákvörðun með framhaldið.
„Það væri rosalega gaman að
enda ferilinn á titli með Keflavík.
Ég ætla að taka mér frí fram að
áramótum eftir tímabilið og sjá
svo til. Líklega mun ég fara var-
lega í æfingar á hörðu undirlagi
og sjá til hvernig lappirnar halda.
Það skýrist því síðar hvort ég haldi
áfram.“ henry@frettabladid.is
Viljum hafa áhrif á mótið
Haukur Ingi Guðnason kom með kraftinn sem hefur vantað í Keflavíkurliðið
gegn Val. Hann segir að Keflavík muni selja sig dýrt gegn FH og ÍBV.
MÆTTUR AFTUR Haukur Ingi sýndi gamalkunna takta gegn Val. FRÉTTABLAÐIÐ/VALLI
Pepsi-deild karla:
Lið 20. umferðar:
Daði Lárusson Haukar
Guðjón Árni Antoníusson Keflavík
Rasmus Christiansen ÍBV
Freyr Bjarnason FH
Björn Daníel Sverrisson FH
Guðmundur Steinarsson Keflavík
Matthías Vilhjálmsson FH
Haukur Ingi Guðnason Keflavík
Haukur Baldvinsson Breiðablik
Hörður Sveinsson Keflavík
Alfreð Finnbogason Breiðablik
FÓTBOLTI Úrslitin í Pepsi-deild karla
gætu ráðist á morgun þegar næst-
síðasta umferðin fer fram. Aðeins
munar tveimur stigum á liðinu í
fyrsta og þriðja sæti en úrslitin
gætu samt ráðist þá.
Vinni Breiðablik sinn leik og ÍBV
tapar og FH tapar eða gerir jafn-
tefli er Breiðablik orðið Íslands-
meistari í fyrsta skipti í meist-
araflokki karla. Að því gefnu að
Breiðablik vinni Selfoss þá eru
þeir svo gott sem orðnir meist-
arar geri ÍBV og FH jafntefli því
markatala liðsins er það góð.
Umferðin á morgun er því afar
áhugaverð. Það er líka gríðarlega
spennandi botnslagur er Haukar
sækja Fylki heim. Fjórum stig-
um munar á liðunum og Haukar
eru aðeins þrem stigum á eftir
Grindavík sem mætir KR. Sigur
hjá Haukum mun því setja mikla
spennu í botnbaráttuna. - hbg
Næstsíðasta umferð Pepsi-deildar karla á morgun:
Verða Blikar meistarar?
Pepsi-deild karla:
21. umferð:
Breiðablik - Selfoss
FH - Keflavík
ÍBV - Stjarnan
Fylkir - Haukar
Grindavík - KR
Valur - Fram
Staða efstu og neðstu liða:
Breiðablik 40 stig
ÍBV 39
FH 38
------------------------------------
Fylkir 21 stig
Grindavík 20
Haukar 17
Selfoss 14
FÓTBOLTI Einn af stórleikjum
tímabilsins í ensku úrvalsdeild-
inni verður á morgun þegar
Manchester United tekur á móti
Liverpool. Bæði lið spiluðu í Evr-
ópukeppnum í vikunni og tefldu
fram gjörbreyttum liðum. Alex
Ferguson gerði tíu breyting-
ar á liði United frá síðasta leik á
undan og Roy Hodgson átta hjá
Liverpool.
Sá síðarnefndi segir það þó
ekki alltaf töfralausn að hvíla
bestu mennina. „Ég gerði þetta
einu sinni hjá Fulham. Við send-
um varaliðið til að spila Evrópu-
leik og töpuðum svo fyrir Wolves
í næsta leik á eftir. Stundum þarf
þó að taka þessar ákvarðanir en
hver veit hvort þær virki? Það
er engin kristalskúla sem segir
hvort það beri árangur,“ sagði
Hodgson. Leikurinn hefst klukk-
an 12.30 á morgun. - esá
Man. Utd. mætir Liverpool:
Ekki töfralausn
að hvíla menn
V A L S
DAGURINN
SUNNUDAGINN
19. september
11.00 Formleg opnun á endurnýjuðu „gömlu“ íþróttahúsi félagsins.
11.00 Uppskeruhátíð yngri flokka í knattspyrnu.
11 - 16 Kynning á starfsemi félagsins, veitingar, hoppukastalar
og margt, margt fleira! Fylgstu með á www.valur.is
13.00 Valur-Grindavík í Pepsi deild kvenna.
Stelpurnar taka á móti 100. titli félagsins.
17.00 Valur-Fram í Pepsi deild karla.
19 - 21 100. titli félagsins fagnað í veislusal.
Léttar veitingar í boði.
DAGSKRÁ:
Komdu og taktu þátt í gleðinni með hverfisfélaginu þínu.
Við hlökkum til að sjá þig. Áfram Valur!
Kl.
F J Ö L S K Y L D U H Á T Í Ð
NÚ ER
TVÖFALT
MEIRA
Í VINNING
EN Á-DUR!
I I
!
1. Tottenham - Wolves ÚRV.D.
2. Aston Villa - Bolton
3. Blackburn - Fulham
4. Everton - Newcastle
5. W.B.A. - Birmingham
6. Häcken - AIK ÚRV.D.
7. Kalmar FF - GAIS
8. Ipswich - Cardiff 1. D.
9. Crystal Palace - Burnley
10. Leicester - Q.P.R.
11. Middlesbro - Reading
12. Millwall - Watford
13. Preston - Norwich
64.000.000
24.000.000
19.200.000
40.000.000
ENSKI BOLTINN 18. SEPTEMBER 2010
37. LEIKVIKA
(13 R.)
(12 R.)
(11 R.)
(10 R.)
Stærstu nöfnin eru í Enska
boltanum og nú er potturinn
orðinn ennþá stærri. Vertu með
og tippaðu fyrir kl. 13 í dag.
SÖLU LÝKUR 18. SEPT. KL. 13.00
1 X 2
TIPPAÐU Á NÆSTA SÖLUSTAÐ EÐA Á 1X2.IS