Fréttablaðið - 15.10.2010, Page 6

6 15. október 2010 FÖSTUDAGUR
Vertu með Airwaves
í símanum
SMS áminningar frá m.ring.is á 0 kr. fyrir alla!
Öll dagskrá Iceland Airwaves er á m.ring.is. Þú getur fengið SMS
í símann þegar þitt band er að stíga á svið. Farðu á m.ring.is,
renndu yfir dagskrána og hakaðu við það sem þú ekki missa af
– við sjáum um rest.
Hvernig virkar? Farðu á m.ring.is í tölvunni eða símanum þínum.
E
N
N
E
M
M
/
S
ÍA
/
N
M
4
3
9
9
1
Í boði fyrir alla
Ring viðskiptavinir borga ekkert aukagjald fyrir umferð í gegnum
m.ring.is en streymi á tónlist telur sem 3G niðurhal. Viðskiptavinir
annarra fjarskiptafyrirtækja greiða sínum þjónustuaðila fyrir
gagnaumferð skv. þeirra verðskrá.
SJÁVARÚTVEGUR Jón Bjarnason, land-
búnaðar- og sjávarútvegsráðherra,
sagði í ræðu sinni á aðalfundi
Landssambands smábátaeigenda
í gær að hann myndi leggja til að
kvóti í mörgum af helstu nytjastofn-
um yrði aukinn og veiðiheimildirn-
ar boðnar til leigu gegn gjaldi. Vís-
aði hann til fyrirkomulags á leigu
skötuselskvóta í því sambandi.
„Í framkvæmd þykir vel hafa
tekist til og mun ég því leggja til að
ráðherra hafi heimild til að úthluta
ákveðnu magni af þorski, ýsu, ufsa,
gullkarfa og íslenskri sumargots-
síld til skipa sem hafa veiðileyfi.
Útgerðir munu þurfa að greiða til-
tekið sanngjarnt gjald fyrir afla-
heimildirnar sem renna mun í rík-
issjóð eða til tiltekinna verkefna,“
sagði Jón í ræðu sinni.
Friðrik J. Arngrímsson, fram-
kvæmdastjóri LÍÚ, minnir á orð
ráðherra varðandi leigu á skötu-
selnum. „Ég man ekki hvort ég
hef heyrt Jón Bjarnason segja það
tuttugu eða þrjátíu sinnum að skötu-
selsmálið sé algjörlega sérstakt mál
og hafi ekkert fordæmisgildi. Það
er sérstakt og í raun grafalvarlegt
að það sé ekki orð að marka það sem
kemur frá sjávarútvegsráðherra.“
Friðrik segir augljóst að verið
sé að hrinda fyrningarleiðinni svo-
kölluðu í framkvæmd, þvert á nið-
urstöðu samráðshóps sem Jón skip-
aði og skilaði niðurstöðum nýverið.
Þar var nokkuð eindregið mælt með
annarri leið; samningsleið.
Breytingar boðar Jón í frum-
varpi sem lagt verður fyrir þingið
fyrir jól. Engar upplýsingar liggja
fyrir um hversu mikið hann hyggst
mæla með að kvóti verði aukinn í
einstökum tegundum. - shá
Framkvæmdastjóri LÍÚ segir ekki orð að marka það sem frá Jóni Bjarnasyni sjávarútvegsráðherra komi:
Ráðherra boðar leigu á þorsk- og ýsukvóta
FUNDAÐ Hér ræðir Jón Bjarnason við
Friðrik J. Arngrímsson og Adolf Guð-
mundsson, formann LÍÚ, á aðalfundi
samtakanna í fyrra. FRÉTTABLAÐIÐ/GVA
SAMFÉLAGSMÁL Síðustu forvöð
til að kaupa bleiku slaufuna eru
í dag, en með því er hægt að
styrkja baráttuna gegn
krabbameinum kvenna.
Þó að söluátakinu
ljúki á morgun mun
árvekniátak um
brjóstakrabba-
mein standa út
októbermán-
uð. Sala hefur
gengið vel, að
sögn Ragnheið-
ar Haraldsdóttur,
forstjóra Krabbameinsfélags-
ins. „Við erum nálægt takmarki
okkar, sem er að selja 50 þúsund
slaufur, en vantar rétt herslu-
muninn. Við hvetjum því þá sem
hafa ekki náð að tryggja sér
slaufu að kaupa hana áður en sölu
lýkur.“ - þj
Sölu á bleiku slaufunni lýkur:
Takmarkinu
næstum náð
SVEITARSTJÓRNARMÁL „Ef marka
má fjárlög við fyrstu umræðu
er óhætt að segja að skilaboðin
eru skýr. Fyrir
margar stofnan-
ir og heilu sam-
félögin verður
árið 2011 miklu
meira en erf-
itt. Það verður
hræðilegt fyrir
ákveðin sam-
félög,“ sagði
Halldór Hall-
dórsson, for-
maður Sambands íslenskra sveit-
arfélaga, í ræðu sinni við upphaf
fjármálaráðstefnu sambandsins
í gær.
Halldór segir það liggja fyrir
að tekjustofnar sveitarfélag-
anna skerðist um átta milljarða
króna á næsta ári ef fjármála-
frumvarp ríkisstjórnarinnar
tekur ekki grundvallarbreyting-
um. Það sé jafnframt óeðlilegt
að ríkið nýti sér yfirburði fram-
kvæmdar- og lagasetningarvalds
síns til að ásælast tekjustofna
sveitarfélaga.
„Við gætum lækkað þessa átta
milljarða um 2,4 milljarða ef ríkið
væri ekki að taka frá okkur tekju-
stofna eins og aukaframlag Jöfn-
unarsjóðs og vegna hækkunar
tryggingargjalds. Þá stæðu eftir
5,6 milljarðar sem við verðum að
mæta með niðurskurði. Það getum
við ekki vegna þess að við erum
búin að skera niður það sem mögu-
legt er án þess að breyta lögum og
reglugerðum.“
Halldór segir einu raunhæfu leið-
ina til niðurskurðar vera í gegnum
grunnskólann en þar standi kenn-
araforystan meðal annars í vegin-
um. „Við erum að kalla eftir því að
ríkið taki afstöðu. Að ríkið vinni
að laga- og reglugerðarbreyting-
um svo við getum hagrætt. Ef það
gerist ekki munu verri hlutir ger-
ast en að stytta skólaárið um tíu
daga sem enginn finnur mikið
fyrir.“ Þar vísar hann til þess að
uppsagnir starfsfólks hjá sveitar-
félögunum hafa litlar sem engar
verið til þessa.
Halldór kallar eftir því að sam-
skipti ríkis og sveitarfélaga verði
að bæta. „Við kvörtum ekki undan
samskiptunum. Þetta er gott fólk
og allt það. En hvað varðar hag-
ræðingu í rekstri þá hefur ekkert
gerst.“
Þau skilaboð Halldórs að niður-
skurður til heilbrigðisstofnana á
landsbyggðinni þýði skipbrot við-
komandi byggðarlaga verða ekki
misskilin. „Þarna er verið að skerða
grunnþjónustu afar harkalega og
því verðum við að geta leyft okkur
að ræða aðrar leiðir. Það verður að
mega að ræða listamannalaun og
eftirlitsstofnanir. Fiskistofa og Fjár-
málaeftirlitið kosta tvo milljarða á
næsta ári. Ég get haldið svona áfram
en er einfaldlega að benda á að þar
er margt sem kostar mikla peninga
og er ekki endilega grunnþjónusta.“
svavar@frettabladid.is
Ríkið nýtir yfirburði
gegn sveitarfélögum
Formaður Sambands sveitarfélaga segir ríkið nota framkvæmdar- og lagasetn-
ingarvald til að ásælast tekjustofna sveitarfélaga. Hann krefst bættra samskipta
og raunverulegs samráðs um niðurskurðinn sem er fram undan.
MÓTMÆLI Í NESKAUPSTAÐ Á milli 80-90 manns missa vinnuna í Neskaupstað að
óbreyttu. Sá fjöldi er hér táknaður í mótmælastöðu á sunnudag. MYND/KSH
HALLDÓR
HALLDÓRSSON
Hefur þú fylgst með björgun
námuverkamannanna í Síle?
JÁ 80,4%
NEI 19,6%
SPURNING DAGSINS Í DAG:
Hefur þú keypt þér nýtt raftæki
á þessu ári?
Segðu skoðun þína á visir.is
Tvö prósent upp í kröfur
Rétt um tvö prósent, tæpar 4,7
milljónir króna, fengust upp í tæplega
226,8 milljóna króna kröfur í þrotabú
Útgerðarfélagsins Njarðar á Dalvík.
Búið var tekið til gjaldþrotaskipta með
úrskurði Héraðsdóms Norðurlands
eystra í febrúarlok 2008. Skiptum lauk
22. september síðastliðinn.
Ekkert upp í fjóra milljarða
Engar eignir fundust í þrotabúi Palla-
díum ehf., félags Hjörleifs Þórs Jakobs-
sonar. Kristinn Hallgrímsson hæsta-
réttarlögmaður var stjórnarmaður og
prókúruhafi. Lýstar kröfur námu 4.032
milljónum króna. Félagið var tekið til
gjaldþrotaskipta 17. maí síðastliðinn,
en skiptum var lokið 25. ágúst.
GJALDÞROT
FJÁRMÁL Gylfi Arnbjörnsson, for-
seti Alþýðusambands Íslands,
segir að frysting persónuafslátt-
ar sé ekkert annað en dulin skatt-
hækkun sem bitni verst á lág-
tekjufólki. Ekki sé verið að hækka
skatta um 11 milljarða eins og
fram kemur í fjárlagafrumvarp-
inu heldur um 19 millljarða.
Í fjárlagafrumvarpinu er gert
ráð fyrir því að skattahækkan-
ir skili ríkissjóði ellefu millj-
örðum króna á næsta ári. Í raun
má nærri tvöfalda þessa tölu því
ekki stendur til að hækka per-
sónuafslátt sem þýðir að skattar
á almenning hækka um átta
milljarða.
Gylfi segir að hér sé um óbein-
ar skattahækkanir að ræða. - hks
ASÍ um skattahækkanir:
Dulin hækkun
í frumvarpinu
MENNING Fréttablaðið gefur les-
endum 200 miða á söngleikinn
um Dísu ljósálf sem frumsýndur
verður í Austurbæ laugardaginn
23. október.
Áhugasamir lesendur skulu
mæta í Austurbæ við Snorrabraut
klukkan 12 á hádegi í dag. Fyrstu
hundrað sem mæta fá tvo miða
sem gilda á sýninguna sunnudag-
inn 24. október.
Sýningin er ætluð öllum sem
eru börn í hjarta og vilja endur-
nýja kynnin við þessa skemmti-
legu, spennandi og á köflum
grimmu sögu.
Með helstu hlutverk fara Álf-
rún Helga Örnólfsdóttir og Steinn
Ármann Magnússon. Leikstjóri
er Páll Baldvin Baldvinsson og
Gunnar Þórðarson sér um tón-
listina.
200 miðar á Dísu ljósálf:
Fréttablaðið
býður í leikhús
GYLFI ARNBJÖRNSSON Segir skatta-
hækkanir nítján milljarða, ekki ellefu.
FRÉTTABLAÐIÐ/GVA
KJÖRKASSINN