Fréttablaðið - 15.10.2010, Blaðsíða 26

4
Lokahönd var lögð á hleðslu fimm
metra hárrar vörðu sem trónir á
toppi Hlíðarfjalls 11. september síð-
astliðinn og fékk hún heitið Harðar-
varða. Það voru 28 félagar í göngu-
klúbbnum 24x24 sem áttu heiðurinn
að hleðslunni.
„Hörður Sverrisson sem varðan
er nefnd eftir er búinn að vera við-
loðandi fjallið og hefur starfað þar
í sextíu ár sem skíðamaður, skíða-
kennari og lyftuvörður. Hann var
búinn að hamra á okkur í tíu ár með
að byggja þessa vörðu vegna þess
að Hlíðarfjall er svo slétt að ofan
að þar vantaði kennileiti til þess að
fá fólk þangað upp. Okkur þótti því
tilvalið að varðan fengi hans nafn,“
segir Ragnar Sverrisson einn félag-
anna í klúbbnum sem reisti vörðuna
og bróðir Harðar.
Ragnar segir að svona háar vörð-
ur sé hvergi að finna á fjöllum á
Íslandi. „Við ætluðum fyrst að hafa
hana svona þriggja metra háa en
títtnefndur Hörður lét hvorki laust
né fast fyrr en við ákváðum að hafa
hana fimm metra svo hún sæist vel
frá bænum, sem hún gerir.“
Vinnan við vörðuna hófst í ágúst á
síðasta ári. „Við fórum þá tvær helg-
ar til þess að safna grjóti um allt
fjallið og ætluðum svo að klára þetta
seinni partinn í september. Þá gerði
hins vegar ofsaveður svo við náðum
ekki að klára þetta fyrr en í haust
og fóru þrjár helgar í þetta. Tómas
Júlíusson, garðyrkjumaður, hleðslu-
meistari og einn úr hópnum, stjórn-
aði verkinu. Í þessa vörðu og lítinn
garð sem við hlóðum við hliðina
á, til þess að skafi frá henni þegar
snjóar í norðanátt, fóru um 70 tonn
af grjóti sem við bárum í höndun-
um. Mikil vinna en bara gleði fyrir
fólk sem er í þessu fjallabrölti eins
og við að standa í þessu.“
Um fjörutíu manns gengu upp
að vörðunni um síðustu helgi í
blíðskaparveðri og skráðu sig
í gestabók sem er geymd inni í
vörðunni að sögn Ragnars. „Alls
eru um 100 manns búnir að skrifa
í gestabókina og nánast ekkert
af þessu fólki hefði farið þarna
upp nema út af vörðunni. Hún er
hvatning til Akureyringa og gesta
þeirra að hreyfa sig.“
emilia@frettabladid.is
Hvatning til hreyfingar
Á toppi Hlíðarfjalls á Akureyri hefur verið reist myndarleg varða. Það voru félagar í klúbbnum 24x24 sem
reistu vörðuna. Þeir hafa verið að ganga á 24 fjallatoppa í Glerárhringnum á 24 tímum.
AKUREYRI
MYND/ÚR EINKASAFNI
Ragnar ásamt syni sínum
Ragnari Þór og öðrum
félögum í klúbbnum
24x24 við vörðuna á
meðan vinna við hana
stóð sem hæst.
Samráð um markaðsmál og
hönnun tekur að sér markaðs-
mál hinna ýmsu fyrirtækja.
Fyrirtækið Samráð um markaðs-
mál og hönnun, sem er til húsa í
menningarhúsinu Hofi á Akur-
eyri, var stofnað á vormánuðum
en það sér um markaðsmál fyr-
irtækja sem til þess leita. „Fyrir-
tæki geta úthýst markaðsmálum
sínum til okkar og hefur starfsem-
in gengið vonum framar,“ segir
Fjóla Björk Karlsdóttir sem rekur
stofuna í samvinnu við Ingu Björk
Svavarsdóttur. „Við vinnum fyrir
fyrirtæki af öllum stærðum og
gerðum og getum ýmist séð alfar-
ið um markaðsmálin eða verið
viðbót við markaðsdeildir stærri
fyrirtækja. Við erum í samstarfi
við Birtingarhúsið og getum því
útbúið herferðir á landsvísu fyrir
hvern sem er hvar sem hann er á
landinu,“ segir Fjóla.
Meðal viðskiptavina Samráðs
eru Leikfélag Akureyrar, Sin-
fóníuhljómsveit Norðurlands og
veitingahúsið Greifinn. Nýlega
fór stofan svo að bjóða fyrirtækj-
um áskrift. „Þá er greitt ákveðið
mánaðargjald í tólf mánuði og á
meðan hefur viðkomandi fyrirtæki
aðgang að þjónustu okkar í ákveð-
ið marga tíma á ári. Þetta er að
mínu viti nýjung á markaði og ég
veit ekki um önnur fyrirtæki sem
bjóða sams konar þjónustu,“ segir
Fjóla. Hún segir stefnt að því að
opna stofu í Reykjavík innan tíðar.
- rat, ve
Taka að sér
markaðsmál
Fjóla Björk og Inga Björk opnuðu á
Akureyri í vor og ætla að færa út kvíarn-
ar innan tíðar. MYND/HEIDA.IS
Shanghai-akademían frá Mols í Danmörku sækir Dalvík og Akureyri
heim um helgina. Hana skipa þrjátíu ungmenni og samanstanda sýning-
ar þeirra af tónlist, leikatriðum og söng. Öllum krökkum og ungmennum
sem sækja félagsmiðstöðvarnar og Ungmennahúsið er boðið frítt á sýn-
ingu hópsins sem verður haldin í Ketilhúsinu klukkan 16 sunnudaginn
17. október. Sjá nánar á www.akureyri.is
· fiskvinnsla frá árinu  ·
Saltfiskurinn frá Ekta fiski
er unninn með gömlu
íslensku handbragði og er
án allra aukefna.
Sérútvatnaði saltfiskurinn er
sérstaklega hentugur í seiðandi
saltfiskrétti og fæst í verslunum
um allt land.
Hafðu samband!
Þessi gamli góði
466 1016
www.ektafiskur.is
PÖNTUNARSÍMI:
10
18
9A
B
LE
K
- w
w
w
.b
le
kh
on
nu
n.
is
Alhliða þjónusta á sviði
markaðsmála og hönnunar
Áskriftarleiðir Samráðs:
· Markaðsstjórinn þinn
· Stóri markaðsstjórinn
· Litli markaðsstjórinn
www.samrad.is · 461 2400
· Sér markaðsdeild fyrir fyrirtækið þitt
· Hámarksárangur fyrir lágmarkskostnað
· Aðgangur að tengslaneti og þekkingu
– sveigjanleiki sem borgar sig
Stapi – gisting býður uppá gistingu í 2ja herbergja rúmgóðri íbúð
(2-6 + manns) á fjölskylduvænum stað í þorpinu á Akureyri.
Stór og góður garður er við húsið. Gæludýr eru velkomin til okkar.
Athugið með verðtilboð á heimasíðu okkar.
Stapi-Gisting
Stapasíðu 12 603 Akureyri
Sími 691-5520
Tölvupóstur gudrun@stapigisting.is
Heimasíða www.stapigisting.is
Stapi-Gisting
Þú færð Fréttablaðið á kostnaðarverði
á 90 stöðum um land allt.
Nánari upplýsingar á
visir.is/dreifing