Fréttablaðið - 15.10.2010, Side 8

8 15. október 2010 FÖSTUDAGUR
1. Af hverju hætti Eva Joly sem
ráðgjafi sérstaks saksóknara?
2. Hvaðan kemur sandur í nýjan
strandblaksvöll í Neskaupstað?
3. Hversu hátt hlutfall heimila
landsins er yfirveðsett?
SVÖR
1. Hún ætlar að einbeita sér að
forsetaframboði sínu fyrir Græningja
í Frakklandi. 2. Frá Póllandi. 3. Eitt af
hverjum fimm.
Vertu með röðina
í beinni í símanum
Taktu stöðuna á m.ring.is áður en þú leggur í hann.
Ring myndavélar við helstu tónleikastaðina á Airwaves sýna þér
ástandið svo þú eyðir sem minnstum tíma í röð.
Hvernig virkar? Á upplýsingasíðum um hvern stað á m.ring.is
er hlekkur á myndavélarnar.
E
N
N
E
M
M
/
S
ÍA
/
N
M
4
3
9
9
2
Í boði fyrir alla
Ring viðskiptavinir borga ekkert aukagjald fyrir umferð í gegnum
m.ring.is en streymi á tónlist telur sem 3G niðurhal. Viðskiptavinir
annarra fjarskiptafyrirtækja greiða sínum þjónustuaðila fyrir
gagnaumferð skv. þeirra verðskrá.
REYKJAVÍK Veruleg óánægja er innan Félags
kráareigenda með skort á samráði við
ákvarðanatöku Reykjavíkurborgar um stytt-
ingu á afgreiðslutíma áfengisveitingastaða.
Félagar í Félagi kráareigenda, sem var
stofnað árið 2007, eru veitingamenn í miðbæ
Reykjavíkur. „Við sjáum ekki alveg hverju
þetta á að breyta,“ segir Guðfinnur Sölvi
Karlsson, eigandi Priksins. „Hætta allir að
lemja fólk eftir hálffimm?“
Samþykkt var á fundi Borgarráðs Reykja-
víkur á miðvikudag að afgreiðslutími áfeng-
isveitingastaða í miðborginni, þar sem
heimilaður hefur verið lengri veitingatími
áfengis um helgar, yrði styttur um klukku-
stund í tveimur áföngum. Um næstu áramót
verður afgreiðslutíminn styttur um hálf-
tíma, til klukkan 5 um morgunn og svo aftur
um hálftíma að sex mánuðum liðnum, til
klukkan 4.30. Að ári liðnu á svo að fara yfir
reynsluna af breytingunni og leggja mat á
áhrif hennar.
Einar Örn Benediktsson, borgarfulltrúi
Besta flokksins, segir samþykktina rökrétt
framhald vinnu í nefnd um endurskoðun
opnunartíma skemmtistaða. „Um málið var
gerð skýrsla og fullt af aðilum sem voru til
boðaðir voru til samráðs. Síðan varð ofan á
að gera þetta svona,“ segir hann.
Kormákur Geirharðsson, veitingamaður
á Ölstofu Kormáks og Skjaldar, segir þessa
ákvörðun um styttingu afgreiðslutíma ef til
vill vera næst því sem veitingamenn geti
mögulega sætt sig við. Um leið kveður hann
ráðist að vandamálinu á röngum stað með
því að einblína á afgreiðslutímann.
„Vandamálið er að löggæsla hefur snar-
minnkað í miðbænum,“ segir Kormákur og
kveður fólk munu halda sér vakandi sjálft
eins lengi og það vilji, hvar sem það aftur
verði. „Ef framtíðin er að koma þessu aftur í
heimahúsin, þá verður bara svo að vera.”
Guðfinnur tekur í svipaðan streng. Hann
segir ýmis teikn á lofti um jákvæðari þróun
skemmtanahalds inni á veitingastöðunum,
en telur ólíklegt að fólk hætti að slást eða
láta illa þótt stöðum sé lokað fyrr. Hann
kallar eftir enn meira samstarfi við Félag
kráareigenda við að koma á úrbótum, enda
þekki fáir jafn vel við hvað sé að eiga.
olikr@frettabladid.is
Hefðu viljað meira samstarf
Forsvarsmenn Félags kráareigenda segjast ekki átta sig á því hverju breyttur afgreiðslutími vínveitingastaða
í miðborg Reykjavíkur eigi að skila. Markaðsátak um bætta skemmtanamenningu hefði verið vænlegra.
Með samþykkt borgarráðs á styttri afgreiðslutíma veitingastaða fylgdi bókun Besta
flokksins um að áfengisstefnu vantaði í borgina og bent var á að um bann við reyk-
ingum á vínveitingastöðum ríkti almenn ánægja. „Liggur því við að næsta rökrétta
skref verði að banna áfengi inni á þessum stöðum, þar sem áfengisneysla hefur
margar og alvarlegar afleiðingar í för með sér,“ segir þar.
Einar Örn Benediktsson borgarfulltrúi, sem lagði fram bókunina, segist með
henni hafa viljað ýta undir umræðu um hvers konar skemmtanamenningu fólk
vilji í borgina. Nú sé raunin sú að obbi fólks mæti í miðbæinn eftir miðnætti og
skemmti sér svo fram á morgun. „Sumir staðir eru opnir frá 12 á hádegi og því opnir
18 tíma á sólarhring. Þetta er ábending um að kíkja á hvernig þessum málum er
háttað yfirhöfuð,“ segir Einar og veltir fyrir sér af hverju sé til dæmis ekki meira um
hverfiskrár. „Af hverju getur fólk ekki drukkið nálægt heimili sínu í stað þess að fara í
miðborgina? Af hverju er ekki einhver svona „Gubbað í garðinn heima“ stefna?“ veltir
hann fyrir sér og kveðst um leið hafa efasemdir um ágæti hugmynda í þá veru að láta loka stöðum fyrr í
miðbænum, en leyfa að hafa opið lengur í iðnaðarhverfum og á hafnarsvæðum.
EINAR ÖRN
BENEDIKTSSON
Gubbað í garðinn heima!
FUNDAÐ UM NÆSTU SKREF Guðfinnur Sölvi Karlsson, eigandi Priksins, og Ófeigur Friðriksson, eigandi Hverfisbars-
ins, funduðu í gær um samþykkt borgarráðs. Þeir eru í forsvari fyrir Félag kráareigenda. FRÉTTABLAÐIÐ/VILHELM
SVEITARSTJÓRNIR Fulltrúar Sjálf-
stæðisflokks í bæjarstjórn Hafnar-
fjarðar segja það skyldu bæjar-
yfirvalda að efna sem fyrst til
nýrrar íbúakosningar um deili-
skipulagsbreytingu sem gera
myndi álverinu í Straumsvík kleift
að stækka í 460 þúsund tonn.
Þeir benda á að liðið sé á annað
ár síðan tilskilinn fjöldi bæjar-
búa hafi óskað eftir íbúakosningu
um málið.
Bæjarfulltrúar meirihluta
Samfylkingar og Vinstri grænna
segja hins vegar mikilvægt „að
vinna að víðtækri sátt um stöðu
álvers Rio Tinto Alcan í Straums-
vík í stað þess farvegs átaka sem
það hefur verið í of lengi“. - gar
Krefjast álverskosningar:
Bæjaryfirvöld
efni skyldu sína
ÁLVERIÐ Í STRAUMSVÍK Íbúar Hafnar-
fjarðar felldu árið 2007 að Alcan fengi
að stækka verksmiðju sína verulega.
NEYTENDAMÁL Tæplega fjórðungs
verðmunur reyndist vera á matar-
körfunni þegar verðlagseftirlit
ASÍ kannaði verð í matvöruversl-
unum síðastliðinn þriðjudag.
Vörukarfan var ódýrust í
Bónus þar sem hún kostaði
6.879 krónur, 85 krónum dýrari
en í Krónunni. Vörukarfan var
dýrust í Nóatúni, kostaði 8.469
krónur. Lítill verðmunur var á
milli Kosts, Samkaupa Úrvals og
Nóatúns en karfan var 20-23 pró-
sentum dýrari þar en í Bónus og
Krónunni.
Ný verðkönnun ASÍ:
23% munur á
matarkörfunni
FERÐAIÐNAÐUR Samtök ferðaþjón-
ustunnar (SAF) fagna áformum
íslenskra og erlendra flugfélaga
um aukið framboð í flugi til
Íslands, segir í tilkynningu.
„Til þess að nýta slík tæki-
færi sem best þarf mikla mark-
aðssetningu á erfiðum alþjóða-
markaði,“ segir þar. „Til að ná
sem bestum árangri í markaðs-
setningu Íslands þurfa bæði rík-
isvaldið og fyrirtækin í grein-
inni að leggjast sameiginlega á
árarnar. Þeir fiska sem róa!“
- óká
Þeir fiska sem róa segja SAF:
Fyrirtæki og
ríki leggist á eitt
VERSLUN „Mér þykir alverst að það
var rokið í að grafa þennan skurð
án þess að láta okkur vita áður,“
segir Símon Sverrisson, kaup-
maður í minjagripaversluninni
Eureka-art á Laugavegi 8.
Verktaki á vegum Orkuveitu
Reykjavíkur gróf skurð fram-
an við Laugaveg 8 á miðvikudag.
Verið er að endurnýja heimæð
fyrir Laugaveg 6. Viðskipta-
vinir Eureka-art þurfa nú að
ganga yfir trébrú til að komast
í búðina.
„Þetta er gert á mjög vondum
tíma því síðasta stóra ferða-
mannahelgin er núna,“ segir
Símon og vísar til þess að tón-
listarhátíðin Airwaves sé hafin
og hana sæki jafnan mikill fjöldi
erlendra gesta.
„Við upphaf verksins láðist
starfsmanni OR að láta eigend-
ur í húsi númer 8 vita. Var beð-
ist velvirðingar á því í morgun.
Það voru sem sé mistök af hálfu
OR að láta ekki vita, en það vilj-
um við alltaf gera,“ sagði Eiríkur
Hjálmarsson, upplýsingafulltrúi
Orkuveitunnar, síðdegis í gær.
Framkvæmdum ætti að ljúka
fyrir hádegi í dag. - gar
Kaupmaður á Laugavegi argur yfir framkvæmdum án fyrirvara á vondum tíma:
Skurður fælir Airwaves-viðskipti frá
SÍMON SVERRISSON Kveðst hafa glímt
við jarðvegsflutninga á vörubílum í vor
og nú spilli skurðgröftur fyrir honum
viðskiptum. FRÉTTABLAÐIÐ/VILHELM
VEISTU SVARIÐ?