Fréttablaðið - 30.10.2010, Blaðsíða 10
30. október 2010 LAUGARDAGUR
Fyrirtækjaráðgjöf Íslandsbanka hf. hefur verið falið að annast formlegt söluferli sem
lýtur að sölu á eignarhlut Íslandsbanka í Sjóklæðagerðinni sem er 33,33334% af
útistandandi hlutafé félagsins.
Sjóklæðagerðin hf. - 66°NORÐUR er eitt elsta framleiðslufyrirtæki Íslands. Árið 1926
hóf fyrirtækið framleiðslu á sérstökum hlífðarfatnaði fyrir sjómenn og fiskverkunar-
fólk á norðurslóðum en seinna bættist við vörulínu fyrirtækisins vinnufatnaður fyrir
fólk í landi. Rætur fyrirtækisins liggja því í framleiðslu sjó- og vinnufatnaðar. Í dag er
hönnun og framleiðsla útivistarfatnaðar kjarninn í starfsemi fyrirtækisins en fyrirtækið leggur mikið upp úr
gæðum vörunnar þar sem eingöngu eru notuð bestu fáanlegu efnin í framleiðsluna.
Nú starfa um 300 manns hjá 66°NORÐUR og fást vörur fyrirtækisins í yfir 500 verslunum í 18 löndum.
Fyrirtækið rekur 9 verslanir undir vörumerkinu 66°NORÐUR á Íslandi og eina í Lettlandi. Þar fyrir utan rekur
Sjóklæðagerðin þrjár verslanir undir vörumerkjum Rammagerðarinnar ásamt vinnufataversluninni VÍR.
Söluferlið verður opið öllum áhugasömum fjárfestum sem teljast fagfjárfestar samkvæmt lögum nr.
108/2007 um verðbréfaviðskipti eða búa yfir fullnægjandi þekkingu og reynslu, og geta sýnt fram á
eiginfjárstöðu umfram 300 milljónir króna. Seljandi áskilur sér þó rétt til þess að takmarka aðgang að
söluferlinu vegna samkeppnissjónarmiða eða í þeim tilvikum þegar fyrir hendi eru lagalegar takmarkanir á
því að fjárfestir kaupi verulegan eignarhlut í félaginu.
Áhugasömum fjárfestum er bent á að fylla út trúnaðaryfirlýsingu sem hægt er að nálgast á heimasíðu
Íslandsbanka (www.islandsbanki.is/66north2010) og skila henni til Fyrirtækjaráð-gjafar Íslandsbanka.
Sölugögn verða afhent á tímabilinu 3.-12. nóvember með rafrænum hætti á netfang sem fjárfestar tilgreina
í trúnaðaryfirlýsingu. Síðasti frestur til að skila inn trúnaðar-yfirlýsingu vegna þátttöku í söluferlinu er
föstudaginn 12. nóvember kl. 14.00.
Gert er ráð fyrir að óskuldbindandi tilboðum verði skilað til Íslandsbanka, Kirkjusandi, 155 Reykjavík, mánudaginn
15. nóvember 2010, fyrir kl. 14:00, í lokuðu umslagi merktu „Fyrirtækja-ráðgjöf/66north2010“. Þeim fjárfestum
sem leggja fram hæstu tilboðin verður boðið til áfram-haldandi þátttöku í söluferlinu. Íslandsbanki áskilur sér rétt
til þess að hafna öllum tilboðum, ef ekkert ásættanlegt tilboð er lagt fram. Þá fá fjárfestar aðgang að nánari
upplýsingum um starfsemi og fjárhag fyrirtækisins ásamt áreiðanleikakönnunum sem unnar voru af óháðum
sérfræðingum. Skuldbindandi tilboðum ber að skila inn í síðasta lagi þriðjudaginn 7. desember 2010.
Allar nánari upplýsingar um söluferlið er að finna á vef Íslandsbanka undir slóðinni
www.islandsbanki.is/66north2010.
Sjóklæðagerðin hf.
Eignarhlutur Íslandsbanka
í opið söluferli
Þú getur alltaf lesið Fréttablaðið frítt á Vísi
eða fengið sendan daglegan tölvupóst
með blaði dagsins. Nánari
upplýsingar á: visir.is/dreifing
FRÉTTABLAÐIÐ Á NETINU
BELGÍA, AP Framkvæmdastjórn
Evrópusambandsins fær nú það
hlutverk að útfæra leiðir til að tak-
ast á við skyndileg og erfið efna-
hagsvandamál í framtíðinni. Það
kerfi á að taka við af neyðarsjóðn-
um sem stofnaður var til að takast
á við erfiðleikana í Grikklandi.
Á leiðtogafundi ESB í Brussel
var samþykkt að Lissabonsáttmál-
anum yrði breytt með þetta í huga.
Angela Merkel Þýskalandskansl-
ari hrósar engu að síður sigri, því
hún barðist ásamt Nicolas Sarkozy
Frakklandsforseta fyrir því að
varanlegt fyrirkomulag yrði sett
inn í sáttmálann í staðinn fyrir
bráðalausnir þær sem grípa þurfti
til fyrr á þessu ári.
Samkvæmt nýja fyrirkomulag-
inu fær framkvæmdastjórn ESB
völd til þess að grandskoða ríkis-
fjármál aðildarríkjanna og refsa
með sektum þeim sem brjóta regl-
ur ESB um hámark fjárlagahalla.
Sektirnar verða þó ekki lagð-
ar á sjálfkrafa, eins og Merkel og
Sarkozy höfðu lagt til. Ekki verður
heldur hægt að svipta aðildar ríkin
atkvæðisrétti í ráðherra ráðinu,
enda mætti sú tillaga harðri and-
stöðu hinna leiðtogann. - gb
Tillögur Angelu Merkel og Nicolas Sarkozy mildaðar:
Sektað fyrir brot á reglum
DÓMSMÁL Sambýlisfólki á Selfossi
hefur verið gert að greiða að fullu
erlent lán sem þau tóku árið 2007.
Dómari við Héraðsdóm Suðurlands
telur óumdeilt að lánið hafi verið
í erlendri mynt og að lántakandi
hafi getað fengið upphæðina í þeim
myntum sem lánið var veitt í.
Íslandsbanki stefndi hjónunum
til greiðslu lánsins eftir að þau
hættu að greiða af því. Þau fengu
andvirði 20 milljóna króna í jap-
önskum jenum og svissneskum
frönkum lánað til 25 ára hjá Glitni
í september 2007. Lánið var greitt
inn á reikning þeirra í íslenskum
krónum og notuðu þau féð til að
fjármagna húsbyggingu.
Lánið færðist til Íslandsbanka
eftir bankahrunið. Bankinn gjald-
felldi lánið í nóvember 2008. Þá
stóð höfuðstóllinn í 39,9 milljónum
og afborganir höfðu tvöfaldast.
Í dómi Héraðsdóms Suðurlands,
sem féll í gær, segir að allir aðil-
ar hafi fallist á að lánið væri lán
í erlendri mynt. Ekki sé því hægt
að halda því fram að þar hafi
verið um að ræða um lán í íslensk-
um krónum sem bundið hafi verið
gengi erlendra mynta. Hæstiréttur
hefur komist að þeirri niðurstöðu
að slíkt sé óheimilt.
Það þótti meðal annars styrkja
þá niðurstöðu að fólkið fékk ekki
nákvæmlega 20 milljónir útgreidd-
ar. Upphæðin breyttist eftir að
skrifað var undir samninginn
vegna breytts gengis krónunnar.
Verjandi hjónanna byggði vörn
þeirra meðal annars á því að alger
forsendubrestur hefði orðið við fall
bankanna og hrun krónunnar. Á
það féllst dómarinn ekki. Í dómin-
um segir að almennar aðstæður í
íslensku efnahagslífi geti ekki tal-
ist til brostinna forsendna, enda
geti slíkt leitt til þess að allar
fjárhagsskuldbindingar standi á
brauðfótum ef breytingar verði í
efnahagslífinu.
Í dóminum segir að lántakend-
urnir hafi mátt eiga von á því að
breytingar yrðu á gengi krónunnar
þegar þau gerðu samninginn.
Dómarinn féllst því á kröfu
Íslandsbanka og dæmdi hjónin til
að greiða bankanum 39,9 milljón-
ir króna, auk 600 þúsund króna í
málskostnað. brjann@frettabladid.is
Greiða erlent
lán að fullu
Héraðsdómur hefur dæmt par til að greiða erlent
lán að fullu enda sé lánið löglegt. Dómurinn telur
sannað að samið hafi verið um lán í erlendri mynt.
JEN Héraðsdómur telur óumdeilt að
lánið hafi verið greitt út í japönskum
jenum og svissneskum frönkum, en lán-
takendur kosið að fá því skipt í krónur.