Morgunn - 01.12.1929, Qupperneq 22

148
MORGUNN
þá eitthvað sérstakt verkefni í sambandi við jörðina með
höndum, svo sem eins og Feda, sem er stjórnandi Mrs.
Leonard. En hún segist hafa verið á þeim stað, sem hún
nú er, í meira en hundrað ár og býst við að halda þessu
verki sinu áfram um nokkurn tíma enn.
Til marks um það að oft má fræðast um þá hluti, sem
mönnum leikur hugur á, segist Etta, systir síra Drayton
Thomas, eitt sinn hafa hitt Fornegypta, og af því að hún
hafði þá nýlega verið að tala um listir þeirra, hafði hún
spurt þá. hvort þeir hefðu verið svona eink.ennilega stirðir
og klunnalega vaxnir eins og flestar myndir frá tímum
þeirra sýna. Segir hún, að þeir hafi neitað því eindregið
og sagst hafa verið rétt eins og fólk er flest, og setið og
staðið eins og gengur, en alls ekki eins og myndirnar gefi
mönnum hugmynd um, en listamenn þeirra hafi ekki verið
færir um að gera myndirnar betur í þá daga. Einnig er
hægt, ef með þarf, til þess að fræða einhverja um fyrri
aldir, að endurskapa hvaða borgir eða staði sem vera skal,
eins og þær hafa litið út á ýmsum tímum, og sömuleiðis
geta þeir sem ekki hafa haft aðstöðu eða tækifæri til þess
að ferðast um fögur lönd og frægar borgir á jörðinni, séð
þá staði, sem þeir þannig hafa farið á mis við hér í lífi,
þegar þeir eru komnir í annan heim.
Þessi endursköpun á sér einnig stað á sviði minning-
anna. Segir faðir síra Drayton Thomas, að hægt sé að end-
urkalla alt, sem maður hefir orðið fyrir á jörðinni, í minn-
inu, því að nú sé alt á »einni blaðsíðu«, hið liðna jafnt því,
sem er að gerast. Ekkert gleymist, og er hægt að Iifa bók-
staflega upp aftur, ef maður vill, þær stundir lífsins, sem
ánægjulegastar hafa verið. Einnig segir hann, að hægt sé
að lifa upp atvik, sem menn fóru á mis við, eitthvað, sem
menn hafa átt kost á, en ekki hefir komist í framkvæmd,
einkum þó það, sem menn létu viljandi ganga úr greipum
sér, en létu ekki taka frá sér nauðugum og með mótþróa.
Spurði síra Drayton Thomas systur sína eitt sinn að
því, hvort þau gætu verið eins ánægð hinum megin, ef
þau vissu til þess, að vinum þeirra á jörðinni gengi eitt-