Fréttablaðið - 25.11.2010, Qupperneq 22

22 25. nóvember 2010 FIMMTUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
HALLDÓR
Á nýútkominni jólaplötu syngur Sig-urður Guðmundsson aðventukvæði
eftir Braga Valdimar Skúlason sem hefst
svona: „Á fyrsta sunnudegi aðventunnar
ég ek til kaupmannsins í einum rykk. Því
þó að fjárhirslurnar gerist grunnar ég
geri vel við mig í mat og drykk.“
Í aðdraganda aðventu og jóla viljum
við geta fyllt innkaupapoka af allskyns
gúmmelaði. Í pokana okkar rata jafnvel
hlutir sem við neitum okkur alla jafna
um, en af því að jólin nálgast gerum við
betur við okkur. Erum við til í að leyfa
öðrum að njóta með okkur og leggja
þeim lið sem hafa ekki tök á því að kaupa
inn fyrir jólin vegna þess að þau eiga
ekki fyrir mat?
Í verslunarferðum aðventu og jóla
gefst nú kostur á að setja í nauðsynjar og
matvöru í Aukapoka til að gefa þeim sem
þurfa á hjálp að halda. Um leið og við
tínum í okkar eigin poka getum við sett í
Aukapokann handa náunga okkar.
Aukapokanum komum við síðan til
Hjálparstarfs kirkjunnar. Búðirnar
Kostur, Krónan, Nettó, Bónus og Hag-
kaup á höfuðborgarsvæðinu, Akureyri
og Reykjanesbæ taka þátt í þessu hjálp-
arstarfsátaki. Þar eru körfur og stampar
til að setja aukapokana í. Hjálparstarfið
sækir þá síðan og kemur til þeirra sem
þurfa.
Aukapokinn þinn er aðalpoki þeirra
sem hafa lítið milli handanna þessi jól.
Aukapokinn er tækifæri fyrir hvert og
eitt okkar að deila með öðrum því sem
við viljum og getum, eftir okkar eigin
efnum og aðstæðum.
Kaup- og gjafmildi tilheyra þess-
um tíma árs. Með því að leyfa öðrum
að njóta hans með okkur vekjum við
von og sýnum kærleika í verki. Þannig
getur þessi dimmi tími verið gefandi og
styrkjandi fyrir okkur öll. Gerum vel
við okkur fyrir jólin og gerum vel við
náungann.
Aukapokinn er aðalpokinn
Aðventan
Árni Svanur
Daníelsson og
Kristín Þórunn
Tómasdóttir
prestar
Duglegir
Ríkissjónvarpið sagði frá því á þriðju-
dag, og hafði eftir sænska sjónvarp-
inu, að fyrirtæki athafnamannna
Kristjáns Ra. Kristjánssonar og Árna
Þórs Vigfússonar í Svíþjóð skuldaði
tæpan milljarð króna. Starfsemi
þess felst í að setja upp leikrit
og söngleiki sem vissulega er
útlátafrek starfsemi. Skuldirnar
hafa orðið til á aðeins tæpum
þremur árum en fyrirtækið
var stofnað 2008. Félag-
arnir virðast ætla að við-
halda orðspori lands
og þjóðar í útlöndum
þó skuldir þeirra séu
aðeins skiptimynt
miðað við þær sem stórmeistararnir
í faginu stofnuðu til á velmektarár-
unum.
Má ekki
Sem kunnugt er beindi flokksráð VG
því til Ögmundar Jónassonar
dómsmálaráðherra
að hann hefði
forgöngu um að
forseti Íslands léti
málsókn á hendur
nímenningunum
niður falla. Ráðherr-
ann hefur nú lýst
því yfir að lögum
samkvæmt geti
hann það ekki.
Líklegur stuðningur
Forvitnilegt verður að sjá hvernig
Ögmundur bregst við annarri ályktun
flokksráðsins, þeirri sem hvetur hann
til að tryggja að dómstólar gæti
jafnræðis við nafngreiningu afbrota-
manna í dómum. „Það er með öllu
ólíðandi að vændiskaupendur fái að
stunda glæpi sína í skjóli nafnleynd-
ar, ólíkt flestum öðrum dæmdum
afbrotamönnum,“ segir í ályktun-
inni. Líklegt er að aðstoðarmaður
Ögmundar, Halla Gunnarsdóttir,
ráðleggi honum að verða við
þessari hvatningu. Hún er
einn ötulasti fylgismaður
þess að nöfnin verði birt.
bjorn@frettabladid.isR
eglulega rata í fréttir frásagnir af misindismönnum
og margvíslegu ofbeldi þeirra. Fregnir af ítrekuð-
um ofbeldisverkum manna, sem jafnvel virðast hafa
atvinnu af hrottaskap sínum með innheimtu skulda,
kalla á spurninguna um hvort ekki sé einhver brotalöm
í því hvernig tekið er á þessum málum.
Ef sýnt hefur sig að menn hlíti ekki þeim lögum sem samfélag-
ið hefur komið sér saman um og eru hættulegir umhverfi sínu þá
veltir maður fyrir sér hvort fangelsisvist geri nokkurt gagn. Nær
væri ef til vill að vista slíka menn á réttargeðdeild og láta þá ekki
lausa fyrr en að lokinni endurhæfingu og að fenginni staðfestingu
á því að þeir séu ekki lengur hættulegir samfélaginu.
Nokkurra mánaða fangelsisvist fyrir einhverjar árásir virð-
ist í það minnsta ekki skila sínu. Í sumum tilvikum hefur verið
hægt að fylgja þessum mönnum
eftir um árabil og hafa við þá
eftirfylgni óneitanlega vaknað
spurningar um hvort um raun-
verulega betrunarvist hafi verið
að ræða.
Nokkur dæmi eru um menn
sem ratað hafa bak við lás og
slá og snúið aftur uppblásnir af
fæðubótarefnum og kraftlyft-
ingum í líkamsræktaraðstöðu viðkomandi stofnunar. Eitthvað
hefur hlutum verið snúið á haus ef fangelsi landsins geta virkað
eins og endurhæfingar- og æfingabúðir fyrir ofbeldismenn.
Raunar greip Fangelsismálastofnun til aðgerða af þessum
sökum í haust og hafa fæðubótarefni önnur en lýsi og vítamín
verið bönnuð innan fangelsismúra síðan í októberbyrjun.
Ef til vill spila fleiri þættir inn í óheillaþróunina, svo sem
aukið álag á fangelsiskerfið síðustu ár. Ekki er ólíklegt að taka
þurfi til gagngerrar endurskoðunar þau úrræði sem hér er beitt,
þótt vissulega komi nýtt gæsluvarðhaldsfangelsi til með að létta
eitthvað undir.
Fari hins vegar svo að sígi á ógæfuhliðina og þörfin fyrir fang-
elsi aukist enn gæti að minnsta kosti komið til umræðu sá kost-
ur að bjóða út fangelsisþjónustu fyrir íslenska ríkið á Evrópska
efnahagssvæðinu. Og taka í kjölfarið hagfelldasta boðinu. Vera
má að sparnaður væri af því að kaupa þjónustu af fangelsum í
Póllandi eða einhverju ríkjanna við Eystrasaltið fremur en að
halda úti starfseminni hér.
Væntanlega yrði þá skoðað í hverju tilviki fyrir sig, með hlið-
sjón af þyngd refsingar, eðli brots og fjölskylduhögum brota-
mannsins, hvort kæmi til afplánunar hér heima eða utan land-
steinanna. Erlendir brotamenn gætu þá í það minnsta afplánað
refsivist sína nær heimahögunum og ætti að rýmka um þá sem
eftir sitja, hvort heldur það er til skemmri tíma eða í gæsluvarð-
haldsvist. Svo mætti náttúrlega líka ákveða að senda alla út sem
fengið hafa lengri dóm en tólf mánaða fangelsisvist.
Með hliðsjón af fyrirferð glæpamanna og álagi á fangelsis-
kerfið er í það minnsta ekki úr vegi að ræða nýjar og nýstárlegar
leiðir í fangelsismálum.
Er örugglega betrun af vistinni?
Tvær flugur
í einu höggi?
SKOÐUN
Óli Kristján
Ármannsson
olikr@frettabladid.is
Verjum fullveldið
Skemmum ekki
stjórnarskrána
okkar
Þorstein Arnalds
á stjórnlagaþing
Auðkennistala
í kosningu 2358
Þorsteinn Arnalds 2358
Kaup- og gjafmildi til-
heyra þessum tíma árs.
Með því að leyfa öðrum að njóta
hans með okkur vekjum við von
og sýnum kærleika í verki.