19. júní - 19.06.1968, Page 11

KENNSLUMALUM
Sigríði önnu Valdimarsdóttur var falið að sjá
um þáttinn og Pálina Jónsdóttir B.A. fengin til að
taka viðtölin.
6RÚÐULEIKHÚS
Áslnug Friðriksdóttir,
kennari viö barnadeild HlíÖaskóla.
„Hvar og hvernig hefur þú kynnzt brúðuleik-
húsi og notkun þess við kennslu?“
„Um langan aldur hafa brúðuleikhús verið starf-
ra-kt í Austurlöndum. Þaðan breiddust þau út til
meginlands Evrópu. I slavneskum löndum munu
þau hafa átt miklu fylgi að fagna, en á Norður-
löndum munu þau ekki hafa náð þvi að flokkast
undir þjóðlega list.
Einhvern tíma hef ég heyrt það, að sagnaþulir
hinna norðlægu landa hafi aðeins þurft að hafa
góða frásagnargáfu til þess að halda áheyrendum
sínum föngnum, meðan vetrarstormar geisuðu úti
fyrir, en þulir sólarlandanna hafi hins vegar orðið
að grípa til ýmissa bragða til þess að halda at-
hygli áheyrenda sinna vakandi, og þess vegna hafi
brúðuleikhúsið orðið til.
Eitt er víst, að hrúðuleikhúsið vinnur á bæði
sem list og ekki síður sem kennslutæki.
Mín fyrstu kynni af brúðuleikhúsi voru í kvik-
myndahúsi fyrir mörgum árum, síðar sá ég brúðu-
leikhús Jóns E. Guðmundssonar, og undanfarin ár
hefur Margrét Björnsson komið með brúðuleikhús
sitt á jólaskemmtanir í Hlíðaskóla og sýnt börn-
um þar inn í lieim ævintýranna. Nú þegar er
þetta brúðuleikhús þekkt í sjónvarpinu.
Sem kennslutæki kynntist ég brúðuleikhúsi hjá
sænskri kennslukonu fyrir um það bil tíu árum
og varð mjög hrifin. En það eru ekki nema sex
eða sjö ár, síðan ég hóf að nota brúður við mína
eigin kennslu.“
„Hvernig býrðu til brúðurnar?“
„Brúður má búa til á margan hátt og úr ótrú-
legustu hlutum svo sem sokkum, eggjabökkum,
plastflöskum, mjólkurhyrnum, úrblásnum eggjum
og ávöxtum. Sum hörn eiga brúður sjálf.
Ég fékk Margréti Björnsson til þess að útbúa
nokkrar brúður, og eru þær eign skólans.
Komið hefur fram nýtt mótunarefni, plastika,
og hefur Margrét, sem er teiknikennari skólans,
reynzt mörgum áhugasömum nemum hjálpleg við
að móta hausa.
Handavinnukennari drengja smíðaði einfalt
brúðuleikhús fyrir skólann.“
„Hvert sækir þú efni í sýningarnar? Semja böm-
in sjálf jafnóðum söguþráðinn, eða er hann ákveð-
inn fyrirfram af þér eða börnunum?“
„Ævintýrin vilja verða vinsælust til fanga, og
verður H. C. Andersen gjarnan fyrir valinu og
ýmsar stuttar sögur, sem gott er að segja frá eða
búa til leikrit úr. Annars hef ég oft verið undr-
andi á því, hve fljót börn geta verið að semja. Sam-
töl milli tveggja eru mjög vinsæl.
Varla líður sá dagur, að ekki sé beðið um brúð-
urnar.
Það þarf að syngja, segja skrýtlur eða geta gátur.
Umferðarkennsla hefur verið ofarlega á baugi
i vetur, og hefur „Lási lögga“, sem er brúða, ver-
ið mér ómetanleg stoð. Yfirleitt sé ég um að skipu-
leggja umferðarþættina.
Ég á það til að hregða mér í gei’vi sögukonunn-
ar, og eftir svipbrigðum að dæma er ekki eins og
verið sé að tala við stokka og steina.“
Framh. á bls. 16.
19. JÚNI
9