Fréttablaðið - 17.12.2010, Síða 18

17. desember 2010 FÖSTUDAGUR
VIÐSKIPTI Hlutfallsaukning nýrra
bíla hér á landi á þessu ári er með
því mesta sem gerist meðal landa á
Evrópska efnahagssvæðinu (EES)
og hátt yfir meðaltali sem hljóðar
upp á 5,1 prósents samdrátt milli
ára. Þetta má lesa út úr nýjustu
tölum ACEA, samtaka evrópskra
bílaframleiðenda.
Nýskráðum bílum hefur mest
fjölgað á Írlandi, eða um 54 pró-
sent fyrstu ellefu mánuði þessa
árs. Hér á landi nemur fjölgunin 50
prósentum. Danir eru svo í þriðja
sæti með tæplega 40 prósenta
aukningu.
Sé einungis horft til nýskrán-
ingar bíla í nóvember er sveifl-
an milli ára þó enn meira sláandi.
Þá er um þreföldun að ræða bæði
á Írlandi og Íslandi. Nýskráning
bíla á Írlandi í nóvember í ár var
194,6 prósentum meiri en á sama
tíma í fyrra. Hér nam aukning í
nóvembermánuði árin 2009 og
2010 192 prósentum, fór úr 63
bílum í 184.
„Við hjá Öskju teljum að bílasala
á Íslandi hafi náð botninum fyrir
allnokkru. Undanfarnar vikur og
mánuði hefur verið talsverð aukn-
ing hjá okkur, bæði í fjölda tilboða
til viðskiptavina, heimsóknum í
sýningarsali og ekki síst í sölutöl-
um,“ segir Jón Trausti Ólafsson,
framkvæmdastjóri Öskju. Hann
telur þó einsýnt að næsta ár verði
langt undir því sem nauðsynlegt
sé til að halda heilbrigðri endur-
nýjun í bílaflota landsmanna.
„En ég er sannfærður um að
árið verður mun betra en 2010.“
Þá staðreynd að söluaukning
nýrra bíla er einna mest hér í sam-
anburði við aðra markaði Evrópu
rekur Jón Trausti til þess að sam-
drátturinn hafi orðið svo miklu
meiri hér en annars staðar.
Þegar horft er til Evrópusam-
bandslandanna allra kemur í ljós
að nýskráningum fækkar fyrstu
ellefu mánuði ársins um 5,7 pró-
sent og um 5,1 prósent ef horft er
til allra landa EES.
Í tilkynningu ACEA kemur
fram að allir helstu markað-
ir Evrópu hafi dregist saman.
Þannig hafi samdráttur í skrán-
ingu nýrra bíla í nóvember numið
6,2 prósentum í Þýskalandi, 10,8
prósentum í Frakklandi, 11,5 pró-
sentum í Bretlandi, 21,1 prósenti á
Ítalíu og 25,5 prósentum á Spáni.
Sé hins vegar horft til sölu frá
janúar til nóvemberloka eykst sala
á Spáni um 5,9 prósent, en sam-
dráttur er mestur á Ítalíu, 8,2 pró-
sent og í Þýskalandi, 25,2 prósent.
olikr@frettabladid.is
Nýjum bílum fjölgar
mest hér og á Írlandi
Framkvæmdastjóri Öskju telur botni í bílasölu hafa verið náð fyrir allnokkru.
Tölur bílaframleiðenda sýna að óvíða í Evrópu hefur sala nýrra bíla aukist jafn-
mikið milli ára og hér. Írar eru í fyrsta sæti, Íslendingar öðru og Danir í þriðja.
Þau lönd EES þar sem bílasala hefur mest sveiflast*
Land Jan-nóv ´10 Jan-nóv ´09 Breyting
Írland 87.988 57.151 54,0%
Ísland 2.881 1.921 50,0%
Danmörk 137.505 100.649 36,6%
Portúgal 195.321 143.627 36,0%
Svíþjóð 259.914 194.040 33,9%
........
Rúmenía 82.069 104.703 -21,6%
Þýskaland 2.685.889 3.591.611 -25,2%
Ungverjaland 40.770 55.880 -27,0%
Búlgaría 14.228 21.129 -32,7%
Grikkland 137.808 210.861 -34,6%
*Fjöldi nýrra bíla sem seldir hafa verið fyrstu ellefu mánuði 2009 og 2010 og
hlutfallsbreyting milli ára. Heimild: Samtök evrópskra bílaframleiðenda, ACEA.
SAMGÖNGUR Beygjan á Hringbraut þar sem Vega-
gerðin reisti vegrið nýlega hefur hönnunarhraða
að hámarki 50 kílómetra á klukkustund. Þar er þó
leyfður hámarkshraði 60.
Tveir hópar nemenda við Háskóla Íslands unnu að
rannsókninni í samgönguverkfræði og var leiðbein-
andi þeirra Guðmundur Freyr Úlfarsson, prófessor
í samgönguverkfræði. Vegriðið sem um ræðir var
reist til þess að draga úr slysahættu og var það gert
í óþökk borgaryfirvalda og hverfisráðs Hlíða, sem
vilja draga úr hámarkshraða á svæðinu.
Í skýrslu verkefnisins segir: „Umhugsunarvert
er að við hönnun og mannvirkjagerð hafi ekki verið
tekið meira tillit til stöðvunarsjónvegalengdar og
krappa beygjunnar. Þessar takmarkarnir á stöðvun-
arsjónvegalengd ökumanna koma einkum til vegna
plássleysis, íbúðarhús eru mjög nálægt veginum
auk þess að mikill hæðarmunur er í landslagi þar
sem vegurinn hefur verið grafinn niður.“
Umhverfis- og samgönguráð leggur til lækkun
hámarkshraða á kaflanum, með hertu eftirliti og
hraðamyndavélum. Hringbraut er skilgreind sem
þjóðvegur, eða stofnbraut, og þar með undir umsjá
ríkisins og Vegagerðarinnar. - sv
Hönnunarhraði beygjunnar á Hringbraut er 50 en leyfður hámarkshraði er 60:
Borg og hverfisráð ósátt við vegriðið
HRINGBRAUT Borgin vill lækka hámarkshraða á Hringbraut úr
60 niður í 50 kílómetra á klukkustund. FRÉTTABLAÐIÐ/GVA
KÓPAVOGUR Sögunefnd Kópavogs
segir ljóst að ekki náist það setta
markmið að ljúka á þessu ári við
ritun sögu Kópavogs frá 1980 til
2010.
Þetta kemur fram í greinar-
gerð sem lögð var fram í bæjar-
ráði vegna fyrirspurnar Gunnars
I. Birgissonar bæjarfulltrúa.
Nefndarmenn segja meðal ann-
ars heilsubrest söguritarans hafa
valdið töfum. Hann hafi í haust
skilað heildstæðu handriti verks-
ins eins og hann sjái það fyrir
sér. „Nefndarmönnum er þó ekki
launung á að verkið í heild sinni
er talsvert frábrugðið því sem við
hefðum kosið hvað úrvinnslu og
framsetningu efnisins víkur við,
og teljum því að enn sé langur
vegur í að verkið teljist tilbúið til
útgáfu.“ - gar
Sögunefnd telur langt í að Sögu Kópavogs 1980-2010 ljúki:
Frábrugðið vilja ritnefndar
KÓPAVOGUR Rita á sögu bæjarins frá
1980 til 2010.
NEYTENDUR Ný heimasíða, www.
gjafahugmyndir.is, hefur verið
opnuð til að bjóða einstaklingum
og fyrirtækjum að kynna vörur
sínar og þjónustu sem gjafir.
Fyrirtæki geta skráð vörur og
sett inn ákveðin leitarskilyrði á
hverja vöru fyrir sig, ásamt mynd.
Neytendur geta leitað eftir ýmsum
skilyrðum, svo sem skírnargjöf,
brúðkaupsgjöf, jólagjöf og fleira.
Heimasíðan er sú fyrsta sinnar
tegundar hér á landi og er það
Íslenska ljósmyndaþjónustan ehf.
sem rekur vefinn. - sv
Ný heimasíða opnuð fyrir jól:
Hugmyndir að
öllum gjöfum
BÍLABREIÐA Í nóvember í fyrra voru nýskráðir 63 bílar hér á landi. Í nóvember
síðastliðnum var nýskráning nærri þrisvar sinnum meiri, eða 184 bílar. Aukningin
nemur 192 prósentum. FRÉTTABLAÐIÐ/VILHELM