Fréttablaðið - 22.12.2010, Síða 86

22. desember 2010 MIÐVIKUDAGUR70
sport@frettabladid.is
18
DAGAR
GUNNLAUGUR HJÁLMARSSON skoraði fyrsta mark Íslands á HM þegar hann kom Íslandi í 1-0 á móti
verðandi silfurliði Tékka í fyrsta leik Íslands á HM í Austur-Þýskalandi 1958. Þetta var í eina skiptið sem Ísland var yfir í
leiknum, Tékkar skoruðu hins vegar næstu átta mörk og unnu 27-17. Leikurinn fór fram 27. febrúar 1958 í Magdeburg.
KÖRFUBOLTI Hlynur Bæringsson
hleypti heimdraganum í sumar
eftir frábært tímabil með Snæ-
felli þar sem Hólmarar unnu tvö-
falt. Hann gekk í raðir sænska
liðsins Sundsvall Dragons sem
er í toppbaráttu sænsku úrvals-
deildarinnar.
Hlyni hefur gengið vel að aðlag-
ast sænska boltanum en hann
hefur farið mikinn. Er með 15,1
stig, 12,4 fráköst og 3,5 stoðsend-
ingar að meðaltali í leik.
„Mér hefur líkað vistin frábær-
lega. Það hefur allt staðið undir
væntingum bæði innan vallar og
utan. Það er fínn styrkleiki í þess-
ari deild þó svo að það séu ekki
eintómir snillingar í henni. Munur-
inn liggur heilt yfir í því að hér eru
margir góðir leikmenn. Kanarnir
eru ekki í eins stóru hlutverki og
heima á Íslandi,“ segir Hlynur,
sem er einnig ánægður með sína
frammistöðu það sem af er.
Missti mig ekki í golfi og öli
„Það hefur gengið vel hjá mér.
Ég er töluvert minni en strák-
arnir sem ég þarf að dekka en ég
bjóst nú við því. Þrátt fyrir hæðar-
muninn hefur þetta gengið vel. Ég
reyndi líka að koma almennilega
undirbúinn til leiks. Var ekki með
neinn aumingjagang og var ekki
að missa mig í golfi og öli síðasta
sumar. Ég sinnti sjálfum mér vel
og það skilaði sér,“ segir Hlynur,
sem er atvinnumaður í íþróttinni
og segist hafa það ágætt.
„Ég myndi nú ekki segja að
maður verði ríkur af þessu en ég
get séð fyrir fimm manna fjöl-
skyldu og á smá afgang til að
leggja til hliðar. Ég get því ekki
kvartað. Það eru líka forréttindi
að fá að vera mikið heima með
fjölskyldunni enda er ég með stóra
fjölskyldu. Ég hef reynt að segja
konunni að þó svo ég sé meira
heima við þá þurfi ég að hvíla líka
en það er lítið hlustað á það,“ segir
Hlynur léttur en það er sjaldan
langt í húmorinn hjá honum.
Það er fín stemning fyrir körfu-
bolta í Sundsvall og mæta venju-
lega um 2.000 manns á heima-
leiki Dragons. Hlynur segir lífið í
Sundsvall vera gott þó svo að það
sé nokkuð kalt.
„Það voru mínus 23 gráður
hérna um daginn. Það var ekkert
spes. Maður mælir hitann með því
að anda inn um nefið. Ef nasirn-
ar festast lengi saman þá er mikið
frost,“ segir Hlynur og hlær við.
„Það er mjög fínt að hafa Jakob
og frú hér líka en við búum í sömu
blokk og það er mikill samgang-
ur á milli. Við skiptumst á að elda
og erum mikið saman. Það er afar
notalegt.“
Munurinn svipaður og á
himninum og hafinu
Þetta er í annað sinn á ferlinum
sem hinn 28 ára gamli Hlynur fer
í atvinnumennsku en hann var
áður í Hollandi. Hann segir mik-
inn mun vera á því að spila í Sví-
þjóð og Hollandi.
„Munurinn er svipaður og á
himninum og hafinu. Liðið í Hol-
landi var reyndar þokkalegt en
umgjörðin er allt önnur og betri
hér í Svíþjóð. Svíarnir gera þetta
vel og leggja mikið í þetta. Því
var ekki að heilsa í Hollandi,“
segir Hlynur sem getur vel hugs-
að sér að vera áfram í Svíþjóð.
„Ég er með svokallaðan einn
plús einn samning. Ég get kom-
ist frá liðinu í lok tímabils til liðs
í Evrópu en ef ég verð áfram á
Norðurlöndunum þá verð ég hér.
Hér er gott fyrir barnafjölskyld-
ur að vera og okkur líður vel. Ég
veit ekki hvort mér býðst eitthvað
betra þó svo ég væri vissulega til
í að prófa að búa sunnar í Evrópu.
Ég er ekkert að bíða eftir tilboði
frá liði í efstu deild á Spáni. Ég
býst því fastlega við því að vera
hér áfram,“ segir Hlynur sem sér
ekki eftir því að hafa farið til Sví-
þjóðar. „Það eina sem ég sé eftir
er að hafa ekki farið fyrr. Ég hefði
átt að vera löngu farinn.“
Hlynur mun eyða jólunum í
Svíþjóð ásamt fjölskyldu sinni
enda þarf hann að spila um jólin.
Hann stefnir engu að síður á að
vera með eins íslensk jól og hann
getur.
„Það verður lítið um jólafrí hjá
mér þar sem leik var frestað og ég
þarf því að spila á annan í jólum.
Það er sem betur fer heimaleikur
því annars hefði ferðalagið þang-
að tekið heilan dag. Það er búið að
senda okkur hamborgarhrygg og
hangikjöt ásamt mörgum lítrum
af malti og appelsíni. Þetta verð-
ur því í fínu lagi,“ segir Hlynur,
sem vill líka prófa að halda sænsk
jól. „Ég mun fara á stúfana og
athuga hvað Svíarnir borða og
svona. Maður verður að vera með
í menningunni.“
henry@frettabladid.is
Ég hefði átt að fara miklu fyrr út
Hlynur Bæringsson hefur gert það gott í sænska körfuboltanum í vetur með Sundsvall Dragons. Hann
hefur spilað vel rétt eins og liðið, sem er í toppbaráttunni. Þetta er í annað sinn sem hinn 28 ára gamli
Hlynur fer í atvinnumennsku og hann segist sjá eftir því að hafa ekki látið slag standa fyrr á ferlinum.
MEISTARI SÍÐASTA VOR Hlynur Bæringsson fagnar hér einum af mörgum sigrum Snæfells á síðasta tímabili. FRÉTTABLAÐIÐ/DANÍEL
Gott að sofa í rúminu mínu
Snæfelli hefur gengið ótrúlega vel í boltanum hér heima þó að liðið hafi
misst Hlyn og Sigurð Þorvaldsson fyrir þetta tímabil. Hlynur vill meina að
hann eigi stóran þátt í árangri Snæfells í vetur.
„Snæfell leigði af mér húsið mitt í Hólminum og þar
búa Pálmi Freyr Sigurgeirsson, Jón Ólafur Jónsson,
Sean Burton og Emil Jóhannsson. Pálmi var að
drepast í bakinu í fyrra en er allur annar eftir að hafa
komist í almennilegt rúm enda sefur hann í rúminu
mínu. Þetta er því mér að þakka,“ segir Hlynur.
„Það þýðir ekkert að núlla út mín áhrif til
Snæfellsliðsins. Ég er búinn að bjarga heilsunni
hjá Pálma og svo hafa strákarnir gott sjónvarp
til að horfa á sem léttir þeim lundina. Þeir eru
meira að segja með hundinn minn líka. Ég er
því enn að skila til Snæfells,“ segir Hlynur, sem
hefur ekki áhyggjur af húsinu. „Pálmi sér um
að halda strákunum á mottunni og ganga vel
um húsið.“
HANDBOLTI Magdeburg hefur
komið þægilega á óvart í þýsku
úrvalsdeildinni í vetur. Mark-
vörður liðsins, Hollendingurinn
Gerrit Eijlers, á stóran þátt í
gengi liðsins en hann hefur þótt
vera með betri markvörðum
deildarinnar í vetur.
Hann er aðalmarkvörður liðs-
ins í vetur en mun fá harða sam-
keppni næsta vetur er Björgvin
Páll Gústavsson gengur í raðir
félagsins.
Eijlers óttast ekki samkeppnina
heldur bíður hann þvert á móti
spenntur eftir því að fá Björgvin
til félagsins.
„Það eru margir leikir á hverju
tímabili og maður á ekki alltaf
góðan dag. Við munum bakka
hvor annan vel upp,“ sagði
Eijlers.
„Öll bestu liðin eru með tvo
góða markverði og þannig verður
það hjá okkur á næstu leiktíð.“
- hbg
Gerrit Eijlers:
Bíður spenntur
eftir Björgvini
BJÖRGVIN PÁLL Mun keppa við góðan
Hollending hjá Magdeburg.
FRÉTTABLAÐIÐ/DIENER
FÓTBOLTI Markvörðurinn Albert
Sævarsson skrifaði í gær undir
nýjan samning við Pepsi-deildar-
lið ÍBV. Samningur Alberts við
félagið gildir út næsta sumar.
ÍBV kom allra liða mest á óvart
í Pepsi-deildinni síðasta sumar og
Albert átti hugsanlega sitt besta
sumar í íslenska boltanum. Hann
varði eins og berserkur og átti
stóran þátt í frábæru gengi Eyja-
manna.
Hann var eftir mótið valinn
leikmaður ársins hjá ÍBV.
Albert, sem hefur leikið 64
leiki fyrir ÍBV, kom til liðsins
árið 2008 en lék áður með
Grindavík. Albert hefur þess
utan reynt fyrir sér í Færeyjum
með ágætum árangri. - hbg
Góð tíðindi fyrir ÍBV:
Albert búinn
að framlengja
ÖFLUGUR Albert mun verja mark Eyja-
manna áfram á næstu leiktíð.
FRÉTTABLAÐIÐ/DANÍEL
FÓTBOLTI Mótanefnd KSÍ hefur sent
frá sér fyrstu drög að leikdög-
um vegna Íslandsmótanna næsta
sumar. Eins og kunnugt er verð-
ur ekki auðvelt að púsla Íslands-
móti karla saman vegna þátttöku
U-21 árs liðsins á EM sem fer fram
í júní.
Aðeins tvær umferðir eru áætl-
aðar í júní. Þær á að spila 6. júní
og 26. júní.
Breiðablik er það lið sem líklega
verður án flestra leikmanna meðan
á EM stendur og eftir stendur sú
spurning hvort rétt sé að láta lið
sem á nokkra fulltrúa á EM spila
meðan á mótinu stendur.
Stefnt er að því að hefja Íslands-
mótið hjá körlunum hinn 1. maí og
lokaumferðin er áætluð 1. október.
Í frétt á heimasíðu KSÍ er ítrekað
að einungis sé um grunndaga að
ræða en ennþá eigi eftir að vinna
við hverja umferð fyrir sig með
tilliti til óska félaga, ferðalaga og
ekki síst sjónvarpsútsendinga.
Íslandsmótið hjá konunum hefst
á venjulegum tíma, hinn 17. maí,
og mótinu hjá konunum á að ljúka
9. september. Fyrsta umferð í
bikar keppni karla fer fram 2. maí
og önnur umferðin viku síðar. Kon-
urnar hefja síðan leik í bikarnum
hinn 21. maí.
Úrslitaleikur bikarkeppni karla
mun líklega fara fram á menningar-
nótt eins og stefnt var að að gera
með breytingum á ársþingi. Það
var ekki hægt síðasta sumar þar
sem kvennalandsleikur Íslands og
Frakklands var spilaður á menn-
ingarnótt. - hbg
Drög komin að Íslandsmótunum í knattspyrnu:
Ballið byrjar 1. maí
BYRJA Á STÓRLEIK Íslandsmeistarar Breiðabliks byrja Íslandsmótið á því að taka á
móti KR-ingum. FRÉTTABLAÐIÐ/ANTON