Fréttablaðið - 03.03.2011, Blaðsíða 2

3. mars 2011 FIMMTUDAGUR2
LÍBÍA, AP Liðsmenn Gaddafís
reyndu í gær að ná á sitt vald borg-
um í austurhluta landsins, sem
uppreisnarmenn hafa haft nánast
alfarið á valdi sínu dögum saman.
Sjálfur kom Gaddafí fram í
höfuð borginni Trípolí og hvatti
fólk í sjónvarpsávarpi til að snúast
gegn uppreisninni.
„Við munum berjast til síðasta
manns og síðustu konu,“ sagði
Gaddafí og sagði það munu kosta
þúsundir Líbíumanna lífið sendi
Bandaríkin eða Atlantshafsbanda-
lagið herlið til að blanda sér í átök-
in.
„Við munum ekki samþykkja
íhlutun eins og Ítalir voru með
áratugum saman,“ sagði Gaddafí
og vísaði til yfirráða Ítalíu í Líbíu
á fyrri hluta 20. aldar. „Við munum
ekki samþykkja sams konar íhlutun
Bandaríkjamanna. Það myndi leiða
af sér blóðugt stríð og þúsundir
Líbíumanna munu deyja ef Banda-
ríkin og NATO koma til Líbíu.“
Stuttu eftir sólarupprás í gær
birtist íbúum Brega í austurhluta
landsins fjölmennt lið stuðnings-
manna Gaddafís. Voru mennirnir
á um fimmtíu herjeppum, sumir
voru vopnaðir vélbyssum. Brega,
sem er mikilvæg olíuskipahöfn og
olíuhreinsistöð, hefur verið á valdi
uppreisnarmanna.
Í Brega er mikilvæg olíuskipa-
höfn og olíuhreinsistöð.
Liðsmenn Gaddafís náðu höfn-
inni og olíuhreinsistöðinni strax
á sitt vald ásamt litlum flugvelli.
Fámennt lið uppreisnarmanna
hafði gætt svæðisins og hörfaði
fljótt.
Einnig gerðu liðsmenn Gaddafís
loftárás á vopnageymslu í bænum
Ajdabíja, sem er skammt frá
Brega.
Þegar líða tók á morguninn
brunuðu uppreisnarmenn á pall-
bílum frá Ajdabíja og gerðu gagn-
árás á Brega, náðu flugvellinum og
olíuhreinsistöðinni fljótt á sitt vald.
Hörð átök brutust út með loft-
árásum frá liði Gaddafís, en síð-
degis flúðu stuðningsmenn hans
frá Brega. Átökin höfðu þá kostað
að minnsta kosti fimm liðsmenn
uppreisnarhópsins lífið.
Sjúkraflutningamaður sem
liðsmenn Gaddafís handtóku en
slepptu síðan aftur segir að í liðinu
hafi verið um 200 manns. Þeir hafi
komið frá bænum Sirt, fæðingar bæ
Gaddafís við Miðjarðarhafið, sem
liðsmenn Gaddafís hafa enn á valdi
sínu. gudsteinn@frettabladid.is
Barist um yfirráðin
í borgum Líbíu
Gaddafí sendi herafla sinn gegn uppreisnarmönnum í austurhluta landsins.
Gerðar voru loftárásir á tvær borgir og nokkur hundruð manna lið náði olíu-
borginni Brega á sitt vald, en hrökklaðist burt þegar líða tók á daginn.
FLÓTTAMENN VIÐ LANDAMÆRI TÚNIS Tugir þúsunda flóttamanna hafa farið til Egyptalands og Túnis og Evrópusambandið óttast
flóttamannastraum. NORDICPHOTOS/AFP
Steinþór, ætlið þið að spyrja
eigendurna spjörunum úr?
„Já, ekki spurning.“
Bókabúð Máls og menningar fór í þrot
fyrir hálfum mánuði og situr þrotabúið á
óseldum lager. Steinþór Steingrímsson
er stjórnarformaður fyrirtækisins Ekki
spurning, sem meðal annars gefur út
borðspilið Spurt að leikslokum.
SIGLINGAMÁL Norska stjórnin hefur
ákveðið að veita norsku strand-
gæslunni 110 milljónir norskra
króna til þess að standa straum
af kostnaði, sem gæti orðið vegna
hreinsunar eftir strand Goðafoss
fyrir hálfum mánuði.
Þetta eru tveir milljarðar
íslenskra króna, en Ólafur William
Hand, upplýsingafulltrúi Eimskips,
segir engar líkur á að þetta fé verði
notað til þessara verka.
„Við höfum fengið þær skýringar
að norsk stjórnvöld hafi lagt svona
ríflega í sjóð, sem er eyrnamerktur
þessu verkefni. Sá peningur verður
notaður í þetta ef til þess kemur,
en okkar tryggingafélag hefur hins
vegar fengið sérfræðinga til þess
að hreinsa þetta upp.“
Tryggingafélag Eimskips hefur
fengið alþjóðlega olíuhreinsunar-
félagið ITOPF til þess að sjá um
hreinsunarstörfin, en þetta er
félag sem er að stórum hluta í eigu
skipafélaga og hefur sérhæft sig í
að hreinsa upp eftir olíuleka.
Ólafur reiknar með að ITOPF
ljúki verkinu með sóma, svo norska
ríkið þurfi varla að leggja út í
mikinn kostnað.
„Norðmenn vilja greinilega vera
bæði með belti og axlabönd í svona
málum,“ segir Ólafur.
„Í þessum efnum getum við tekið
okkur þá til fyrirmyndar, en þeir
eru greinilega líka eitthvað betur
stæðir en við.“
- gb
Norska stjórnin leggur tvo milljarða króna til hliðar fyrir hreinsun eftir Goðafoss:
Vill hafa vaðið fyrir neðan sig
GOÐAFOSS Á STRANDSTAÐ Skipið er þessa dagana á leið til hafnar í Danmörku, en
myndin er tekin á strandstað við Noreg þegar hreinsunaraðgerðir voru að hefjast.
NORDICPHOTOS/AFP
NEYTENDUR Um helmingur þeirrar
fjárhæðar sem greidd er fyrir
bensín rennur til ríkissjóðs. Það
eru um 110 krónur á hvern lítra.
Eldsneytisverð hefur aldrei verið
hærra en það er nú og kostar
bensínlítrinn um 227 krónur og
dísilolían 231 krónur.
Ríkisstjórnin hefur ákveðið að
skipa starfshóp til að meta við-
brögðin við hækkununum.
Um 58 prósent hækkana frá
því í desember síðastliðnum eru
vegna hækkana á sköttum og
gjöldum. Fjármálaráðherra sagði
á Alþingi að ekki væri hægt að
gefa sér að hækkanirnar væru
tímabundnar. - þj, sv
Eldsneytisverð í hámarki:
Helmingur fer í
ríkiskassann
BENSÍNVERÐIÐ Í VIKUNNI Bensín á
Íslandi hefur aldrei verið jafn dýrt og
það er nú og rennur helmingur upp-
hæðarinnar til ríkisins. FRÉTTABLAÐIÐ/VILHELM
Thor Vilhjálmsson rithöfund-
ur er látinn, 85 ára að aldri.
Thor fæddist hinn 12. ágúst
árið 1925 og hefði því orðið 86
ára í ágúst
næstkom-
andi.
Eftir hann
liggur fjöl-
breytt og
mikið höf-
undar-
verk málað
sterkum
höfundar-
einkennum. Hann var einn-
ig áberandi í íslenskri bók-
mennta og þjóðmálaumræðu.
Thor hlaut margar viður-
kenningar fyrir ritstörf sín,
meðal annars bókmenntaverð-
laun Norðurlandaráðs árið
1987 fyrir Grámosinn glóir og
var nýlega sæmdur heiðurs-
doktorsnafnbót við Háskóla
íslands. Hann lætur eftir sig
eiginkonu og tvo syni.
Thor Vilhjálms-
son er látinn
STJÓRNSÝSLA Ólöf Nordal, þingkona
Sjálfstæðisflokks, segist ekki geta
fundið dæmi um það að ráðherrar
hafi fengið þvílíkar ávirðingar
eins og er að finna í skýrslu Ríkis-
endurskoðunar um Árbót.
Ríkisendurskoðun komst að
þeirri niðurstöðu í síðustu viku
að 30 milljóna króna greiðsla til
rekstraraðila meðferðarheimilis-
ins Árbótar í Aðaldal hefði verið
órökstudd.
Greiðslan var innt af hendi fyrir
tilstuðlan Steingríms J. Sigfús-
sonar fjármálaráðherra og Árna
Páls Árnasonar, þáverandi félags-
málaráðherra. Umrætt meðferðar-
heimili var rekið í kjördæmi þess
fyrrnefnda.
„Þetta er bara áfellisdómur yfir
stjórnsýslunni, því miður,“ segir
Ólöf. Hún var málshefjandi þegar
rætt var um málið á Alþingi síðast-
liðið haust.
Ólöf segir að menn hafi þá full-
yrt að gagnrýnin á málsmeðferð-
ina hafi verið sett fram án þess
að gagnrýnendur hafi kynnt sér
málið til hlítar. Skýrslan staðfesti
hins vegar að gagnrýnin hafi átt
við rök að styðjast.
„Og málsmeðferðin var mjög
slæm hjá þessum tveimur ráðherr-
um,“ segir Ólöf. - jhh
Þingkona segir skýrslu Ríkisendurskoðunar einsdæmi um ávirðingar á ráðherra:
Segir Árbótarmálið áfellisdóm
ÓLÖF NORDAL Ólöf gagnrýnir fjármála-
ráðherra og viðskiptaráðherra harðlega
vegna Árbótarmálsins. FRÉTTABLAÐIÐ/STEFÁN
UMHVERFISMÁL Díoxínmælingar
voru gerðar í sorpbrennslunni í
Vestmannaeyjum í gær. Auk díox-
íns voru tekin sýni vegna magns
ryks, kolmónoxíðs og fleiri efna í
útblæstri frá brennslunni. Greint
var frá þessu í fréttum RÚV.
Sýnin verða send til Þýskalands
til rannsóknar og munu niðurstöð-
ur liggja fyrir eftir þrjár til fjórar
vikur.
Sýnatakan er sú fyrsta eftir
endurbætur á sorpbrennslunni, en
Umhverfisstofnun áformar svipt-
ingu starfsleyfis hennar. - sv
Mælingar í Vestmannaeyjum:
Mælt vegna
díoxíns í gær
DANMÖRK Danskir ríkisborgarar
sem sómalskir sjóræningjar tóku
í gíslingu eru á lífi og segjast við
góða heilsu. Samkvæmt upplýs-
ingum danskra fjölmiðla hefur
fjölskylda fólksins rætt við sjó-
ræningjana og gíslana.
Fimm manna dönsk fjölskylda
ásamt tveimur aðstoðarmönnum
var hneppt í gíslingu eftir að sjó-
ræningjar réðust um borð í skútu
þeirra, og eru þau nú á siglingu í
átt til Sómalíu. Danskt herskip er
á leið á svæðið en mikil áhætta er
talin fylgja því að reyna að frelsa
gíslana með vopnavaldi.
Fjölskylda fólksins reynir nú að
semja um lausnargjald en dönsk
stjórnvöld eiga ekki aðild að þeim
samningaviðræðum. - bj
Ræddu við danska gísla:
Á lífi og við
góða heilsu
LÖGREGLUMÁL Einn maður er í
gæsluvarðhaldi grunaður um að
hafa stundað stórfellda sölu á
þýfi. Hátt í þrjátíu einstaklingar
eru grunaðir um að hafa keypt
af honum flatskjái, fartölvur og
önnur verðmæti sem fengust úr
innbrotum.
Maðurinn er talinn hafa notað
netsíður á borð við er.is til að
finna áhugasama kaupendur, og
haft síðan samband við viðkom-
andi og boðið þýfið til sölu.
Fimmtán hafa þegar játað að
hafa keypt þýfi á þennan hátt, og
mega þeir búast við ákæru. Lög-
regla hefur lagt hald á eitthvað af
þýfi við rannsókn. - aó
Í varðhaldi vegna sölu á þýfi:
30 grunaðir um
kaup á þýfinu
SPURNING DAGSINS