Fréttablaðið - 03.03.2011, Blaðsíða 48

3. mars 2011 FIMMTUDAGUR28
Bakarinn Ásgeir Sandholt bar höfuð
og herðar yfir aðra keppendur
þegar hann fór með sigur af hólmi í
súkkulaði keppni Barry Callebaut í
Bella Center á mánudag. Keppnin er
undankeppni Norðurlandaþjóða fyrir
hina virtu Barry Callebaut heims-
meistarakeppni í súkkulaði sem fram
fer í París í október.
„Þetta var sannarlega óvænt því
ég var plataður í þessa keppni, eftir
að vera hættur öllu keppnisstandi, en
ég lét til leiðast vegna stærðargráðu
keppninnar, en ég hef alltaf óskað
mér að komast í slíka stórkeppni,“
segir Ásgeir sigri hrósandi yfir því
að vera orðinn Norðurlandameistari
í súkkulaði, en hann var langt fyrir
ofan aðra keppendur í heildarstigum
og uppskar verðlaunin fyrir hjúpað-
an konfektmola og eftirrétt sem sló
öllum við.
„Þetta er stórsigur og notalegt að
uppskera að maður hafi hæfileika.
Mín sterkasta hlið er bragð, en þó get
ég ekki lýst bragðinu af konfektmol-
anum sem er lagskiptur og afar flók-
inn. Ætli ég útbúi ekki fáeina gullmola
til að leyfa Íslendingum að smakka á í
Bakaríi Sandholts áður en þrotlausar
æfingar fyrir heimsmeistarakeppnina
í París hefjast og skorið verður úr um
hver sé bestur í heimi í súkkulaði.“ - þlg
Var plataður í stórsigur
NORÐURLANDAMEISTARI Í SÚKKULAÐI Hér rignir gulli yfir gullverðlaunahafann Ásgeir Sandholt
á verðlaunapallinum í Bella Center á mánudag. MYND/GUNNLAUGUR ÖRN VALSSON
Sópransöngkonan Herdís Anna Jónas-
dóttir og rússneski píanóleikarinn
Semjon Skigin halda tónleika í Saln-
um í Kópavogi laugardaginn 5. mars
klukkan 15. Efnisskrá tónleikanna er
blómleg þar sem fluttir verða ljóða-
söngvar eftir Grieg, Schumann, Rich-
ard Strauss, Debussy, Rachmaninov
og fleiri. Ljóðasöngvarnir eru úr mis-
munandi heimshlutum en eiga það
allir sameignlegt að fjalla um blóm.
Herdís Anna er ein af okkar ungu
sópransöngkonum sem hafa getið
sér gott orð og má geta þess að hún
er tilnefnd til Íslensku tónlistar-
verðlaunanna sem bjartasta vonin
2010.
Herdís er fædd og uppalin á Ísafirði
þar sem hún lagði stund á fiðlu-, píanó-
og söngnám. Eftir framhaldsnám í
Listaháskóla Íslands lá leið hennar til
Berlínar þar sem hún stundaði nám
við Hanns Eisler tónlistarháskólann
hjá Brendu Mitchell og Juliu Varady.
Þaðan lauk hún námi sumarið 2010 en
stundar nú nám við sama skóla í Kon-
zertexamen-námi ásamt því að starfa
sem söngkona. Hún hefur komið víða
fram í Þýskalandi og staldrar nú við á
Íslandi með Blómatóna sína í Salnum.
Ljóðasöngvar um blóm í Salnum
HERDÍS ANNA JÓNASDÓTTIR Syngur í Salnum
á laugardag.
Konfúsíusarstofnunin
Norður ljós sýnir heimildar-
myndina Grænir hermenn í
Öskju í dag en sýningin er
liður í heimildarmyndaröð-
inni China Screen.
Myndin segir frá fimmtíu
þúsund farandverkamönn-
um í Fengjiang sem mynd-
uðu hersveit sem tekur á
málmúrgangi vestrænna
þjóða. Þeir safna allt að
tveimur milljónum tonna af
rusli ár hvert og stofna lífi
sínu í hættu við skelfilegar
vinnuaðstæður. Brotajárn-
ið safnast enn og varpar
myndin átakanlegu ljósi á
neytendasamfélagið. Sýn-
ingin hefst klukkan 17.30
í stofu 132 og er aðgangur
ókeypis.
Grænir hermenn
sýnd í Öskju
ASKJA Heimildarmyndin Grænir hermenn verður sýnd þar í dag.
Sigraðu sjálfan þig nefnist
námskeið sem haldið verður
í Manni lifandi í kvöld milli
klukkan 18 og 21. Leiðbein-
endur eru heilsuráðgjafarn-
ir Helga Marín Bergsteins-
dóttir og Matti Ósvald. Þau
munu hjálpa þátttakendum
að opna fyrir þá möguleika
sem búa í hverjum og einum
og deila með þeim því sem
reynst hefur best við að
auka gleðina, nýta hugann,
hæfileikana og tækifærin.
Matti er fólki hér á landi
að góðu kunnur sem heilsu-
ráðgjafi og nuddari. Helga
hefur starfað í Dubai síð-
astliðin 11 ár en á síð-
ustu sex vikum hefur hún
víða komið við hér á landi.
Fyrirlesturinn sem hún
heldur í kvöld er 29. í röð-
inni og sá síðasti í bili því
hún er á leið úr landi.
- gun
Nýtum hugann
RÁÐGJAFI Helga Marín er með 29. fyrirlesturinn í kvöld á sex vikum.
FRÉTTABLAÐIÐ/GVA
Elskulegur faðir okkar, tengdafaðir
og afi
Bergur Sigurpálsson
Tjarnarmýri 41,
verður jarðsunginn frá Fossvogskirkju föstudaginn
4. mars kl. 13.00. Þeim sem vilja minnast hans
er bent á Ás styrktarfélag.
Bjarni Reynir Bergsson
Sigurpáll Bergsson Hjördís Harðardóttir
Bergur Bergsson Sigrún Ólafsdóttir
og barnabörn
Elskulegur sambýlismaður minn,
fósturfaðir, sonur, bróðir, mágur
og frændi,
Jóhann Einarsson
Blikastöðum 1, Mosfellsbæ,
andaðist föstudaginn 25. febrúar 2011.
Útförin fer fram frá Fríkirkjunni í Reykjavík
mánudaginn 7. mars kl. 15.00.
Vilborg Kristinsdóttir
Kristinn Ingólfsson
Svana Ingólfsdóttir
Héðinn Þór Ingólfsson
Þráinn Ingólfsson
Einar Jóhann Jónsson
Hans Ágúst Einarsson Oddný Þóra Helgadóttir
Ingólfur Kristinn Einarsson Halldóra Tryggvadóttir
Helgi Einarsson Heiðrún Hauksdóttir
og aðrir aðstandendur.
Innilegar þakkir sendum við öllum
þeim sem sýndu okkur hlýhug og sam-
úðarkveðjur vegna fráfalls okkar kæru
móður, fósturmóður og tengdamóður
Helgu Guðrúnar
Jakobsdóttur
Ljósheimum 4.
Gréta S. Haraldsdóttir Hrafnkell Þorvaldsson
Sigrún J. Haraldsdóttir
Friðþjófur D. Friðþjófsson Jakobína Óskarsdóttir
barnabörn og fjölskyldur þeirra.
Bróðir minn
Karl B. Jónsson
Strandgötu 17 Akureyri,
lést á Sjúkrahúsi Akureyrar 23. febrúar.
Útför hans fer fram frá Höfðakapellu
mánudaginn 7. mars kl. 10.30.
Fyrir hönd fjölskyldunnar,
Hrefna Jónsdóttir.
Faðir okkar, tengdafaðir, afi og langafi
Halldór Þorsteinsson
Staðarhvammi 21, Hafnarfirði.
Útför Halldórs Þorsteinssonar er lést þann 20. febrúar
síðastliðinn verður gerð frá Hafnarfjarðarkirkju sunnu-
daginn 6. mars kl. 14.00. Jarðsett verður á Höfðabrekku
fyrir ofan Vík í Mýrdal mánudaginn 7. mars kl. 15.00.
Guðmundur Ingi Thorsteinsson
Þorsteinn Elí Halldórsson Karen Lynn Thorsteinsson
Elsa Eyrós Halldórsdóttir
barnabörn og barnabarnabörn.
Móðir okkar
Hallbera Pálsdóttir
Birkiteig 4a, Keflavík,
andaðist á Dvalarheimilinu Garðvangi þriðjudaginn
1. mars síðastliðinn. Jarðað verður í kyrrþey.
Fyrir hönd aðstandenda,
Björg, Sigrún og Þorsteinn Ólafsbörn.
Merkisatburðir
1200 Bein Jóns Ögmundssonar biskups eru tekin upp.
1879 Fyrsta konan, Belva Ann Bennett Lockwood, kemur fram
fyrir hæstarétt Bandaríkjanna.
1984 Kristján Harðarson slær 27 ára gamalt Íslandsmet í lang-
stökki og stekkur 7,79 metra.
1991 Lettland og Eistland ganga til atkvæða um sjálfstæði frá Sov-
étríkjunum.
1997 Björk Guðmundsdóttir tekur við tónlistarverðlaunum Norð-
urlandaráðs í Osló.
2005 Steve Fossett er fyrstur til að fljúga einn umhverfis jörðina
án þess að stoppa nema til þess að taka eldsneyti.