Fréttablaðið - 03.03.2011, Blaðsíða 18

3. mars 2011 FIMMTUDAGUR18
Umsjón: nánar á visir.is
Sex af tíu stærstu sveitarfélögum
landsins eru nú með öll sín fjar-
skipti hjá Vodafone. Hin fjögur
kaupa þjónustu Símans.
Töluverð samkeppni ríkir á
fjarskiptamarkaði en auk Sím-
ans og Vodafone má nefna fyrir-
tæki á borð við Nova, Tal, Alterna
og Hringdu sem berjast um hylli
neytenda.
Á fyrirtækjamarkaði er oftar
en ekki samið um heildstæða þjón-
ustu, svo sem símtæki, GSM-þjón-
ustu, hefðbundna símaþjónustu,
tölvupóst og netþjónustu. Í tilkynn-
ingu Vodafone kemur fram að fyr-
irtækið þjónusti nú mörg stærstu
fyrirtæki landsins og sex af sjö
stærstu sveitarfélögunum. Í síð-
ustu viku bættist Reykjanesbær
í þann hóp, þegar Árni Sigfússon,
bæjarstjóri Reykjanesbæjar, og
Ómar Svavarsson, forstjóri Voda-
fone, skrifuðu undir fjögurra ára
þjónustusamning. - óká
Vöxtur í sænsku efnahagslífi sló
met á síðasta fjórðungi í fyrra
þegar hann mældist 7,3 prósent.
Jafn mikið stökk á milli árs-
fjórðunga hefur ekki mælst frá
1970, að sögn sænska dagblaðs-
ins Dagens Nyheter. Hagvöxtur
yfir árið allt mældist 5,5 prósent
og hafa slíkar tölur ekki sést þar
í landi frá 1970.
Þetta er meiri vöxtur en flest-
ir greiningaraðilar þar í landi
höfðu gert ráð fyrir. Aukin
neysla sænskra heimila á mesta
hlutdeild í hagvextinum, um 2,1
prósent. Neysla jókst um 4,3 pró-
sent á milli ára í fyrra og kom
það meðal annars fram í mikilli
sölu á bílum og heimilistækjum.
Þá var þensla á vinnumark-
aði og fjölgaði bæði störfum og
vinnustundum. „Vöxtur upp á
sjö prósent hefur jákvæð sál-
fræðileg áhrif og eykur sjálfs-
traustið í sænsku efnahagslífi,
sem er mikil vægt,“ segir Annika
Winsth, aðalhagfræðingur hjá
Nordea-bankanum, í samtali við
Dagens Nyheter.
Í netútgáfu norska dagblaðsins
Aftenposten kemur fram að hag-
vöxtur í Noregi hafi á sama tíma
aukist um 0,3 prósent á milli árs-
fjórðunga og tólf mánaða hag-
vöxtur mælst 2,2 prósent í fyrra.
Meðalhagvöxtur innan aðildar-
ríkja Evrópusambandsins var 1,8
prósent á sama tíma. - pg
Hagvöxtur í Svíþjóð rauk í hæstu hæðir í fyrra þegar hann mældist 5,5 prósent:
Hefur ekki verið meiri í 40 ár
Sveitarfélag íbúafjöldi* Símafyrirtæki
Reykjavík 118.427 Vodafone
Kópavogur 30.314 Vodafone
Hafnarfjörður 25.872 Vodafone
Akureyri 17.563 Síminn
Garðabær 10.587 Vodafone
Reykjanesbær 14.081 Vodafone
Mosfellsbær 8.527 Vodafone
Árborg 7.810 Síminn
Akranes 6.555 Síminn
Fjarðabyggð 4.637 Síminn
*m.v. Þjóðskrá 1. desember 2009
Fjarskiptakaup sveitar-
félaga
Sex af tíu sveitarfélögum kaupa þjónustu Vodafone:
Töluverð samkeppni
FRÁ STOKKHÓLMI Þetta er algjör við-
snúningur frá því kreppan var sem verst,
segir aðalhagfræðingur Nordea banka
um þensluna í sænsku efnahagslífi.
Búast má við að meðalhagvöxt-
ur verði 1,6 til 1,7 prósent innan
aðildarríkja Evrópusambandsins
(ESB) á þessu ári. Þetta er 0,1 pró-
sentustigi meira en áður var gert
ráð fyrir í hagspá ESB í nóvember
í fyrra.
Framkvæmdastjórn ESB birti
uppfærða hag- og verðbólguspá á
þriðjudag. Þar kemur meðal ann-
ars fram að aðstæður í efnahags-
lífinu hafi batnað og séu horfur
aðildarríkja ESB almennt góðar.
Hún er almennt í takt við endur-
skoðaðar hagspár á fleiri hag-
svæðum sem gefnar hafa verið út
upp á síðkastið.
Samtök viðskiptahagfræðinga í
Bandaríkjunum spáðu því á dög-
unum að hagvöxtur þar í landi yrði
3,3 prósent í ár. Fyrri spá þeirra
hljóðaði upp á 2,6 prósent. Líkt og
aðrir setja þeir ýmsa fyrirvara við
spá sína. Þar á meðal geti hátt olíu-
verð og verðhækkanir á hrávöru
sett strik í reikninginn.
Í spá framkvæmdastjórnar
ESB kemur fram að búist sé við
0,6 prósenta hagvexti á þessu ári
miðað við 0,2 prósent á fjórða árs-
fjórðungi í fyrra. Gert ráð fyrir
að Þýskaland, stærsta aðildarríki
sambandsins, muni leiða lestina
með 2,4 prósenta hagvexti á árinu.
Bandaríska dagblaðið Wall
Street Journal hefur eftir Olli
Rehn, framkvæmdastjóra efna-
hags- og gjaldeyrismála hja ESB,
að eftir samdrátt á seinni hluta
síðasta árs sé almennt búist við
efnahagsbata á þessu ári. Rehn,
sem kynnt hagspá framkvæmda-
stjórnarinnar í Brussel á þriðju-
dag, sagði efnahagsbatann mis-
jafnan eftir aðildarríkjum. Nokkur
þeirra sem hafi glímt við efnahags-
örðugleika í fyrra muni gera það
enn um sinn. Þá eru fjármálamark-
aðir víða í aðildarríkjunum enn
viðkvæmir. jonab@frettabladid.is
Horfur batna innan
Evrópusambandsins
Heimshagkerfið er að rétta úr kútnum eftir niðursveiflu í á þriðja ár. Búist er
við betri hagvexti nú en áður var reiknað með. Evrópusambandið segir í nýrri
hagspá aðstæður enn erfiðar og einstök lönd muni glíma áfram við erfiðleika.
OLLI REHN Framkvæmdastjóri efnahags- og gjaldeyrismála hjá ESB segir aðildarríki
sambandsins vera að rétta úr kútnum. FRÉTTABLAÐIÐ/AP
MINNI HRUKKUR
Í KRINGUM AUGUN?
Frískar og endurnærir á áhrifa -
ríkan hátt, dregur úr þreytu-
merkjum og hrukkum í kringum
augun. Inniheldur Q10 leyndar-
málið sem finnst náttúru lega í
húðinni og vinnur gegn hrukkum.
NIVEA Q10 ANTI-WRINKLE
AUGNROLLER
NÝTT!
4.000 MILLJARÐAR KRÓNA eru erlendar eignir þjóðarbúsins. Á móti námu skuldir 13.326 milljörðum króna, samkvæmt upplýsingum sem Seðlabankinn birti í gær um erlenda stöðu þjóðarbúsins. Ef fjármálafyrirtæki í
slitameðferð eru tekin út úr tölunum er staðan við útlönd neikvæð um 434 milljarða króna.
Haldist heimsmarkaðsverð á áli
út árið eins og það er nú gætu
íslensku álverin hagnast um 38
milljarða króna aukalega miðað
við meðalverðið í fyrra.
Álverð var í gær 2.612 dalir
á tonnið á málmmarkaðinum í
London (LME) miðað við þriggja
mánaða framvirka samninga
og hefur ekki verið hærra síðan
sumarið 2008. Samkvæmt upp-
lýsingum frá LME var meðal-
verð á markaðinum 2.197 dalir á
tonnið í fyrra. Mismunurinn þar
á milli er því 415 dalir á tonnið.
Hagstofan hefur ekki upp-
lýsingar um álframleiðsluna á
Íslandi fyrir árið í fyrra en árið
2009 nam hún tæplega 814 þús-
und tonnum. Reikna má með að
framleiðslan hafi verið svipuð
eða ívið meiri á síðasta ári. Miðað
við þessar forsendur stefnir í að
hagnaður íslensku álveranna í
ár verði rúmum 38 milljörðum
króna meiri en í fyrra ef álverð
lækkar ekki mikið það sem eftir
er ársins frá því sem það er núna.
Heimsmarkaðsverð á áli hækkar enn:
Álverin gætu hagn-
ast um milljarða
ÁLVERIÐ STRAUMSVÍK Samkvæmt Hagstofunni nam álframleiðslan á Íslandi
tæplega 814 þúsund tonnum árið 2009.