Fréttablaðið - 03.03.2011, Blaðsíða 16
3. mars 2011 FIMMTUDAGUR16 16
hagur heimilanna
Bjórinn er ódýrari í ÁTVR
í dag en hann var árið 1989
og verð á skemmtistöðum
er einnig lægra ef miðað er
við þróun á vísitölu neyslu-
verðs.
Verð á bjór í vínbúðum ríkisins
hefur lækkað um rúm 32 prósent
frá árinu 1989, þegar sala á bjór
var leyfð, til ársloka 2010. Þetta
má lesa úr upplýsingum frá ÁTVR
sem hefur haldið utan um verðþró-
un á íslenskri bjórtegund af stærð-
inni 330 millilítrar, á fyrrnefndu
tímabili.
Línuritið hér til hliðar, sem unnið
er úr gögnum frá ÁTVR, sýnir
verðþróunina á umræddu tímabili.
Verð er reiknað að núvirði.
Sala á bjór í febrúar 2011 minnk-
aði um 1,6 prósent samanborið við
sama mánuð í fyrra að sögn Sig-
rúnar Óskar Sigurðardóttur á
fjárhagssviði ÁTVR. Bjórsala í
desember 2010 dróst saman um
3,8 prósent miðað við desember
2009 og í janúar 2011 um 6,4 pró-
sent samanborið við sama mánuð
árið á undan. Lækkunin í febrúar
er því í takt við þróunina undan-
farna mánuði en þó nokkuð minni.
Þriðjudaginn 1. mars var haldið
upp á 22 ára afmæli bjórsins hér á
landi. Fyrstu árin sem bjórinn var
leyfður var hann aðeins fáanlegur
í 330 millilítra dósum og þurfti að
fjárfesta í kippu því ekki var boðið
upp á kaup í stykkjatali. Kippa af
viðmiðunarbjór ÁTVR kostaði 690
krónur á verðlagi ársins 1989 eða
115 krónur stykkið.
Í umfjöllun Morgunblaðsins frá
1. mars 1989 má lesa að Löwen-
bräu og Sanitas Pilsner hafi verið
vinsælar tegundir ásamt Egils
Gulli og Tuborg. Í sömu umfjöll-
un fannst blaðamanni ástæða til
að „undirstrika, og það rækilega,
að bjór er áfengi, og það þarf að
umgangast hann sem slíkan. Bjór
og bíll eiga til dæmis aldrei sam-
leið, nema í slysi.“ Meðalverð á
stóru bjórglasi var um 920 krónur
á núvirði, sem er hærra en gengur
og gerist í dag.
Í töflunni hér til hliðar má sjá
hefðbundið verð á stórum íslensk-
um bjór, 500 millilítra bjórglasi, í
dag. Verðið miðar við álagstíma á
nokkrum skemmtistöðum á Akur-
eyri og í Reykjavík. Verðið rokkar
á bilinu 750 til 900 krónur.
Utan álagstíma geta neytendur
þó gert betri kaup. Algengt er að
bjórverð sé töluvert lægra á svo-
nefndum gleðitíma (e. happy hour)
sem stendur yfirleitt frá lokum
hefðbundins vinnudags og fram
að kvöldmat.
Bjórverð hefur lækkað
um 32% frá árinu 1989
BJÓR Bjórinn hefur lækkað um 32 prósent frá því að hann var leyfður. FRÉTTABLAÐIÐ/AFP
Bjórverð á skemmtistöðum
Skemmtistaður Verð á stórum bjór (í kr.)
Akureyri
Götubarinn 850
Kaffi Akureyri 800
Cafe Amor 900
Reykjavík
Danski barinn 800
Enski barinn 800
Nýlenduv. Hemma og Valda 750
Vegamót 800
Ölstofa Kormáks og Skjaldar 750
„Bestu bílaviðskipti sem ég hef átt var þegar ég seldi bíl
fyrir einn koss, annars eru bílakaup almennt verstu
kaup sem ég hef gert,“ segir Magnús R. Einarsson,
útvarps- og tónlistarmaður, og bætir við að hann hafi
eins og aðrir látið glepjast til að fá sér bíl. „Maður
verður háður bílnum, hann er eins og versta fíkniefni.
Svo fara menn að spegla sjálfan sig í bílnum, hann
verður stöðutákn. Þetta getur leitt menn í ógöngur.“
Magnús segir allt í sambandi við bílaeign slæmt. Hann
segist vera glataður í bílaviðskiptum; þeir hafi reynst
illa, þeir eigi það til að bila og rekstrarkostnaðurinn fari
upp úr öllu valdi. „Ég losaði mig undan þessari fíkn og
losnaði við allt stressið,“ segir Magnús. „Bestu kaupin
eru tvímælalaust hljóðfærin mín og þá sérstaklega
mandólín sem ég keypti á Írlandi. Í kjölfarið einokaði
ég mandólínmarkaðinn á Íslandi og fékk að spila
með öllum helstu tónlistarmönnum landsins.
Mandólínið er fallegt í laginu og mjög hljómfagurt,
kostaði lítið og gaf mér mikla vinnu.“
NEYTANDINN MAGNÚS R. EINARSSON ÚTVARPSMAÐUR
Seldi bíl fyrir einn koss
Móða og ský
á blóma-
vösum og
glösum eru
hvimleiðir
fylgifiskar
áralangrar
notkunar.
Hægt er
að losna
við skýjuðu
blettina.
Það má
til dæmis gera með því að fylla
vasana og glösin af vatni og bæta
ríkulegu magni af salti út í. Þá
ættu þessir gripir að verða aftur
glærir og glansandi.
GÓÐ HÚSRÁÐ
Gamlir vasar fá nýtt líf
■ Gera má vasa og glös sem ný
með salti
350
300
250
200
150
19
89
19
90
19
91
19
92
19
93
19
94
19
95
19
96
19
97
19
98
19
99
20
00
20
01
20
02
20
03
20
04
20
05
20
06
20
07
20
08
20
09
20
10
Við útreikning
á núvirði er
stuðst við hlutfall
neysluvísitölu
hvers árs og
ársins 2010.
Ve
rð
í
kr
. a
ð
nú
vi
rð
i
Verðþróun á 330 ml bjór í ÁTVR
– fylgir Fréttablaðinu á morgun
Ánægð í
háloftunum
Fegurðardrottningin Sigrún Bender er fyrsti
íslenski kvenflugmaðurinn hjá Iceland Express.
77% KÍLÓVERÐ Á KAFFI hækkaði um 77 prósent á árunum 2005 til 2010.
FRÉTTIR VIÐSKIPTI ÍÞRÓTTIR LÍFIÐ UMRÆÐAN
KOMDU Í ÖLL HELSTU
PARTÝIN MEÐ OKKUR
m.visir.is
Fáðu Vísi í símann!
Meiri Vísir.
Meira sjónvarp, meira útvarp, meiri fréttir, meiri upplýsingar,
meiri umræða, meira líf, meiri íþróttir, meiri virkni, meira úrval.
Þú færð meira af öllu á Vísi.