Fréttablaðið - 31.03.2011, Blaðsíða 16
31. mars 2011 FIMMTUDAGUR16 16
hagur heimilanna
„Ég get vel sagt þér hver voru mín
bestu kaup,“ segir Úlfar Eysteins-
son matreiðslumaður nær án
umhugsunar eftir að hafa verið
beðinn að rifja upp hvar hann hafi
gert vel og hvar hann hafi farið út
af sporinu í innkaupum um tíðina.
„Bestu kaupin voru á uppboði
hjá sýslumanni. Á vefnum hafði
ég séð mynd af stýrishúsi á bát
og fékk það á 25 þúsund krónur.
Ég hélt það væri kannski hægt
að nota þetta í garðinn handa
krökkum að leika sér í,“ segir
hann, en upplýsir um leið að svo
hafi komið babb í bátinn.
Úlfar hafði nefnilega fest kaup á
stýrishúsi á 300 tonna bát. „Síðan
frétti vinur minn einn fyrir vestan
af þessu og keypti af mér húsið
fyrir 800 þúsund krónur.“ Vinurinn
segir Úlfar að hafi líka gert góð
kaup, því hann seldi seinna stýris-
húsið á 12 hundruð þúsund og
síðan hafi húsið endað á bát á
Akranesi fyrir enn meiri peninga.
„En þetta eru nú orðin eitthvað
um fimmtán ár síðan.“
Úlfar segist hins vegar verða að
vitna aftur í tollstjóra þegar kemur
að verstu kaupunum. „Þar þarf
maður að kaupa svolítið blint og
ég keypti 50 pör af skóm, en það
var allt á annan fótinn.“ Úlfar segist
nú hafa reynt að hafa ekki hátt
um þessi slæmu kaup. „Ég reyndi
svona að finna hvort einhver hefði
keypt á hægri fótinn.
En ég fann ekkert
út úr því svo þetta
endaði bara í
ruslinu.“
- óká
NEYTANDINN: ÚLFAR
EYSTEINSSON KOKKUR
Keypti skó á
annan fótinn
Lítraverð á eldsneyti, bæði bens-
íni og dísilolíu, gæti lækkað um
28 krónur, fái frumvarp fram að
ganga sem Tryggvi Þór Herberts-
son, þingmaður Sjálfstæðisflokks,
mælti fyrir í gær.
Frumvarpið, sem sjálfstæðis-
menn á þingi flytja, felur í sér veru-
lega lækkun á olíu- og kílómetra-
gjaldi af dísilolíu og vörugjaldi af
bensíni. Samkvæmt því munu gjöld
á dísilolíu lækka úr 55 krónum á
hvern seldan lítra niður í 35 krónur
og bensíngjöld lækka úr tæplega 24
krónum niður í 4 krónur. Lækkunin
skuli ganga til framkvæmda strax
um komandi mánaðamót og gilda
til ársloka.
Hávær krafa hefur verið um að
stjórnvöld grípi inn í sífellt hækk-
andi eldsneytisverð, enda renn-
ur tæpur helmingur af útsölu-
verði bensíns í ríkissjóð í formi
bensíngjalda, kolefnisgjalds og
virðisaukaskatts. Í umræðum á
þingi ekki alls fyrir löngu sagði
Steingrímur J. Sigfússon fjármála-
ráðherra að óraunhæft væri að líta
á hækkanirnar undanfarið, sem má
að mestu leyti rekja til hækkunar
á heimsmarkaðsverði, sem tíma-
bundnar og því væri líklegra til
árangurs að skoða hvernig tekjum
ríkisins af eldsneytissölu væri
varið. Ríkisstjórnin skipaði í kjöl-
farið starfshóp um þetta mál og á
hann að skila fyrstu tillögum sínum
í næsta mánuði.
Tryggvi segir hins vegar að ýmis-
legt bendi til þess að heimsmark-
aðsverð muni fara lækkandi þegar
óvissuástand á heimsvísu dvíni.
Meðal annars sé það að ráða af
framvirku verði á bensíni á mörk-
uðum.
Hækkanirnar undanfarna mán-
uði hafa þegar haft víðtæk áhrif og
hafa ferðaþjónustuaðilar lýst yfir
áhyggjum af búsifjum vegna minni
umferðar innlendra ferðamanna á
komandi vertíð.
Hækkanirnar hafa einmitt haft
í för með sér samdrátt í umferð
um vegi landsins.
Samkvæmt Vegagerðinni hefur
umferð um Hringveginn dreg-
ist saman um rúm sex prósent á
fyrstu tveimur mánuðum ársins
og sjötíu prósent svarenda könn-
unar MMR segjast hafa dregið úr
bifreiðanotkun í kjölfar hækkana
á eldsneytisverði.
Kostnaður ríkissjóðs af lækk-
unum þessum gæti numið 3,2
milljörðum, en að sögn Tryggva
er allt útlit fyrir að tekjur ríkis-
sjóðs af eldsneytissölu hefðu verið
talsvert undir væntingum sökum
verðhækkunar og minni eftir-
spurnar. Þess vegna sé hægt að
gera ráð fyrir að kostnaður rík-
isins vegna lækkana eldsneytis-
gjalda verði enn minni.
thorgils@frettabladid.is
Bensínverð lækki um 28 krónur
Mælt var fyrir frumvarpi um lækkun eldsneytisskatta í gær. Samkvæmt frumvarpinu komi lækkunin strax
til framkvæmda og gildi til áramóta. Olíugjald verði 35 krónur á lítra en bensíngjald fari niður í 4 krónur.
DÝR DROPI Eldsneytisverð er í hámarki
hér á landi en verði frumvarp sjálf-
stæðismanna að lögum gæti lítraverð
lækkað um 28 krónur. FRÉTTABLAÐIÐ/PJETUR
Fyrirtækið BM Vallá er til sölumeðferðar hjá Fyrirtækjaráðgjöf Arion banka.
Félagið er í eigu Eignabjargs, dótturfélags Arion banka.
BM Vallá er eitt stærsta framleiðslufyrirtæki innan byggingariðnaðarins á Íslandi og hefur
sterka stöðu á markaðnum. Fyrirtækið starfar á sviði steypu-, hellu-, eininga- og múrfram-
leiðslu sem og vikurvinnslu. Höfuðstöðvar þess eru að Bíldshöfða 7 í Reykjavík en jafnframt er
félagið með starfsstöðvar víðar um landið. Arion banki tók yfir rekstur fyrirtækisins árið 2010.
Reksturinn var endurskipulagður og kostnaðaruppbygging löguð að núverandi efnahags-
ástandi. Framleiðslugeta fyrirtækisins getur annað meðalári án þess að til mikilla fjárfest-
inga þurfi að koma. Við framangreindar breytingar hefur þess verið gætt að standa vörð um
mikla sérfræðiþekkingu fyrirtækisins sem er forsenda þess að það verði áfram í fararbroddi
á markaði og viðhalda sterkri ímynd varðandi vöru- og þjónustugæði. Á undanförnu ári
hefur verið lögð áhersla á vöruþróun sem mun styrkja stöðu félagsins á Íslandi en þó sér-
staklega útflutning þess.
Söluferlið
Boðið er til sölu allt hlutafé í B.M. Vallá ehf. og er gert ráð fyrir að það verði selt í einu lagi.
Söluferlið er opið öllum áhugasömum fjárfestum sem að mati seljanda geta sýnt fram
á að hafa viðeigandi þekkingu og til þess bæran fjárhagslegan styrk, eða aðgang að a.m.k.
500 milljónum króna í auðseljanlegum eignum. Seljandi áskilur sér þó rétt til þess að
takmarka aðgang að söluferlinu, meðal annars ef fyrir hendi eru lagalegar hindranir á því
að viðkomandi fjárfestir eignist ráðandi hlut í félaginu, svo sem vegna samkeppnisreglna.
Fjárfestar sem óska eftir að taka þátt í söluferlinu eru beðnir að hafa samband við Fyrir-
tækjaráðgjöf Arion banka. Skulu þeir leggja fram trúnaðaryfirlýsingu á þar til gerðu formi.
Sölugögn verða afhent þátttakendum frá og með mánudeginum 11. apríl næstkomandi.
Fyrirtækjaráðgjöf Arion banka mun taka við óskuldbindandi tilboðum til kl. 12.00
mánudaginn 2. maí næstkomandi. Tilboðum skal skila á þar til gerðu formi. Í kjölfarið
verða tilboðin metin og völdum fjárfestum boðin áframhaldandi þátttaka í söluferlinu.
Munu þeir fjárfestar fá aðgang að frekari upplýsingum um rekstur og fjárhag fyrirtækisins
áður en óskað verður eftir bindandi tilboðum og gengið til endanlegra samninga um kaup
og sölu á félaginu. Seljandi áskilur sér rétt til að i) gera breytingar á skilmálum og/eða
viðmiðum söluferlisins og/eða ii) ganga til samninga við hvaða tilboðsgjafa sem hann kýs
eða hafna öllum.
Frekari upplýsingar
Upplýsingar um söluferlið má nálgast hjá Fyrirtækjaráðgjöf Arion banka í síma 444 6000
eða með því að senda tölvupóst á fyrirtaekjaradgjof.BMV2011@arionbanki.is
BM Vallá boðið til sölu
3.878
Til að fjarlægja dýraþvag úr gólfteppi
er gott að byrja á að þurrka sem
mest upp með bréfþurrkum. Svo
er gott að þvo svæðið með volgu
sápuvatni og skola því næst með
hreinu vatni. Þegar svæðið er aftur
orðið þurrt er gott að búa til edik-
blöndu sem er 1/3 edik og 2/2 vatn.
Blandan er borin varlega á teppið,
skoluð úr með vatni og svæðið látið
þorna. Þegar svæðið er orðið alveg
þurrt eftir lágmark sólarhring er
bökunarsóda stráð yfir blettinn og
svæðið í kring og hann látinn standa
í nokkrar klukkustundir áður en hann
er ryksugaður.
Edik má einnig nota til
að þrífa kattasandskassa.
Til að koma í veg fyrir að
vond lykt komi af kattar-
sandinum milli þess sem
þrifið er má blanda
smá barnapúðri
saman við
sandinn.
GÓÐ HÚSRÁÐ
Edik og barnapúður
Dýraþvag til vandræða
KRÓNUR kostaði klippingin að meðaltali
fyrir karl í febrúar síðastliðnum.