Fréttablaðið - 31.03.2011, Blaðsíða 34

„Málið er að ég er mjög stressaður
gaur. Eins núna þá er ég á nálum.
Ég er á nálum yfir því að það er ný
þáttaröð að byrja. Það er heilmikið
stress í gangi. Það verður lítið sofið
í vikunni. Ég er í rauninni að fara á
taugum. Ég reyki rosalega mikið
af rettum og drekk mikið kaffi,“
segir grínistinn Steinþór Hróar
Steinþórsson, Steindi Jr.
Steindi hefur ríka ástæðu til að
vera stressaður. Eftir viku verður
önnur þáttaröð Steindans okkar
frumsýnd á Stöð 2. Hann byrjaði að
skrifa þáttaröðina fyrir átta mán-
uðum ásamt samstarfsmönnum sínum
Ágústi Bent og Magnúsi Leifssyni, en
sá síðarnefndi slóst í hópinn fyrir nýju
þáttaröðina eftir að hafa komið með
góðar hugmyndir í fyrstu þáttaröðina.
Steindi er gríðarlega upptekinn þessa
dagana og mætti allt of seint í viðtalið
vegna þess að hann var á fundi úti í
bæ. Fundinum hafði reyndar seinkað
vegna þess að Steindi svaf yfir sig, en
það var bara vegna þess að upptökur
á Steindanum okkar stóðu til þrjú
nóttina áður. Óstundvísi Steinda fór
illa í Valla ljósmyndara, sem ætlaði
að berja hann með lóðunum sem
notuð voru í myndatökunni, en reiðin
var fljót að renna af honum þegar
Steindi gekk inn, gaf honum fimmu
og spurði: „Hvað er að frétta?“
Bjór og karfa upp í bústað
Það sem er að frétta er að sjálfsögðu
endurkoma Steinda. Önnur þátta-
röðin verður að hans sögn ógeðs-
lega fyndin.
„Ég lofa góðri skemmtun. Ég held
að fólk geti átt von á mjög fyndnum
þáttum,“ segir hann kokhraustur og
þaggar niður í símanum sem átti
eftir að hringja um tuttugu sinnum
á meðan viðtalið stóð yfir.
Lentuð þið ekki í erfiðleikum með
að halda áfram að vera fyndnir eftir
fyrstu þáttaröðina?
„Nei. Við tókum okkur ekkert hlé
eftir fyrstu þáttaröðina. Við byrjuðum
strax að skrifa niður hugmyndir og
tókum svo þrjá mánuði í að skrifa
nýju þáttaröðina. Við fórum til dæmis
í sumarbústað og skrifuðum.“ Voruð
þið sem sagt blindfullir í bústað að
skrifa? „Við fengum nokkra. Við grill-
uðum kótelettur, spiluðum körfubolta
og höfðum það kósí.“
Steindi og félagar klára ekki þátta-
röðina áður en hún verður frumsýnd.
Þeir skilja viljandi eftir pláss fyrir tvö
atriði í hverjum þætti þannig að þeir
geti tekið upp ný, hvort sem þau
tengjast atburðum líðandi stundar
eða ekki. „Við viljum hafa möguleika
á því að grípa eitthvað sem er að
gerast,“ útskýrir Steindi. „En ef við
gerum það ekki gerum við hlut-
laust atriði. Íslendingar hafa alltaf
fylgst mest með áramótaskaupinu
og Spaugstofunni. Þannig að fólk
heldur alltaf að það sé verið að gera
grín að einhverju. Fólk veltir alltaf
fyrir sér hverjum það er verið að gera
grín að og af hverju það sé verið að
skjóta á hann. Það er alltaf verið að
gera þetta, en við erum ekki þannig.
Við erum til dæmis ekki pólitískir.
Grínið okkar er hlutlaust. Tímalaust.“
Slúður um dóp
Steindi var á forsíðu Popps fyrir ári
síðan. Þá var fyrsta þáttaröðin ekki
farin í loftið og enginn vissi hvernig
honum myndi vegna. Þáttaröðin
setti engin áhorfsmet og var til að
mynda ekki á lista yfir vinsælustu
þætti Stöðvar 2. Hann var hins vegar
á allra vörum, lögin úr þáttunum nutu
mikilla vinsælda og íslensk ungmenni
fengu ekki nóg af honum. Velgengnin
varð til þess að hann og Ágúst Bent
voru allt í einu byrjaðir að framleiða
auglýsingar, en tekjurnar af þeim
notuðu þeir til að kaupa græjur sem
voru síðar notaðar til að taka upp nýja
þáttaröð. Grínið var orðið sjálfbært,
en breytti þetta Steinda? Eiginlega
ekki, en hann segist reyndar vera
orðinn duglegri.
„Það er eiginlega eina og ég er
ekki orðinn skíthæll. Áður fyrr var ég
að vinna í íþróttahúsi í Mosfellsbæ
og hafði auðvitað engan áhuga á
því – vildi helst ekkert vinna. Það var
í rauninni spurning hvar ég myndi
enda. Án þess að ég væri á leiðinni í
ræsið. Ég hafði engan áhuga á öðru
en að skrifa grín. Þegar ég byrjaði á
því vorum við farnir að vinna kannski
14 til 16 tíma á dag og það var allt í
lagi. Það var gaman.“
En þú ert orðinn frægur og byrjaður
að hanga með frægu fólki. Ég frétti
til dæmis af þér í fríi með Audda Blö
og Agli Gillzenegger í lok síðasta árs.
Ertu búinn að losa þig við gömlu
vinina og farinn að hanga einungis
með frægu fólki?
Steindi hlær við. „Nei. Alls ekki.
Auðvitað ekki. Ég er í góðu sam-
bandi við æskuvini mína. Hef alltaf
verið. En auðvitað eignast ég nýja
vini því ég er alltaf að vinna með
nýju fólki. Í þessum bransa eignast
maður mikið af félögum, en ég fer
enn þá á Áslák [bar í Mosfellsbæ]
með æskufélögunum.“
En nú er talsvert slúðrað um fræga
fólkið. Hefurðu heyrt eitthvað um þig
sem er ekki satt?
„Ég hef heyrt slúður um að ég sé
í rugli. Ég veit ekki einu sinni hvað
það þýðir – kannski er ég í rugli. Ég
heyrði að ég væri að nota eiturlyf.
Ég held ég gæti ekki gert það sem
ég er að gera í dag ef ég væri að
nota mikið af eiturlyfjum.“
Hafa slíkar sögur sært þig?
„Það var særandi að heyra að ein-
hver héldi að ég væri í eiturlyfjum. En
það er vegna þess að ég nota ekki
eiturlyf og myndi aldrei gera það.
Sagan fór af stað þegar við vorum
að taka upp atriði í nýju þáttaröð-
inni þar sem ég átti að vera mjög
djammaður gaur og við þurftum
að fara á djammið að taka upp. Svo
förum við að fá okkur að borða og
þaðan kom slúðrið. Það voru víst
háskólanemar sem sáu mig í tómu
rugli inni á Subway, ég var málaður
hvítur og með blóðnasir. Þeir tóku
greinilega ekki eftir myndavélinni.
Það sem særir mig líka eru Youtube-
ummæli. Ég fylgist með þeim. Þannig
að ef einhver hefur talað illa um mig
á Youtube þá hef ég séð það og verð
mjög sár. Ég tek það nærri mér. Mig
grunar ég sé ekki með hjarta í þetta
(hlær).“
Hvort græturðu á öxl kærustunnar
eða ferð á barinn?
„Bæði. Svo getur huggunin líka
verið Waterworld og snakkpoki. Ég
horfi bara á vondar myndir, Outbreak
er í tækinu núna. En það er önnur
ÉG ER EKKI
ORÐINN
SKÍTHÆLL
Steindi er kominn aftur. Fyndnari, drykkfelldari og
stressaðri en nokkru sinni fyrr. Eftir Atla Fannar
Bjarkason. Myndir: Valgarður Gíslason.
Hvorki Ólafur Ragnar né
Linda P hringdu til baka
Á síðasta ári lýsti Steindi því yfir að hann vildi fá Ólaf Ragnar Grímsson,
forseta Íslands, í atriði í nýju þáttaröðinni. Það tókst ekki, en Steindi reyndi.
„Ég talaði við Örnólf forsetaritara – hringdi í gemsann hans. Hann
svaraði ekki í hann tvö kvöld í röð þannig að ég hringdi heim til hans.
Þetta var um kvöldmatarleytið. Honum fannst ólíklegt að forsetinn væri
til í þetta, en lofaði að skila beiðninni til hans. Ég á eftir að hringja í Óla.
Ég hef trú á því að ég geti reddað númerinu hans. Ég gæti líka bankað
upp á hjá honum, ég held að þetta sé fínn náungi.“
En voru einhverjir, fyrir utan forsetann, sem þig langaði til að fá í
þáttaröðina sem þú fékkst ekki?
„Já. Ég reyndi að fá Lindu P. Ég hringdi í Baðhúsið, en stelpan sem
svaraði neitaði að gefa mér númerið hjá Lindu. Ég kynnti mig og sagði
henni um hvað málið snerist, en hún neitaði að gefa mér samband. Ég
held að það sé svipað erfitt að ná í Lindu og forsetann. Ég skil ekkert í
þessu. Er hún svona upptekin?“
6 •