Fréttablaðið - 31.03.2011, Page 52
31. mars 2011 FIMMTUDAGUR28
Tilkynningar um merkis atburði, stórafmæli og
útfarir má senda á netfangið timamot@frettabladid.is.
Auglýsingar á að senda á auglysingar@frettabladid.is
eða hringja í síma 512 5000.
timamot@frettabladid.is
ANNA FRANK (1929-1945), höfundur Dagbókar Önnur Frank, lést þennan dag.
„Þrátt fyrir allt, trúi ég á hið góða í manneskjunni.“
Evrópusamtök hjúkrunarfélaga, EFN,
halda aðalfund sinn á Íslandi í dag og
á morgun. Félag íslenskra hjúkrunar-
félaga, FÍH, gerðist aðili að samtök-
unum í mars árið 1998 en þetta er í
fyrsta sinn sem EFN fundar hérlendis.
„Aðild að þessum samtökum er
mjög mikilvæg því innan þeirra er
afar breið þekking sem nýtist okkur á
Íslandi við ákvarðanatöku um mótun
okkar heilbrigðisstefnu. Aðildin gefur
okkur jafnframt möguleika á að fylgj-
ast með og hafa áhrif á stefnu ESB um
heilbrigðismál en við höfum bein áhrif
á og tökum þátt í heilbrigðisstefnumót-
un innan EFN,“ segir Jón Aðalbjörn
Jónsson, alþjóðafulltrúi FÍH, en EFN
er ráðgefandi vettvangur hjúkrunar-
fræðinga gagnvart ESB og EES.
EFN rekur skrifstofu í Brussel og
aðalfundinn á Íslandi sækja aðilar frá
hjúkrunarfélögum nærri þrjátíu landa
Evrópu auk alþjóðastofnana.
„Þau mál sem EFN fjallar um eru
meðal annars menntunarmál hjúkr-
unarfræðinga, starfssvið þeirra og
möguleiki á að flytjast á milli landa.
Ég, sem alþjóðafulltrúi FÍH, sæki
þessa fundi þegar við á þar sem unnið
er með vinnuhópum innan EFN. Í þeim
nefndum er farið yfir ýmis efni. Meðal
þess má nefna að unnið er að stefnu-
mótun fyrir öryggi sjúklinga og gæði í
hjúkrun. Fagleg símenntun sem trygg-
ir að sjúklingar séu í umsjón fagmann-
eskju sem viðheldur sinni menntun er
ofarlega á baugi og farið er yfir afleið-
ingar sem frumvörp um tilskipun um
heilbrigðismál, sem Evrópubandalagið
er að undirbúa, kann að hafa á hjúkrun
og heilbrigðismál þjóða.“
Innan EFN er einnig ráðgefandi
nefnd um vinnuafl sem fjallar um
manneklu í hjúkrun sem er allsráð-
andi um allan heim. Þá er fjallað
um siðareglur, ráðningaraðferðir og
allt sem snýr að hjúkrunarstarfinu
almennt. Á aðalfundi EFN verða til
umræðu hagsmunamál og áætlana-
gerð vegna komandi starfsárs og ber
þar hæst umræðu um endurskoðun
á tilskipun ESB um viðurkenningu
á faglegri menntun og hæfi sem nú
stendur yfir.
En hvernig standa íslenskir hjúkr-
unarfræðingar í dag? „Staða þeirra
er sterk í krafti námsins. Námið er
vel uppbyggt og nýtur þess að vera
nánast alls staðar viðurkennt. Þar sem
það hugsanlega er ekki viðurkennt er
það vegna þess að ekki er búið að fara
formlega í gegnum ferlið í viðurkenn-
ingunni. Þá eru íslenskir hjúkrunar-
fræðingar eftirsóttir erlendis.“
juliam@frettabladid.is
EVRÓPUSAMTÖK HJÚKRUNARFÉLAGA: AÐALFUNDUR Í FYRSTA SINN Á ÍSLANDI
Aðild Íslands er mikilvæg
NÁMIÐ GOTT Jón Aðalbjörn Jónsson, alþjóðafulltrúi Félags íslenskra hjúkrunarfræðinga, segir
stöðu íslenskra hjúkrunarfræðinga á alþjóðagrundu sterka, sérstaklega vegna vandaðs náms
hérlendis. FRÉTTABLAÐIÐ/GVA
Á þessum degi árið 1989 var fyrsti áfangi nýrrar
K-álmu Landspítala, geislameðferðargreining,
formlega opnaður. Nýja byggingin hafði mikið
að segja fyrir aðstöðu krabbameinslækninga á
spítalanum og munaði þar mestu um línuhraðal,
tæki sem koma átti meðferð fyrir krabbameins-
sjúklinga „í nútímalegt horf“ eins og Þórarinn E.
Sveinsson, yfirlæknir krabbameinslækningadeildar
Landspítala, orðaði það. Tækið var annað sinnar
tegundar sem sett var upp í Evrópu.
Lionsfélagar áttu heiðurinn að söfnun fyrir
tækinu en það kostaði 45 milljónir króna. Fram-
kvæmdir við K-bygginguna stóðu yfir í fjögur
ár þegar þessum fyrsta áfanga af þremur var
lokið en byggingin átti að hýsa deildarrými
krabbameinslækningadeildar, röntgen- og mynd-
greiningardeild, skurðstofur og gjörgæsludeild,
alls 8.700 fermetra rými.
Davíð Á. Gunnarsson, forstjóri Ríkisspítalanna,
sagði við opnunina að K-byggingunni væri ætlað
að tryggja hæfu starfsfólki búnað og aðstöðu til
að sigrast á flóknum vandamálum.
ÞETTA GERÐIST: 31. MARS 1989
Bætt aðstaða fyrir krabbameinslækningar
Lífræn sauðfjárrækt er inn-
tak námskeiðs sem Endur-
mennt LbhÍ og Vottunar-
stofan Tún ehf. standa fyrir
í Tjarnarlundi í Saurbæ,
Dölum, á föstudag.
Námskeiðið hentar eink-
um þeim sem vilja fræðast
um möguleika á upptöku líf-
rænna aðferða og á mark-
aðssetningu lífrænna sauð-
fjárafurða. Lífræn aðlögun,
fyrirbyggjandi aðferðir við
vandamálum sem tengjast
beitarstjórnun, heyöflun og
sjúkdómum og skýrsluhald,
eftirlit og vottun lífrænnar
sauðfjárræktar er á meðal
þess sem þar verður fjallað
um.
Námskeiðið stendur yfir
frá klukkan 12.45 til 17 á
föstudag. Umsjón hefur
Ásdís Helga Bjarnadótt-
ir. Verð er 14.000 krónur.
Nánar á natturan.is.
Lífrænn búskapur
SAUÐFÉ Fjallað verður um lífræna sauðfjárrækt og markaðssetningu á
lífrænum sauðfjárafurðum á námskeiðinu.
Ástkær eiginkona mín, móðir okkar,
tengdamóðir og amma,
Þórey Einarsdóttir
kennari, Mávahlíð 23, Reykjavík,
lést á Krabbameinslækningadeild Landspítalans
föstudaginn 25. mars. Útförin fer fram frá Fríkirkjunni
í Reykjavík þriðjudaginn 5. apríl kl. 15.00.
Smári Þórarinsson
Örvar Þóreyjarson Smárason Birgitta Birgisdóttir
Vala Smáradóttir Illugi Torfason
Adda Smáradóttir
Alda Örvarsdóttir og Þórey Illugadóttir
Ástkær faðir okkar, tengdafaðir, afi og
langafi,
Eberhardt Marteinsson
Hvassaleiti 17, Reykjavík,
andaðist á hjúkrunarheimilinu Skógarbæ sunnudaginn
27. mars. Hann verður jarðsunginn frá Grensáskirkju
þriðjudaginn 5. apríl kl. 15.00.
Marteinn Eberhardtsson Steinunn Ragna Hauksdóttir
Einar Eberhardtsson Hellen S. Helgadóttir
Karen Eberhardtsdóttir
Hilmar Eberhardtsson
barnabörn og langafabörn.
Ástkær móðir okkar og tengdamóðir,
Heiðbjört Hlín
Kristinsdóttir
frá Litla-Garði, Eyjafjarðarsveit,
lést mánudaginn 21. mars. Útför hennar hefur farið
fram í kyrrþey að ósk hinnar látnu.
Innilegar þakkir til starfsfólks á Dvalarheimilinu
Kjarnalundi svo og starfsfólks Heimahlynningar.
Sigríður Benediktsdóttir Sverrir Sverrisson
Harry Ólafsson Ásdís Ívarsdóttir
Kjartan Ólafsson Þuríður Þorsteinsdóttir
Inga Ólafsdóttir Sveinbjörn Daníelsson
Kristín Gestsdóttir Sigurður Jóhannsson
Ármann Ólafsson
og fjölskyldur.
Okkar ástkæri
Eyþór Ágústsson
fæddur í Flatey á Breiðafirði,
búsettur í Stykkishólmi,
varð bráðkvaddur í Flatey þann 24. mars sl. Útförin fer
fram frá Stykkishólmskirkju laugardaginn 2. apríl kl.
14.00. Við bendum á minningarkort Flateyjarkirkju
(Guðrún Marta Ársælsdóttir og Sigurborg Leifsdóttir).
Dagbjört S. Höskuldsdóttir
Óskar Eyþórsson Helga Sveinsdóttir
Ingveldur Eyþórsdóttir
Aðalsteinn Þorsteinsson Helga Finnbogadóttir
Höskuldur Þorsteinsson
og barnabörn
Móðir okkar, tengdamóðir, amma og
langamma,
Unnur Kristjana
Sigtryggsdóttir
lést á Kristnesspítala 28. mars. Útförin fer fram frá
Akureyrarkirkju 8. apríl kl. 13.30.
Aðalheiður K. Ingólfsdóttir Þorvaldur S. Aðalsteinsson
Sigfríð Ingólfsdóttir Bjarni Hólm Valgeirsson
barnabörn og barnabarnabörn.