Fréttablaðið - 31.03.2011, Blaðsíða 66

31. mars 2011 FIMMTUDAGUR42
golfogveidi@frettabladid.is
Stangaveiðitímabilið hefst á morgun í vötnum og
ám víða um land. Í kvöld og næstu daga munu
veiðimenn víða um land því dusta rykið af veiði-
dótinu, festa tauma á línur og tína sjóbirtings- og
silungaflugur í box.
Sigurður Pálsson, málari og fluguhnýtari, er
einn af þeim sem ætla í veiði um helgina. Þegar
blaðamaður spurði hvort hann væri ekki til í smá
spjall um vorveiðina svaraði Sigurður: „Ég er nú
bara venjuleg manneskja. Ég horfi ekki á lífið
í gegnum stangarlykkjurnar.“ Þrátt fyrir þetta
svar þurfti nú ekki beinlínis að draga setning-
arnar upp úr Sigurði í framhaldinu.
„Ætli ég fari ekki austur í Landbrot um
helgina. Kunningjar mínir verða þar,“ segir
Sigurður. „Það er reyndar ekki alveg ráðið hvar
þeir verða en ég ætla í heimsókn til þeirra – með
stöngina. Ég held að það séu allar líkur á því að
það verði vel tekið á móti mér. Ég stundaði vor-
veiðina af meira kappi hér áður fyrr en það er
samt alltaf gaman að fara út að leika sér.“
Þrátt fyrir að vorveiðin skipi ekki jafn mik-
inn sess í lífi Sigurðar í dag og áður segist hann
veiða mikið á sumrin.
„Þá fer ég víða og oft. Ég fer aðallega með
vinum mínum sem eiga ekki hund, þeir taka
mig með í staðinn. Ég fer reyndar alltaf í Laxá í
Dölum í september. Þar er svo gaman að á heim-
leiðinni fer maður að hlakka til næstu ferðar
að ári. Síðan fer ég líka í Sogið. Það er ótrúlega
skemmtileg á, og falleg.“
Höfundur Flæðarmúsarinnar
Á meðal veiðimanna er Sigurður líklega fræg-
astur fyrir að hafa hnýtt margar góðar flugur.
Sjálfur segir hann að Flæðarmúsin
sé líklega hans frægasta fluga þó að
Dýrbíturinn sé líka mikið notaður.
Spurður hvort hann sé með einhverjar
nýjar baneitraðar flugur á teikniborð-
inu svarar hann: „Nei, það gerist ekki
þannig. Ég kann ekki almennilega að
skýra það hvernig góðar flugur verða
til. Ég fikra mig bara hægt og rólega
áfram. Þannig gerðist það til að mynda
með Flæðarmúsina. Síðan ég hnýtti
hana hef ég séð að hún á sér margar
systur. Ég hef til dæmis séð keimlíkar
flugur á plakati með frægustu flugum
Suður-Ameríku.“
Sigurður hnýtir að sjálfsögðu sínar
eigin flugur þó að hann veiði stundum
á flugur eftir aðra menn. Hann segir
að vissulega sé ljúft og gaman að veiða
á eigin flugur. Það sé aftur á móti orðið
svo hversdagslegt að hann fái ekki lengur fiðring
yfir því. Hann segist aðallega hnýta flugurnar
heima hjá sér, þó hafi hann líka hnýtt flugur í
veiðihúsum. Spurður hvort hann hafi hnýtt flugu
úti á árbakka segist hann ekki hafa gert það. Það
hafi þó einu sinni verið gert fyrir hann.
„Stefán Jónsson, fréttamaður, þingmaður og
snilldarmaður, hnýtti einu sinni fyrir mig flugu
á bakkanum við Reykjadalsá í Borgarfirði árið
1977. Þetta var pínulítil einkrækja og laxinn tók
í fyrsta kasti. Stefán var ótrúlegur maður, ég er
viss um að þeir sem segja að hláturinn lengi lífið
hafi ekki farið í bíltúr með Stefáni.“
Á móti því að veiða og sleppa
Það þarf ekki að tala lengi við Sig-
urð til að átta sig á því að hann hefur
sterkar skoðanir á þróuninni í lax-
veiði hér á landi. Hann er mótfallinn
því að veiða og sleppa.
„Þetta er bara bull, ég nenni nú
varla að ræða þetta,“ segir Sigurður
en heldur þó áfram. „Þeir sem halda
því fram að það sé af hinu góða að
veiða og sleppa hafa ekki kynnt sér
neitt og vita ekkert um hvað þeir eru
að tala. Það er ekki verið að vernda
nokkurn skapaðan hlut með þessu.
Oftast er þetta bara til vandræða.
Það eru ekki mörg dæmi um að stór
hrygningarstofn hafi gefið af sér stór-
an veiðistofn. Það eru aftur á móti
mörg dæmi um að lítill hrygningarstofn hafi
gefið af sér stóran veiðistofn. Að sleppa stórum
fiski til að vernda sérstaklega stóran stofn er
líka della. Erfðafræðingar hlæja að þessum
rökum enda er sama erfðaefnið í litlum og
stórum fiski ef um einhvern stofn er að ræða.
Ég er svo frumstæð mannskepna að ég veiði
til að borða fiskinn. Ég er ekki að togast á við
hann til að segja honum síðan: „Ég var bara að
leika mér“. Það eru tvö augnablik best í veiði,
að plata fiskinn til að taka og setjast niður til
að borða hann. Það sem er þarna á milli er bara
vinna. Það verður að vera eitthvað alveg sér-
stakt ef ég á að sleppa fiski. Það hefur reyndar
komið fyrir að fiskur hefur verið svo ljótur að
ég hef ekki getað hugsað mér að draga hann á
land. Að veiða og sleppa er bara tíska og það
er ekki djúp hugsun í þessu frekar en annarri
tísku yfirleitt.“
Veiðileyfaokrið er dónalegt
Sigurður segir að veiðileyfi hér á landi séu orðin
allt of dýr.
„Sumum finnst kannski æskilegt að það eigi
að vera forréttindi fárra að fá að veiða í falleg-
ustu ám landsins en ég er þeirrar skoðunar að
sem flestir eigi að fá það. Það okur sem nú tíðk-
ast víða er dónalegt. Það er engin afsökun að
menn geti hafnað okrinu, það er jafnljótt fyrir
það. Þeir sem hugsa í krónum geta ekki flokkast
með siðuðum mönnum.“
Seiðasleppingar hafa færst mjög í vöxt hér
landi en Sigurður er alfarið á móti þeim.
„Ég er þeirrar skoðunar að Rangárslepping-
arnar eigi eftir að eyðileggja alla laxastofna á
Suðurlandi, ef ekki víðar. Ef menn eru að blanda
saman laxastofnum ruglar það alla hluti, til
dæmis ratvísi fiskanna sem er meðfædd. Allir
fiskifræðingar með viti vita að þetta getur haft
afdrifaríkar afleiðingar.“ trausti@frettabladid.is
FL
U
G
A
N
AF BAKKANUM
Stjórn Veiðifélags Elliðavatns hefur
ákveðið að veiði í vatninu hefjist 20.
apríl en ekki 1. apríl eins og í fyrra.
Opnunin í fyrra var undantekning frá
reglunni því fram að því hafði veiði
í Elliðavatni hafist 1. maí ár hvert.
Veiðin á Facebook
Veiðibúðir og veiðifélög nýta sér
í auknum mæli Facebook til að
auglýsa tilboð og veiðileyfi. Hefur
þetta vakið þónokkra athygli enda
hafa fyrirtækin laðað til sín „vini“
með nokkurs konar happdrætti
þar sem í verðlaun eru til dæmis
veiðistangir og veiðileyfi. Til þess að
fá upplýsingar frá þessum fyrir-
tækjum á Facebook þurfa notendur
að smella á „líkar eða like“.
Norðurá árið 1938
Einstakt myndband sem tekið var
upp í Norðurá árið 1938 er komið
á Youtube. Vefur Stangaveiðifélags
Reykjavíkur greindi frá þessu fyrir
fáeinum dögum. Á myndbandinu,
sem er þriggja mínútna langt,
má sjá laxa reyna að stökkva upp
Laxfoss. Nægir að skrifa „Norðurá
1938“ í leitarglugga Youtube til að
sjá myndbandið.
Veiði í Elliðavatni
hefst 20. apríl
Að veiða og
sleppa er
bara tíska og
það er ekki
djúp hugsun
í þessu frekar
en annarri
tísku yfirleitt.
SIGURÐUR
PÁLSSON
Veiðileyfaokrið er dónalegt
og það er della að sleppa
Löng bið stangaveiðimanna eftir nýrri vertíð er nú senn á enda. Á morgun hefst vorveiðin og af því tilefni
sló Fréttablaðið á þráðinn til Sigurðar Pálssonar, málara og eins fremsta fluguhnýtara landsins.
VEIÐIMAÐUR MEÐ ÁKVEÐNAR SKOÐANIR Sigurður Pálsson er þeirrar skoðunar að Rangársleppingarnar eigi eftir að
eyðileggja alla laxastofna á Suðurlandi og jafnvel víðar. FRÉTTABLAÐIÐ/STEFÁN
Flæðarmús er ein af skæðustu
íslensku sjóbirtingsflugunum og
við hæfi að birta mynd af henni
hér í upphafi veiðitímabils.
Fjölmargir veiðimenn kunna
margar sögur af baráttunni við
þann stóra sem lét glepjast af
Flæðarmúsinni hans Sigga Páls.
Uppskrift
Öngull – Legglangur straumfluguöngull
Tvinni – Svartur UNI 6/0
Stél – Hár úr blálituðu íkornaskotti
Loðkragi – Fön úr svartlitaðri strútsfjöður
Vöf – Ávalt UNI tinsel
Búkur – ½ silfrað chenille og ½ rauð ull
Skegg – Silfrað Flashabou og hvítlituð
hjartarhalahár
Vængur – Rauðlituð hjartarhalahár,
rauðlitaðar hanahálsfjaðrir og grábekkjóttar
hanahálsfjaðrir
Haus – Svartur. Ámáluð rauð augu með
gulum augasteinum.
Mjög skæð í
sjóbirtinginn
MYND/FLUGAN.IS
Útlit er fyrir að veiðimenn sem ætla í vatnaveiði
nálægt Reykjavík á morgun verði heppnir með veður.
Veðurstofan spáir 5 stiga hita og rigningu.
Ingimundur Bergsson, forsvars-
maður Veiðikortsins, segist mjög
spenntur fyrir vorveiðinni. Hann
fór smá rúnt í gærdag til að kanna
aðstæður.
„Ég fór upp að Meðalfellsvatni í
Kjós og að Vífilsstaðavatni,“ segir
Ingimundur. „Vífilsstaðavatnið lítur
mjög vel út en þar er nánast allur
ís farinn. Þetta hefur gerst mjög
snöggt í þeim hlýindum sem verið
hafa síðustu daga því það er ekki
langt síðan vatnið var allt ísilagt. Það er aftur á móti
íshella yfir nánast öllu Meðalfellsvatni, þó eru vakir
nálægt landi sem vel er hægt að veiða í. Samkvæmt
mínum heimildum eru flest önnur vötn enn ísilögð.“
Ingimundur segir að þó að leyfilegt sé að veiða á
spún og maðk í vötnunum sé algengast að menn veiði á
flugu. Hann biður þó veiðimenn að fara varlega í Með-
alfellsvatni því auk urriðans, sem oft sé mjög gráðug-
ur í byrjun apríl, séu þar niðurgöngulaxar sem veiði-
menn eigi að sjálfsögðu að sleppa, bíti þeir á agnið.
Ingimundur segir Veiðikortið sífellt að stækka ef
svo megi að orði komast. Kortið hafi fyrst komið út
sumarið 2005 og þá hafi verið boðið upp á 23 vötn en
nú séu þau orðin 35. Í sumar bættust við tvö vötn frá
því í fyrra. Þau eru Geitabergsvatn og Eyrarvatn í
Svínadal. - th
Ísinn farinn af Vífilsstaðavatni
VÍFILSSTAÐAVATN Í GÆR Í hlýindum undanfarinna daga hefur
nánast allur ís farið af Vífilsstaðavatni.
INGIMUNDUR
BERGSSON
PUNDA bleikjur voru meðal stærstu
fiskanna sem fengust í nepjunni við opnun
Varmár hjá Hveragerði 1. apríl í fyrra.
12PUND vó stærsti laxinn sem Bubbi Morthens hefur veitt. Laxinn veiddi Bubbi – og sleppti – á
Knútsstaðatúni í Laxá í Aðaldal í lok júlí í fyrra.
21