Fréttablaðið - 31.03.2011, Blaðsíða 38

4 ● húðfl úr
Í Bleksmiðjunni eru húðflúr
unnin upp úr ferskum
hugmyndum og áður óbirtum
teikningum.
„Enn sem fyrr láta harðsvíruðustu
töffarar húðflúra sig með mynd
af mömmu og einn lét flúra á sig
mynd af foreldrum sínum á barns-
aldri hringinn í kringum kálfann,
sem kom æðislega út,“ segir húð-
flúrmeistarinn Ingólfur P. Heim-
isson sem ásamt Sigrúnu Rós Sig-
urðardóttur opnaði Bleksmiðjuna í
Skipholti síðasta sumar.
„Sigrún kom til mín í húðflúr
fyrir fimm árum og það var ást
við fyrstu sýn. Hún falaðist eftir
að komast að sem lærlingur hjá
mér, en ég hafði enga sérstaka trú
á henni fyrr en ég sá teikningarn-
ar hennar og varð frá mér numinn,“
segir Ingólfur sem sjálfur hefur
húðflúrað Íslendinga í tylft ára.
„Þetta er besta starf í heimi.
Bæði hvað varðar eilífðina á verk-
unum og líka einlæga ánægju, því
margir fara út hoppandi af gleði
eftir að langþráður draumur hefur
ræst,“ segir Ingólfur sem, eins og
Sigrún, hefur lært myndlist frá
unga aldri en bæði ákváðu að hefja
feril á sviði húðflúrs í stað olíumál-
verka. „Við trúum bæði á húðflúr
og hvernig það breytist með ár-
unum er heillandi. Nú velur fólk
sér ekki lengur myndir úr möppu
heldur kemur með eigin hugmyndir
sem við vinnum svo úr,“ segir Ing-
ólfur og bætir við að hugmyndirnar
berist frá manni til manns, þegar
fólk sjá húðflúr Bleksmiðjunnar á
öðrum og langar í svipað.
„En við gerum aldrei sama húð-
flúr tvisvar. Húðflúr er persónu-
legt og glatað að hitta aðra með eins
húðflúr. Fólk vill sérhæfða hönnun
og við eyðum jafn löngum tíma í
hönnun hugmynda og það að húð-
flúra,“ segir Ingólfur, en bæði eru
þau Sigrún fullbókuð fram í júlí
þótt alltaf sé hægt að koma í hug-
myndavinnu og undirbúning.
„Tvennt ber að hafa í huga þegar
fólk fær sér húðflúr, en það er
myndin og hvernig hún klæðir það.
Nú er austurlenskur stíll vinsæl-
astur, portrett af ástvinum og stór
húðflúr sem þekja heilu líkams-
partana. Áður fékk fólk sér húðflúr
á upphandlegg en fannst svo eitt-
hvað vanta og vill nú fullklára allan
handlegginn, enda kemur það óneit-
anlega miklu betur út.“
Ingólfur segir sjónvarpsþættina
Miami Ink og LA Ink á Discovery
hafa mikil áhrif á íslenska húðflúr-
menningu því margir verði fyrir
innblæstri þaðan.
„Þá erum við alltaf að fá meira
af eldra fólki inn og hingað hefur
komið fólk eftir tilmæli frá lækni
um að láta húðflúra yfir ljót ör.
Þannig settum við átta húðflúr á
konu sem bar mörg stór ör og var
á sjötugsaldri,“ segir Ingólfur, en
þess má geta að aldurstakmark í
húðflúr er 18 ár.
„Við viljum svo endilega skila
þakklæti til viðskiptavina fyrir ein-
stakar móttökur og því hversu opið
það er fyrir nýjum hugmyndum og
stærðum.“
Bleksmiðjan er í Skipholti 15.
Sími 823 5757.
Allir vilja einstakt húðflúr
Ingólfur P. Heimisson og Sigrún Rós Sigurðardóttir, húðflúrmeistarar á Bleksmiðj-
unni, felldu hugi saman þegar Sigrún kom í húðflúr til Ingólfs. FRÉTTABLAÐIÐ/PJETUR
MótorSmiðjan
Húðflúrráðstefnan og sölusýningin
Sydney Tattoo and Body Art Expo
fór fram í þriðja sinn í Sydney fyrir
skemmstu. Sumir segja hana einn
stærsta viðburðinn innan geirans.
Í ár sóttu hana 320 húðflúrarar
alls staðar að úr heiminum og eins og
sjá má á meðfylgjandi myndum var
samkoman ansi skrautleg. Húðflúrarinn Tony Cohen að störfum.
NORDICPHOTOS/GETTY
Listaverk til sýnis.
Litrík
samkoma
Þessi unga dama var
ófeimin við að sýna
húðflúrin.