Fréttablaðið - 31.03.2011, Blaðsíða 60
31. mars 2011 FIMMTUDAGUR36
folk@frettabladid.is
Ólafur Jóhannesson er sennilega
einn afkastamesti kvikmynda-
gerðarmaður landsins þótt
honum sé eflaust lítið um þann
titil gefið sjálfum. Freyr Gígja
Gunnarsson ræddi við leik-
stjórann um nýja sýn á kvik-
myndagerðina og leiðina heim til
Búðardals.
„Mér líður bara nokkuð vel. Það eru
allir með eitthvað í sínu lífi sem bíður
dóms annarra. Og þá myndast ákveðið
spennuástand og áttavitinn ruglast
eilítið,“ segir Ólafur Jóhannesson
kvikmyndaleikstjóri en mynd hans,
Kurteist, fólk verður frumsýnd í kvöld.
Kurteist fólk segir frá Lárusi,
verkfræðingi með allt niðrum sig í
vinnunni og einkalífinu, sem lýgur sig
inn í lítið samfélag úti á landi og lýsir
því yfir að hann ætli að bjarga slátur-
húsi staðarins. Og allt hefur þetta
auðvitað sínar kostulegu afleiðingar.
Valinn maður er í hverju hlutverki en
aðalhlutverkin eru í höndum Stefáns
Karls Stefánssonar, Eggerts Þorleifs-
sonar og Ágústu Evu Erlendsdóttur.
„Mig langaði til að gera fjöl-persónu
kvikmynd úti í sveit um pólitíska spill-
ingu. Spillingarmálin á Íslandi eru
nefnilega svo fyndin, menn athafna sig
fyrir opnum dyrum en af því að Íslend-
ingar eru svo uppteknir við vinnu þá
nenna þeir ekki að mótmæla spilling-
unni,“ segir Ólafur en myndin er mest-
öll tekin upp í heimabæ leikstjórans,
Búðardal. „Það var mjög notalegt
að koma aftur heim, þetta var eigin-
lega svona svipað eins og að fara í gott
nudd. Við fengum mikla samvinnu frá
heimamönnum, fengum að nota húsin
þeirra í tökur og fólk fékk sér bara
kaffi á meðan í næsta húsi. Þetta var
því allt mjög heimilislegt.“
Ólafur er sennilega einn afkastamesti
leikstjóri landsins og hefur verið nánast
stanslaust að frá því að Blindsker, saga
Bubba Morthens, var frumsýnd 2004.
Fáum kemur það því á óvart að hann
skuli klára tvær myndir þetta árið,
Kurteist fólk er önnur þeirra og hin er
Borgríki, hasarmynd um undirheima
Reykjavíkur. „Myndirnar eru unnar á
mjög ólíku tímabili og ég hef því skipt
mínum tíma jafnt á milli þeirra og
þannig getað komið alltaf ferskur inn,
náð smá fjarlægð á þær.“
Ólafur viðurkennir að hann hafi
breytt sínu verklagi, til að mynda séu
tvö ár liðin frá því að formlegum tökum
á Kurteisu fólki lauk. „Maður vill bara
vanda sig við að framreiða þennan rétt.
Maður hefur hvorki getu né hæfileika
til að rumpa þessu út úr sér á örskots-
stundu. Ég var alltaf að drífa mig svo-
lítið. Helsti munurinn er hins vegar sá
að ég hef lært að nota fólkið í kringum
mig, ókunnugt fólk og samstarfsfólk.“
Ólafur ætlar að taka sér smá pásu
núna, njóta þess að finna sumarið koma
og finna ferskt loft. „Ég er líka kominn
á þann stað að mig langar til að vinna
með annarra manna verk, komast bara
í vinnu einhvers staðar. Það er komin
ný plata á fóninn og nú er bara að sjá
hversu lengi hún endist, kannski verður
hún bara smáskífa.“
freyrgigja@frettabladid.is
Ég var alltaf að drífa mig svolítið
TREYSTI Á SAMSTARFSFÓLKIÐ Ólafur segist hafa lært það að treysta
á samstarfsfólk sitt og jafnvel ókunnugt fólk en kvikmynd hans,
Kurteist fólk, verður frumsýnd í kvöld. Leikstjórinn segir það hafa verið
heimilislegt að taka upp í heimabæ sínum, Búðardal. Hér er hann
með framleiðandanum Kristínu Andreu Þórðardóttur. FRÉTTABLAÐIÐ/STEFÁN
10
Ísraelska söngkonan Dana Inter-
national mun klæðast kjól eftir
tískuhönnuðinn heimsfræga
Jean-Paul Gaultier í Eurovision-
keppninni í maí. Dana hefur úr
átta kjólum að velja eftir Gaul-
tier og gefur aðdáendum sínum
kost á að kjósa á netinu um
hvaða kjól hún skuli klæðast.
Dana vann Eurovision árið 1998
og klæddist þá einnig kjól frá
Gaultier. Fari svo að hún vinni
Eurovision verður hún fyrsta
sólósöngkonan sem fagnar sigri
tvisvar sinnum í
keppninni
sem flytj-
andi.
Dana í kjól
frá Gaultier
Í GAUL-
TIER-KJÓL
Dana
Inter-
national
verður í
kjól frá
Jean-Paul
Gaultier
í úrslitum
Euro-
vision.
Söngkonan Lady Gaga er greini-
lega fær í flestan sjó en hún gerðist
nýverið dálkahöfundur hjá tímarit-
inu V. Ekki er vitað hvað popp dívan
ætlar að skrifa um en búist er við
að það veki eftirtekt eins og allt
sem hún tekur sér fyrir hend-
ur. Líklegt þykir að Gaga skrifi
um tísku en hún hefur verið mik-
ill frumkvöðull í tískuheiminum
undanfarið og er því trúverðugur
dálkahöfundur á því sviði.
Fyrsti pistilinn hennar kemur
í sumarútgáfu blaðsins sem
væntanleg er í verslanir 12. maí.
Lady Gaga verður
dálkahöfundur
Í BLAÐABRANSANN Poppdívan Lady
Gaga getur nú bætt starfsheitinu dálka-
höfundur á ferilskrána en frumraun
hennar á því sviði kemur út 12. maí í
tímaritinu V.
NORDICPHOTOS/GETTY
ÁR skilja að kólumbísku söngkonuna Shakiru, sem 34 ára, og hinn 24 ára fótboltakappa Gerard Pique
hjá Barcelona. Shakira birti mynd af þeim saman á Twitter-síðu sinni og staðfesti þar með ástarsam-
band þeirra.
TILBOÐ Á JOHN FRIEDA
HÁRVÖRUM!
Ódýrasti hluturinn fylgir með.
31. MARS.- 06. APRÍL