Fréttablaðið - 14.04.2011, Side 28

14. apríl 2011 FIMMTUDAGUR2
Önnur bók Hélène fjallar um
algjöran frumkvöðul í íslenskum
hannyrðum, Aðalbjörgu Jónsdótt-
ir, sem vakti athygli hér heima og
erlendis fyrir kjóla sem hún hann-
aði og prjónaði úr íslensku eingirni
í lok áttunda áratugarins. Aðal-
björg er 94 ára gömul í dag og í
bók Hélen verður uppskrift að kjól
Aðalbjargar en framleiðsla á svip-
uðu eingirni og því sem Aðalbjörg
notaðist við er í þróun og mun bera
heitið Love Story. Kristín Schmid-
hauser Jónsdóttir verður einnig
með innslag í bókinni og skrifar
um ævi Aðalbjargar.
„Kjólarnir hennar Aðalbjargar
eru einstakir, ekki bara hérlendis
heldur í alþjóðlegu samhengi. Þess
vegna fór ég upphaflega á stúfana
að skoða verk hennar sem endaði
með því að ég hitti hana og fór að
skrifa þessa bók. Kjólarnir hennar
vöktu mikla athygli á sínum tíma,
hérlendis og erlendis, og þekktar
konur sem klæddust þeim, þar á
meðal Vigdís Finnbogadóttir.“
Talið er að Aðalbjörg hafi hann-
að og prjónað um 100 kjóla á sínum
tíma, sem er ótrúlegur fjöldi, í
ljósi þess að það að prjóna hvern
og einn var um mánaðarvinna.
Fyrsti kjóll Aðalbjargar var sýnd-
ur á Norrænu heimilisiðnaðarsýn-
ingunni en Aðalbjörg lærði kjóla-
og kápusaum. „Umheimurinn þarf
að uppgötva Aðalbjörgu ekki síður
en íslenskar hannyrðir sem eiga
sér svo langa sögu. Hin bókin mín
er einmitt um íslenskar hannyrðir
og mun einnig koma út á ensku á
næsta ári,“ segir Hélène.
„Ég hef bæði óþrjótandi áhuga á
íslensku prjónahefðinni og hef líka
reynslu sem fjallaleiðsögumaður
á Íslandi, sem varð til þess að ég
fór út í að skipuleggja prjónaferðir
hingað til lands. Þær sem ég stend
fyrir í sumar eru fullbókaðar en
ferðalangarnir koma
frá Frakklandi,
Bandaríkjun-
um, Kanada
og víðar að.“
Heimasíða
Prjónakerl-
ingar, prjona-
kerling.is, er
nýfarin í loft-
ið og er aðgengileg á
þremur tungumálum, frönsku,
ensku og íslensku. Þar inni má
finna allt um rannsóknir og hönn-
un Hélène sem og aðra spennandi
hluti er snerta prjónaheiminn.
Næsta tölublað Prjónakerlingar
kemur út í lok apríl. Þess má geta
að bókinni um Aðalbjörgu
er ætlað að koma út
árið 2013 á íslensku
og frönsku.
julia@frettabladid.is
Kjólar Aðalbjargar Jónsdóttur fóru víða og Vigdís Finnbogadóttir klæddist einum
slíkum á sínum ferli.
Krónan er hönnun
Hélène Magnússon og er
hægt að nálgast uppskrift að
henni á vefnum prjonakerling.is
Framhald af forsíðu
PÁSKAFJÖR
30 %
Afsláttur
af öllum
vörum
nýtt
kortatímabil
Allt sem þú þarft
FRIÐRIK DÓR
Í PERLUNNI
Það er aðeins ein sneið af frábærri
dagskrá á 10 ára afmælishátíð
Fréttablaðsins 16. apríl í Perlunni.
Fylgstu með!
FRÉTTIR VIÐSKIPTI ÍÞRÓTTIR LÍFIÐ UMRÆÐAN
ÞAÐ ERU FLEIRI PARTÝ OG MEIRA FJÖR Á VÍSI
Meira sjónvarp, meira útvarp, meiri fréttir, meiri upplýsingar, meiri umræða,
meira líf, meiri íþróttir, meiri virkni, meira úrval. Þú færð meira af öllu á Vísi.
Fallega lakkaðar neglur hafa lengi þótt tákn um
fegurð og auð en eru í dag ódýr og vinsæll fylgihlutur.
A- og D-vítamín fá neglurnar til að vaxa hraðar.