Fréttablaðið - 25.06.2011, Qupperneq 13

Sjúkraþjálfarinn
-þekkir þig!
Hátt í 25%
niðurskurður
í einu af ódýrustu úrræðunum til forvarna
og endurhæfingar innan heilbrigðisgeirans
Þann 1. júní sl. tók ný reglugerð um þátttöku hins opinbera í kostnaði vegna sjúkraþjálfunar gildi.
Um leið var hátt í 25% niðurskurður á síðastliðnum tveimur árum orðinn viðvarandi staðreynd.
Öllum er ljóst að sjúkraþjálfun lækkar lyfjakostnað, fækkar innlagnardögum á sjúkrastofnunum
og dregur úr þörf fyrir kostnaðarsamar aðgerðir. Fæstum dylst einnig að sjúkraþjálfun er áhrifa-
rík leið til að virkja hvern einstakling til sjálfshjálpar og efla um leið bæði lífsgæði hans og atorku.
Flestir munu sammála um að sjálfstætt rekin sjúkraþjálfun sé eitt af ódýrustu úrræðum sam-
félagsins til forvarna og endurhæfingar. Þessi aðgerð stjórnvalda neyðir fjölda einstaklinga, og
ekki síst aldraða og öryrkja, til að leita sér annarra leiða til bata eða sætta sig við viðvarandi
skerta getu til leiks eða starfa. Jafnframt er augljóst að verulega er vegið að rekstrarskilyrðum
sjúkraþjálfunar með ófyrirsjánlegum afleiðingum.
Sjálfstætt starfandi sjúkraþjálfarar hafa samþykkt eftirgreinda ályktun sem send hefur verið til
alþingismanna og þeirra sem með málið fara fyrir hönd stjórnvalda. Vonast er til að í kjölfarið
skapist aukin umræða um mikilvægi sjúkraþjálfunar og þau verðmæti sem samstarf sjúkra-
þjálfarans og skjólstæðings hans leggur samfélaginu til.
zebra
Ályktun:
• Fulltrúar FSSS gerðu ítrekaðar tilraunir til að fá fund með
velferðarráðherra til þess að gera honum grein fyrir
afleiðingum niðurskurðar af þessari stærðargráðu.
Ráðherrann vék sér undan slíkum fundi og sýndi um leið
hagsmunum nokkur hundruð manna starfsstéttar og
tugum þúsunda viðskiptavina hennar mikla óvirðingu.
Fundurinn lýsir yfir megnri óánægju með viðhorf stjórn-
valda til þess verðmæta starfs sem fólgið er í sjúkraþjálfun
og þeim vinnubrögðum sem þau leyfa sér að viðhafa.
Fundurinn veitir stjórn og samninganefnd FSSS fullt
umboð til að undirbúa samstilltar aðgerðir til þess að knýja
á um tafarlausar leiðréttingar á rekstrarskilyrðum
sjúkraþjálfara og réttindum sjúkratryggðra til að nýta sér
þjónustu þeirra.
Almennur fundur í Félagi sjálfstætt starfandi sjúkra-
þjálfara (FSSS), haldinn á Grand Hótel 7. júní 2011, lýsir yfir
miklum vonbrigðum með þá einhliða breytingu sem
velferðarráðherra hefur knúið í gegn á reglugerð um
þjálfun og þátttöku sjúkratrygginga í kostnaði vegna
hennar. Sérstök athygli er vakin á eftirgreindu:
• Þátttaka hins opinbera í þjálfun sjúkratryggðra hefur
verið skorin niður um hartnær fjórðung á síðastliðnum
tveimur árum og er það langt umfram það sem almennt
hefur verið gert annars staðar í heilbrigðiskerfinu.
Afleiðingar hátt í 25% niðurskurðar í kostnaðarþátttöku
vegna þjálfunar eru augljósar, jafnt fyrir þá sem á henni
þurfa að halda og þá sem þjónustuna veita. Að auki hefur
formaður heilbrigðisnefndar Alþingis viðurkennt það
opinberlega að engin yfirsýn sé yfir það hvaða áhrif niður-
skurður á einum stað í heilbrigðiskerfinu geti haft til
hækkunar á öðrum sviðum þess.