Fréttablaðið - 25.06.2011, Síða 58

25. júní 2011 LAUGARDAGUR34
timamot@frettabladid.is
„Mér fannst heiður að vera beðin um
þetta,“ segir Katrín Hall, listrænn
stjórnandi Íslenska dansflokksins,
sem samdi tvo dansa fyrir bresku
útgáfu hinna vinsælu sjónvarps-
þátta So you think you can dance.
Katrín var einnig beðin um að semja
dans fyrir úrslitaþáttinn en vegna
anna með Íslenska dansflokknum sá
hún sér ekki fært að taka það að sér.
„Það er verið að kynna danslistina
og breiða hana út með þessum hætti
í Bretlandi og mér fannst frábært að
taka þátt í því.“
Katrín er fyrsti Íslendingurinn sem
unnið hefur við bresku útgáfu þátt-
anna en annarri þáttaröðinni lauk á
dögunum. Framleiðendur þáttanna
eru að hluta þeir sömu og í banda-
rísku útgáfunni, þeirra á meðal Nigel
Lythgoe. Kynnir var Cat Deeley eins
og í Bandaríkjunum. „Þau voru að
reyna að auka gæði þáttarins,“ segir
Katrín sem samdi dansa innan um
reynslubolta á sviði þáttarins. „Þarna
voru danshöfundar á borð við Mandy
Moore, Tyce Diorio sem hafa samið
fyrir bandarísku þættina ásamt
öðrum danshöfundum sem hafa verið
í Kanada og Ástralíu. Ég var svolítill
nýgræðingur þarna.“
Katrín samdi keppnisrútínu fyrir
tvídans. „Ég var látin gera nútíma-
dans. Ég fékk kvendansara sem er
nútímadansari og karldansara sem
er hipphoppari. Hann hafði náttúru-
lega aldrei dansað nútímadans eða
berfættur. Það var áskorun að aðlaga
hipphoppara að rútínu sem krefst
nútímadanstækni á svona stuttum
tíma,“ útskýrir Katrín sem hitti parið
tvisvar sinnum í fjóra klukkutíma í
senn, sem er sá tímarammi æfinga
sem gefinn er í þáttunum. „Ég stóð
náttúrulega með mínu pari og vildi
að það kæmist áfram,“ segir Katr-
ín og bætir brosandi við að það hafi
parið og gert. „Svo var ég fengin til að
semja hópdans fyrir átta dansara sem
var opnunaratriði í þættinum.“
Katrín segir að vinna við þáttinn
hafi verið mikill lærdómur. „Þetta er
allt annar tebolli en ég hef verið að
fást við. Þetta eru örverk sem verða
að vera aðgengileg. Þema eða lítil
saga verður að komast til skila og ég
vissi ekki fyrr en daginn áður hvaða
dansara ég fengi. Það var gaman að
kynnast þessum heimi sem er sérstak-
ur og skemmtilegur.“ martaf@frettabladid.is
KATRÍN HALL: SAMDI DANSA FYRIR HIÐ BRESKA SO YOU THINK YOU CAN DANCE
Kynnti danslistina í Bretlandi
SÉRSTAKUR HEIMUR Katrín samdi nútímadans fyrir hipphoppara og nútímadansara.
FRÉTTABLAÐIÐ/GVA
Merkisatburðir
1244 Flóabardagi háður á Húnaflóa. Þar börðust Þórður kakali og
Kolbeinn ungi Arnórsson.
1667 Kristján fimmti konungur Íslands og Danmerkur kvænist
Charlotte Amalie af Hessen-Kassel.
1809 Jörundur hundadagakonungur tekur sér völd á Íslandi og
hreppir Trampe stiftamtmann og fleiri í varðhald.
1893 Hjalti Jónsson klífur Háadrang undan Dyrhólaey en drangur-
inn er 56 metra hár.
1930 Dönsku konungshjónin koma til Reykjavíkur vegna Alþing-
ishátiðarinnar.
1975 Mósambík lýsir yfir stofnun sjálfstæðs ríkis.
48 GEORGE MICHAEL tónlistamaður er 48 ára.„Allt gekk mér í hag. Ég var glaður á leið inn í sögubæk-
urnar en þá leystist allt upp.“
Þátturinn Heimurinn okkar var fyrsta alþjóðlega
gervitunglaútsendingin. Var honum sjónvarpað
þann 25. júní 1967. Listamenn sem voru fulltrúar
nítján mismunandi þjóða voru beðnir um að
koma fram í þættinum fyrir land sitt.
Óperusöngkonan María Callas, hljómsveitin
Bítlarnir og málarinn Pablo Picasso komu meðal
annarra fram í útsendingunni, sem um fjögur
hundruð milljón manns víða um heim horfðu á.
Frægasti hluti þáttarins er þáttur Bítlanna.
Útsendingin var í miðju Víetnamstríðinu svo
hljómsveitin notaði tækifærið til að koma
jákvæðum boðskap um ástina á framfæri. Fluttu
þeir lag Johns Lennon All you need is love sem
samið var sérstaklega af þessu tilefni.
Hluta Bítlanna í þættinum var sjónvarpað aftur
árið 1995 í þætti um hljómsveitina. Merkilegt
þótti að við endurútsendinguna var myndin í
lit þótt upphaflega hefði hún verið svarthvít.
Notaðar voru ljósmyndir í lit frá atburðinum til að
finna réttu litina á fatnað hljómsveitarmeðlima.
ÞETTA GERÐIST: 25. JÚNÍ 1967
Fyrsta beina gervitunglaútsendingin
Ástkær eiginmaður minn, faðir,
tengdafaðir, afi, langafi og bróðir,
Friðþjófur I. Strandberg
sjómaður,
til heimilis að Melgerði 32, Kópavogi,
lést á líknardeild Landspítalans laugardaginn 18. júní.
Útförin fer fram frá Kópavogskirkju mánudaginn
27. júní kl. 13.00.
Guðrún Magnúsdóttir Strandberg
Auður Strandberg
Magnús Strandberg Ingibjörg Bragadóttir
Birgir Strandberg
Sveinbjörn Strandberg Kristín Jónsdóttir
Agnar Strandberg Brynja Stefnisdóttir
barnabörn, barnabarnabörn og bróðir.
Ástkær eiginmaður minn, faðir,
tengdafaðir, afi og langafi,
Ágúst Valur
Guðmundsson
húsgagnasmíðameistari,
Sóleyjarima 3, Reykjavík,
lést á hjúkrunarheimilinu Eir í Reykjavík á þjóðhátíðar-
daginn 17. júní. Útförin fer fram frá Grafarvogskirkju í
Reykjavík þriðjudaginn 28. júní kl. 13.00.
Svava Berg Þorsteinsdóttir
Jónas Ágúst Ágústsson Halldóra G. Árnadóttir
Sólveig Björk Ágústsdóttir Óskar Ísfeld Sigurðsson
Þorsteinn Valur Ágústsson Íris Dröfn Smáradóttir
afabörn og langafabörn.
Ástkær eiginmaður minn, fósturfaðir,
tengdafaðir og afi,
William McDougall
Vilhjálmur Alfreðsson
Efstasundi 76,
lést á hjartadeild Landspítalans föstudaginn 17. júní.
Útförin fer fram frá kirkju Óháða safnaðarins við
Háteigsveg, mánudaginn 27. júní kl. 15.00.
Sólveig Magnúsdóttir
Magnús Sigurðsson Þórhildur Karlsdóttir
Emil Þór Sigurðsson Sigrún Baldursdóttir
og barnabörn.
Sonur okkar, barnabarn og frændi,
John Christopher
Romano
lést að heimili sinu í Norwalk, CT, USA mánudaginn
13. júní sl. Jarðarför hefur farið fram. Minningarathöfn
verður í Guðríðarkirkju þriðjudaginn 28. júní kl. 13.00.
Kristrún Erlingsdóttir Romano John Romano
Erlingur Dagsson
Þór, Vigdís, Jón, Kjartan, Grétar og fjölskyldur.
Innilegar þakkir færum við öllum þeim
sem sýndu okkur samúð og hlýhug við
andlát og útför ástkærrar móður okkar,
tengdamóður, ömmu og langömmu,
Svövu Sigmundsdóttur
frá Björgum.
Sérstakar þakkir til séra Gunnars Jóhannessonar og
starfsfólks Heilbrigðisstofnunarinnar á Sauðárkróki.
Sigurður Kristjánsson Kristín R. Fjólmundsdóttir
Aðalheiður S. Kristjánsdóttir Fjólmundur Fjólmundsson
og fjölskyldur
Okkar ástkæri eiginmaður, faðir,
tengdafaðir og afi,
Reynir Ómar Guðjónsson
Stekkjarhvammi 70, Hafnarfirði,
lést í faðmi fjölskyldu sinnar þann 22. júní.
Vilborg Jóhanna Stefánsdóttir
Stefán Reynisson Sóley Eiríksdóttir
Helga Reynisdóttir Björn Ingi Vilhjálmsson
Anna Reynisdóttir Björn Bragi Arnarsson
og afastelpur.