Fréttablaðið - 20.08.2011, Page 24

20. ágúst 2011 LAUGARDAGUR24
B
ókin er loksins á leið-
inni, útgáfupartíið
verður 25. ágúst,“
segir Tobba Mar-
inós og á þá að sjálf-
sögðu við framhald
metsölubókarinnar Makalaus,
sem fengið hefur nafnið Lýtalaus.
Blaðamanni þykir orðinu loksins
eiginlega ofaukið, því aðeins er
rétt rúmt ár síðan Makalaus kom
út og í millitíðinni gaf Tobba út
bókina Dömusiði. „Lýtalaus átti
að koma út síðasta vor en svo datt
ég í vinnuna við sjónvarpsþættina
Makalaus þannig að hún frestað-
ist aðeins. Svo er ég auðvitað að
vinna fulla vinnu,“ segir Tobba og
viðurkennir að hún sé dugnaðar-
forkur.
„Foreldrar mínir eru ótrúlega
dugleg bæði, þau hafa alið þenn-
an metnað upp í mér þótt þau séu
reyndar núna stundum að segja
mér að slaka á,“ segir Tobba, sem
er alin upp í Kópavoginum af þeim
Marinó Björnssyni, sölustjóra hjá
Heklu, og Guðbjörgu Birkis Jóns-
dóttur sem er heimavinnandi sem
stendur.
Mamma er fyrirmyndin
„Mamma er ein helsta fyrir-
mynd mín, hún fer fyrst á fætur
og síðust að sofa og er alltaf að.
Ég á þrjú systkini, eldri bróður
og tvær yngri systur. Sú næst-
yngsta er langveik þannig að það
er nóg að gera en mamma hefur
ekkert verið að vorkenna sér. Svo
segi ég stundum að það sé pabba
og mömmu að kenna hvað ég er
klikkuð. Til dæmis læsti mamma
pabba einu sinni úti þegar hann
hafði beitt háþrýstidælu á blóm-
in í garðinum, hann átti nefnilega
að vökva þau. Þá sprautaði hann
á hana inn um gluggann. Hún var
ekki ánægð,“ segir Tobba og hlær.
Tobba ætlaði sér að verða fræg
þegar hún var lítil. „Ég ætlaði að
verða leikkona en svo snerist mér
hugur. Í staðinn ákvað ég að fara
til Bretlands í fjölmiðlafræði. Ég
lærði í Háskólanum í Derby þar
sem fjölmiðlafræðin var mjög
praktísk, mikið af verkefnum
af ýmsu tagi,“ segir Tobba, sem
hefur haldið því áfram eftir námið
að fást við fjölbreytileg verkefni.
„Núna er ég kynningarstjóri Skjás
eins, var að ljúka bókinni og er að
undirbúa sjónvarpsþáttinn sem
ég og Ellý Ármanns verðum með
í vetur.“
Óréttmæt gagnrýni
Sjónvarpsþátturinn hefur þegar
verið gagnrýndur vegna þess
sem haft var eftir stallsystrunum
í Fréttatímanum að hann fjallaði
um allt sem konur hafa hafa áhuga
á, kynlíf, heilsu og börn. „Já við
fengum mjög hörð viðbrögð. Sem
mér finnst svolítið skrítið vegna
þess að þátturinn er ekki byrjaður
og við enn að undirbúa hann. Það
getur vel verið að við fjöllum líka
um pólitík og ofbeldi. En okkur
langar líka til þess að fjalla um
það sem er jákvætt og skemmti-
legt. Það er bara svo vanmetið að
skemmta sér. Auðvitað þurfum
við allar að díla við vandamál en
við verðum að fá tíma til að kúpla
okkur frá þeim.
Ég hef verið
skömm-
uð fyrir
að segj-
ast vera
femínisti en ég hef komist langt
í því sem ég er að gera, búið til
mína peninga sjálf og staðið mig
vel, er það ekki bara góð barátta?
Mér finnst fínt að sumar konur
vilja bródera og aðrar mótmæla,
en ég vil bara fá að vera ég sjálf,“
segir Tobba.
Sjóuð í að taka gagnrýni
„Svo vorum við Ellý að auglýsa
eftir konum til að taka þátt í heilsu-
átaki í þáttunum. Vildum fá konur
sem eiga við vandamál að stríða og
strax fyrsta sólarhringinn höfðu
um 40 konur haft samband. Mér
finnst frábært ef við getum bæði
hjálpað þremur konum til að breyta
lífi sínu til batnaðar og kannski
hvatt konur sem sitja heima og
fylgjast með til þess að gera það
líka. En við erum líka búnar undir
gagnrýni á þennan dagskrárlið og
ásakanir um að við séum að ýta
undir staðalímyndir,“ segir Tobba.
Tekurðu gagnrýnina nærri þér?
„Ég er nú orðin nokkuð sjóuð. Ég
held að maðurinn minn [Karl Sig-
urðsson] og mamma mín taki allt
þetta umtal miklu nær sér en ég
geri. Mamma getur orðið alveg
brjáluð, það þarf að taka netið úr
sambandi hjá henni svo hún fari
ekki að verja mig úti um allt,“
segir Tobba, sem hefur verið
umtöluð síðan hún hóf bloggskrif
þar sem meðal annars var fjallað
á opinskáan hátt um samskipti
kynjanna.
Vantaði íslenskar stelpubækur
Þau skrif voru aðdragandi að bók-
inni Makalaus en Tobba fór á fund
Egils Jóhannssonar hjá Forlaginu
og sýndi honum hvað bloggið var
mikið lesið. „Ég las mjög mikið af
svona chick-lit eða stelpubókum
þegar ég var í náminu í Bretlandi.
Og mig langaði til þess að færa
þær yfir til Íslands, að söguhetj-
urnar væru að hittast á Kaffitári
í staðinn fyrir Starbucks. Setja
smá íslenska lúðastemningu yfir í
þessar bækur,“ segir Tobba. Hug-
myndinni var tekið vel á Forlaginu
og Tobba settist við skriftir. „Það
var mjög erfitt. Ég er lesblind eins
og oft hefur komið fram og svo er
eitt að skrifa smá blogg en annað
að búa til bók. En ég fékk aðstoð
hjá vönu fólki á Forlaginu og svo
þegar ég var komin með samning
og „deadline“ þá var ekkert annað
að gera að setjast niður og skrifa.“
Vinkonurnar uppspretta sagna
Líf Tobbu og vinkvenna hennar
er innblástur margra sagna sem
sagðar eru af söguhetju bókarinn-
ar Makalaus, Lilju Sigurðar dóttur
og vinkvenna hennar. „Þessar
sögur eru allar meira og minna
sannar, enda of fáránlegar stund-
um til þess að hægt væri að finna
þær upp. Vinkonur mínar eru líka
farnar að segja við mig stundum,
ekki setja þetta í bókina, þegar við
erum að spjalla,“ segir Tobba og
skellir upp úr.
Makalaus seldist í fimm þúsund
eintökum og því óhætt að segja að
lesendur hafi tekið henni opnum
örmum. „Ég var dauðstressuð
þegar hún var væntanleg, pantaði
mér far til New York og ætlaði að
láta mig hverfa. Þau hjá Forlag-
inu sannfærðu mig um að ég yrði
að vera á staðnum. Og bókin gekk
vel, það kom aldrei neitt voða-
legt diss eins og ég bjóst jafnvel
við,“ segir Tobba, sem hefur feng-
ið mörg bréf frá aðdáendum sem
þakka henni fyrir bókina og bíða
spenntir eftir framhaldinu.
Margir með minnimáttarkennd
„Bókin hefur líka leitt mig víða,
ég var til dæmis fengin til að
koma í tíma í bókmenntafræð-
inni í Háskólanum til að ræða
um bókina á námskeiði Dagnýjar
Kristjánsdóttur um ástarsögur.
Þar fékk ég harða gagnrýni fyrir
það hversu mikið Lilja hugsar um
kílóin og makaleitina. En svo stóð
önnur stelpa í kúrsinum upp og
spurði þessa gagnrýnu hvort hún
ætti mann og þegar sú játaði þá
sagði þessi sem stóð upp að hún
ætti ekki mann og vildi líka gjarn-
an vera 10 kílóum léttari. Hún
hugsaði mjög mikið um þessi mál,
ef ekki öllum stundum og spurði
hvort hún væri þar með kjánaleg,“
segir Tobba og bætir við að enginn
vilji vera með komplexa en veru-
leikinn sé sá að margir séu haldn-
ir minnimáttarkennd.
Sjálf er hún nokkuð sátt við sína
galla. „Ég hef alltaf verið þessi
þykka týpa en er sátt við það í
dag hvernig ég lít út. Svo veit ég
að það eru stundum villur í textan-
um mínum og það veður á mér. Ég
hef fengið póst þar sem fólk er að
leiðrétta textann minn og póst þar
sem kom fram að ég væri óalandi
og óferjandi en yrði eflaust ágæt
ef ég tæki smá tilsögn. Ég svaraði
því nú þannig að gallarnir mínir
væru það persónulegasta sem ég
ætti,“ segir Tobba.
Við víkjum talinu aftur að
endur komu Lilju Sigurðardóttur
og nýju bókinni Lýtalaus. Tobba
viðurkennir að það sé stressandi
að bíða viðbragða við nýju bókinni
en hún vonar að aðdáendur verði
ekki fyrir vonbrigðum. „Það eru
meiri væntingar núna og margir
sem þekkja söguhetjuna og vini
hennar. Ég var ekki einu sinni
viss um að ég gæti skrifað fram-
hald af Makalaus, en svo þegar
ég var búin með Lýtalaus var ég
strax komin með titil og hugmynd
fyrir næstu bók.
Svo vonast ég til þess að fleiri
stelpur fari að skrifa stelpu-
bækur, ég hef engan áhuga á að
eiga markaðinn ein,“ segir Tobba
að lokum.
Mér finnst fínt að sumar konur vilja bródera og aðrar
mótmæla, en ég vil bara fá að vera ég sjálf.
Langaði mest til að flýja land
Tobba Marinós ætlaði varla að þora að vera viðstödd þegar fyrsta bók hennar, Makalaus, kom út. Hún sló í gegn og dyggir aðdá-
endur hafa innt Tobbu reglulega eftir framhaldinu. Hún bíður nú spennt eftir því að Lýtalaus komi úr prentun og vonar að lesend-
ur taki bókinni vel, sagði hún Sigríði Björgu Tómasdóttur í spjalli þar sem frægðina, femínisma og fordóma bar einnig á góma.
METSÖLUHÖFUNDUR Þriðja bókin hennar á rúmu ári er væntanleg í lok mánaðarins, þær fyrri seldust samanlagt í 10.000
eintökum og vonast Tobba Marinós til að lesendur taki þeirri nýju jafn vel. FRÉTTABLAÐIÐ/VALLI
Oprah ótrúlega flott
„Ég hef alltaf haldið mikið upp á Opruh Winfrey,“ segir Tobba þegar hún er spurð um
fyrirmyndir utan fjölskyldunnar. „Hún er ein af valdamestu konum í heimi, getur talað
um allt og tekur sjálfa sig ekki allt of hátíðlega. Ég man alltaf eftir þætti þar sem hún
birtist ómáluð til að sýna áhorfendum hvernig hún liti út fyrir og eftir förðun. Svo er
hún ekki með staðlað útlit og er bara mjög flottur persónuleiki. Þar fyrir utan hefur hún
starfað mikið í góðgerðarmálum, sem ég dáist að.“