Fréttablaðið - 20.08.2011, Síða 96

20. ágúst 2011 LAUGARDAGUR
Haukur S. Magnússon hefur
fengið foreldra sína í heim-
sókn frá Ísafirði yfir Menn-
ingarnótt. Saman bjóða
þau til veislu úti á Granda í
kvöld.
Hljómsveitirnar Reykjavík! og
Sudden Weather Change bjóða
gestum og gangandi í heimsókn í
æfingahúsnæði sitt í dag í tilefni
Menningarnætur. Hljómsveit-
irnar munu stíga á svið og leika
nokkur lög fyrir gesti auk þess
sem hjónin Magnús Hauksson og
Ragnheiður Halldórs dóttir frá
Tjöruhúsinu munu reiða fram
dýrindis rétti fyrir fólk.
Reykjavík! og Sudden Weather
Change verða ekki einu hljóm-
sveitirnar sem koma fram held-
ur munu Ofvitarnir, Just Another
Snake Cult og Mugison einnig
koma fram auk þess sem mynd-
listarmaðurinn Ísak Óli Sævars-
son mun selja verk sín á staðn-
um. Menningin mun því blómstra
í æfingahúsnæðinu þennan dag.
Haukur S. Magnússon, með-
limur hljómsveitarinnar Reykja-
vík!, segir Grandasvæðið vera
orðið mjög líflegt og skemmti-
legt og vonast eftir því að sjá
sem flesta í dag. „Okkur fannst
kjörið að bjóða fólki í heimsókn
í tilefni dagsins, halda listasýn-
ingu, tónleika og bjóða upp á
mat. Mamma mín og pabbi reka
Tjöruhúsið þannig það voru hæg
heimantökin að fá þau í lið með
sér. Þetta gaf þeim líka ástæðu
til að koma suður og taka þátt
í gamninu. Öllum er boðið og
ég vonast eftir því að sjá sem
flesta,“ segir Haukur. Meðal
þeirra rétta sem Magnús og
Ragnheiður munu reiða fram eru
plokkfiskur og fiskisúpa. Þegar
Haukur er inntur eftir því hvaða
réttur sé í uppáhaldi hjá honum
verður honum svarafátt. „Það fer
svolítið eftir því í hvaða skapi ég
er. Mér finnst plokkfiskurinn
alltaf fáránlega góður, en fiski-
súpan þeirra er líka alveg sér á
báti.“
Skemmtunin fer fram í æfinga-
húsnæði sveitanna við Hólmaslóð
2. Skemmtunin byrjar klukkan
15 og stendur til 23. Maturinn
verður reiddur fram um klukkan
19 og þá hefjast einnig tónleik-
arnir. sara@frettabladid.is
Mér finnst plokkfisk-
urinn alltaf fáránlega
góður, en fiskisúpan þeirra er
líka alveg sér á báti.
HAUKUR S. MAGNÚSSON
TÓNLISTARMAÐUR
Gleðin sveif yfir vötnum á skemmti-
staðnum Vellinum á Grensásvegi á
fimmtudagskvöldið þegar þrír af vinsæl-
ustu tónlistarmönnum landsins tóku við
gullplötu fyrir sölu á plötu sinni. Þetta
voru þeir Gylfi Ægisson, Rúnar Þór og
Megas sem hafa selt yfir fimm þúsund
eintök af plötunni MS GRM sem kom út á
síðasta ári.
Um þessar mundir er að koma út DVD-
diskur með hljómsveitinni með tónleik-
um hennar í Austurbæ í byrjun nóvem-
ber 2010. Þeir tónleikar þóttu einmitt
frábærlega vel heppnaðir og fengu fullt
hús stiga, fimm stjörnur, hjá gagnrýn-
anda Fréttablaðsins. Þríeykið og aðrir
gestir horfðu einmitt á tónleikana í veisl-
unni á fimmtudagskvöldið og létu vel af
áhorfinu.
Gömlu brýnin komin í gull
SKÁL! Gylfi, Megas og Rúnar Þór fengu gullplötu á fimmtudagskvöld. Megas
ákvað að lyfta frekar bjórglasi en gullplötunni þegar ljósmyndari smellti af:
„Ég er gull sjálfur,“ sagði hann. FRÉTTABLAÐIÐ/VALLI
Forsetafrúin Dorrit Moussaieff
var glöð í bragði í Kringlunni
á fimmtudagskvöldið þegar
góðgerðafélagið Á allra vörum
hrinti af stað nýrri landssöfnun.
Félagið selur á hverju ári varag-
loss til styrktar góðu málefni
og í ár rennur ágóði sölunnar til
Neistans, styrktarfélags hjart-
veikra barna.
Þegar hafa 8.500 gloss verið
seld en Dorrit festi kaup á einu
slíku, kynnti sér starfsemi
Neistans og spjallaði við gesti
og gangandi í Kringlunni. Kynn-
ir kvöldsins var Sigga Lund
og fram komu Jónsi, Bogomil
Font og Helga Möller ásamt því
að Kalli Berndsen og Sigríður
Klingenberg voru á svæðinu til
að veita gestum góð ráð.
Dorrit glöð í bragði í Kringlunni
BROSMILD Dorrit Moussaieff festi kaup á einu glossi til styrktar Neistanum og
kynnti sér um leið starfsemi félagsins.
ROKK OG PLOKKFISKUR
FLOTTIR FEÐGAR Haukur S. Magnússon og Magnús Hauksson munu taka á móti
gestum í dag. Haukur mun leika tónlist með hljómsveit sinni og Magnús reiðir fram
dásamlega fiskrétti ásamt konu sinni, Ragnheiði Halldórsdóttur. FRÉTTABLAÐIÐ/VALLI
VINNINGAR AFHENTIR Í ELKO LINDUM. 149 KR/SKEYTIÐ.
MEÐ ÞVÍ AÐ TAKA ÞÁTT ERTU KOMINN Í SMS KLÚBB.
9. HVER
VINNUR!
FJÖLDI
AUKAVINNINGA
SENDU SMS SKEYTIÐ
ESL CON Á NÚMERIÐ 1900
OG ÞÚ GÆTIR UNNIÐ!
BOÐSMIÐI BOÐSMIÐI
VILTU
VINNA
MIÐA?
FULLT AF VINNINGUM:
BÍÓMIÐAR
TÖLVULEIKIR - DVD MYNDIR - GOS OG FLEIRA!
KOMIN Í BÍÓ!
HANN ER FÆDDUR STRÍÐSMAÐUR!