Morgunn - 01.06.1969, Síða 11

MORGUNN
5
stejna er hann merkilegur, ef hann er í höndum þeirra, sem
fara með gát í leit sinni að þekkingu. Sem líknarstefna í sorg
og sjúkdómi er hann líka merkilegur, ef varúðar er gætt.
Auðtrúa fólk og aðgæzlulaust hefur unnið spíritismanum
meira tjón en andstæðingar hans, þó hart sé að þurfa að
kyngja því. Fyrirbrigðin gerast engu síður, þó að fullri gát
og gagnrýni sé beitt, verða einmitt gleggri, ef þannig er á
haldið. En það verðum við að vita, að í höndum hnýsinna
manna, sem ekki starfa í kærleika, getur spíritismi orðið
ómerkileg niðurrifsstefna. En þetta þori ég að fullyrða, að
miSlar, sem lifa og starfa í kœrleika, eru á leiðum Hins Hœsla.
Hver sá, sem heldur því fram, að sá, sem vinnur verk sín í
kærleika, sé verkfæri hins illa, ber ljúgvitni. Sá, sem starfar
í Guði, getur ekki verið utan hans. Það, sem úrslitum ræður,
er ekki hvort maðurinn sé miðill eða ekki miðill, heldur það,
hvort hann starfar í réttum anda. Þess vegna gilda enn orð
Páls postula: Prófið andana. Ég á enga ósk heitari Sálar-
rannsóknafélagi Islands til handa á þessum tímamótum, en
að forvígismenn þess gleymi aldrei að prófa andana, fyrst
andann í eigin brjósti, og aðgæti, hvort þeir eru kærleik-
ans andar.
Sjálfur hef ég heyrt og séð margt merkilegt á vettvangi
spíritismans, og mér þykir hann mjög athyglisvert fyrir-
brigði, sem rannsóknarstefna. Hitt finnst mér raunalegt,
þegar fólk glæpist á að líta á spíritismann sem trúarbrögð.
Þegar menn taka upp á að líta til framliðinna eða annarra
anda, sem þeir kunna lítil skil á, og treysta þeim sem guðir
væru. Slíkt er hjáguSadýrkun og leiðir ekki til góðs.
„Barátta vor er ekki við hoid og blóð, heldur við anda-
verur vonzkunnar í himingeimnum“, sagði Páll postuli. Við
verðum að gæta þess vel, að kærleikans Guði einum ber
okkur að lúta. Hann á sér marga hjálpendur í þessum heimi
og öðrum, sem okkur ber að virða vel, en enginn má vera
okkar Guð annar en sá, sem er kærleikurinn. Spíritisminn á
að vera rannsóknarstefna og liknarstefna, sem ber sannleik-
anum og miskunnseminni vitni..