Morgunn - 01.06.1979, Qupperneq 66

64
MORGUNN
verkum þekkjast á því, að þeir beita í löndum sínum ritskoð-
un og algjöru eftirliti með öllum fjölmiðlum. En sökum hins
mikla hraða, sem nútímatækni gerir mögulega, verður æ
erfiðara að leyna nokkru til lengdar fyrir mannkyninu. Við
höfum því nú á tímum gleggri hugmynd um það sem gerist
á þessum hnetti en nokkru sinni fyrr. Og myndin sem við
fáum af því sem hér gerist er annað en fögur. Það er að
miklu leyti mynd af vaxandi viti. Það sem á rætur sinar að
rekja til göfugra hugsjóna, svo sem Sameinuðu þjóðirnar og
starfsemi þeirra i þágu friðar og góðleiks hverfur næstum
alveg á köflum fyrir vaxandi ofbeldi og óréttlæti.
Og allt er þetta verk okkar mannanna. Hvað erum við eig-
inlega að hugsa? En það er einmitt mergurinn málsins. Allar
illar athafnir eiga rætur sinar að rekja (eins og góðar) til
hugsunarinnar.
Þau stjórnkerfi sem mannkyninu er stýrt eftir eru að vísu
ærið misjöfn fyrir einstaklinginn. En þau hafa öll brugðist
því mikilvæga hlutverki að veita manninum hamingjusamt
líf og friðsælt. Jafnvel meðal þeiira þjóða, þar sem mest
hefur verið gei t lil þess að taka lillit til hinna öldruðu, sjúku
og vanmáttuga, hefur þetta ekki tekist. Hver tilraunin á fætur
annarri til endurbóta virðist í sífellu skapa ný vandamál.
Það er þvi Ijóst, að við verðum að finna nýjar leiðir, gjör-
ólíkar þeim sem brugðist hafa. Við þurfum að gjörbreyta
hugsunarhætti okkar, en undirstaða lians er singirnin, eigin-
girnin, sjálfskenndin. Og þetta kostar byltingu, byltingu án
beitingar ofbeldis af neinu tagi. Þetta er i rauninni ekkert
nýnæmi, því leiðtogar allra helstu trúarbragða heimsins hafa
einmitt verið byltingamenn sem hafa krafist hugarfarsbreyt-
inga. Eln áhangendur þessara göfugmenna hafa týnt þessum
meginkjarna kenninga þeirra, sem þeir að vísu játa með
vörunum, en hafna í hugsun og athöfnum.
Hér á Vesturlöndum skyldi maður ætla að barátta fyrir
endurnýjun hugsunarháttar i jákvæðar áttir væri eðlilegt
verkefni kirkjunnar. En kirkjan hefur einnig brugðist gjör-
samlega i þessum efnum, sökum þess að starfsmenn hennar