Morgunn - 01.06.1993, Side 94

MORGUNN
félagsmaður sé meðvitaður um sína eiginleika og þau já-
kvæðu áhrif sem hann getur haft á sjálfan sig og umhverfi
sitt.
Hlýtt handtak, örvandi bros, hvatning, tillitssemi og
glaðværð eru allt eiginleikar, sem hver og einn getur rækt-
að með sér daglega. Við skulum forðast freka og hávaða-
sama einstaklinga því þeir angra sálina. Verum því eins og
sólin í eigin heimi og verum glaðvær og hamingjusöm.
I framtíðinni sé ég félagið stefna á breiðari svið
sálarrannsókna með aukinni áherslu á námskeið og
þjálfun einstaklinganna. Við eigum mikið af hæfileikaríku
fólki á hinum ýmsu sviðum sem við þurfum að virkja til
starfa til að mæta aukinni þörf félagsmanna. Með þessu
minnkar þörfin á erlendum miðlum. Umræðufundir og
fræðsla um spíritisma er einnig nauðsynlegur þáttur í
starfseminni. Aukin símaþjónusta við félagsmenn er
einnig á dagskrá.
Þann 31. október sl. gekkst félagið fyrir fyrir-
bœnamessu í samráði við Fríkirkjusöfnuðinn og var kirkja
safnaðarins fullsetin - 400 manns. Séra Sigurður Haukur
Guðjónsson prédikaði og séra Cecil Haraldsson þjónaði
fyrir altari. Huglæknar tóku þátt í guðsþjónustunni og
mun það vera í fyrsta skipti sem það er gert. Alls komu
um 100 manns til þess að fá fyrirbæn og handayfir-
lagningu. Þetta er nýr þáttur í stafseminni og sannar hina
miklu þörf fólksins fyrir að finna sinn guð á persónulegan
hátt, finna frið og lausn á sínum vandamálum. Við erum
þakklát séra Cecil Haraldssyni fyrir frábærar móttökur og
stjórn safnaðarins fyrir að gefa félaginu þetta tækifæri.
Þrátt fyrir miklar framkvæmdir á árinu til hagræðis og
bættrar nýtingar á húsnæði félagsins stendur stjórn
félagsins enn frammi fyrir talsverðum vandræðum með að
koma öllu fyrir svo að vel megi vera. Að gefnu tilefni skal
92