Morgunblaðið - 22.01.2009, Qupperneq 21

Fréttir 21ERLENT
MORGUNBLAÐIÐ FIMMTUDAGUR 22. JANÚAR 2009
Möguleikar íslenskra fyrirtækja eru miklir og sóknartækifærin mörg.
Í aukablaði Viðskiptablaðsins verður fjallað um hvar þessir möguleikar
liggja og hvaða áhrif það hefur á kjör okkar að velja íslenskt og versla
við innlend fyrirtæki.
Meðal efnis í blaðinu verður: Íslensk framleiðsla og sérstaða henn-
ar á sviði matvara, landbúnaðar, sælgætis, fatahönnunar, húsgagna,
snyrtivara og skartgripa. Ennfremur verður gerð ítarleg úttekt á út-
flutningsmöguleikum forritunar- og ráðgjafarfyrirtækja. Hagfræðingur
útskýrir hvenær það borgar sig að velja íslenskt. Fjallað verður um hvar
styrkur okkar liggur í uppbyggingu efnahags og orðspors.
– íslensk fyrirtæki eiga mikla möguleika
Aukablað Viðskiptablaðs Morgunblaðsins 5. feb.
Allar nánari
upplýsingar veitir
Sigríður Hvönn
Karlsdóttir í síma
569-1134 /
692-1010 eða
sigridurh@mbl.is
Auglýsendur!
Pantið fyrir kl 16.00
mánudaginn 2.
febrúar.
Úr vörn í sókn
ÞAÐ er fjármálakreppa um allan
heim og í Hong Kong líka. Þar er þó
á ferðinni önnur kreppa enn illvígari,
svo mikil mengun, að fólk er farið að
flýja borgina í stórum stíl. Fjármála-
kreppan mun líða hjá en margir ótt-
ast, að mengunin muni eyðileggja
það efnahagslega stórveldi, sem
Hong Kong hefur verið.
Frá því á síðasta áratug hefur
Hong Kong laðað til sín menntað
fólk víðs vegar að úr heimi enda er
borgin mikil fjármálamiðstöð og eins
konar fordyri að Kína og þeim mögu-
leikum, sem þar bjóðast. Þetta fólk
er nú margt ýmist á förum eða farið
og einnig þeir Kínverjar, sem það
geta og eiga eitthvað undir sér.
Vesturlandamenn, sem sest hafa
að í Hong Kong, segja margir þá
sögu, að þeir hafi ekki búið þar lengi
áður en þeir fóru að þjást af sífelld-
um hósta og astma. Þeir kvillar
hurfu þó fljótlega eftir að fólkið forð-
aði sér burt.
Nýleg skoðanakönnun meðal
borgarbúa, sem eru kínverskir að
97%, sýndi, að fimmtungurinn vildi
flytjast burt vegna mengunarinnar.
Áætlað er, að hún valdi dauða
margra þúsunda manna árlega og
reiknað hefur verið út, að hún hafi
kostað borgina 1,6 milljarða dollara
frá 2004.
Mun koma illa
niður á börnunum
„Hong Kong er að kafna í eigin
græðgi,“ sagði bandaríski banka-
starfsmaðurinn Teena Goulet en hún
forðaði sér burt þegar hún var bein-
línis orðin hrædd við það eitt að
draga andann. Anthony Hedley, pró-
fessor í heilbrigðismálum við háskól-
ann í Hong Kong, segir, að meng-
unin eigi eftir að koma illa niður á
þeim borgarbúum, sem nú eru á
barnsaldri, en óþverrinn kemur að
sjálfsögðu frá gífurlegri bílaumferð
en þó fyrst og fremst frá kolakyntum
raforkuverum og þúsundum leik-
fanga-, vefnaðar- og raftækjaverk-
smiðja í Guangdong-héraði, sem
liggur að Hong Kong. Þessar verk-
smiðjur eru hins vegar flestar í eigu
fyrirtækja í Hong Kong.
Hedley, sem hefur starfað í Hong
Kong í 21 ár, er nú að fara þaðan
enda kominn með slæman astma.
Hann segir, að borgin sé eins og
tímasprengja. Þegar hún springi
muni það lýsa sér í skyndilegum
fjöldaflótta og efnahagslegu hruni.
svs@mbl.is
Hong Kong Sjónarhornið er svipað á báðum myndhelmingum en annað er
af borginni þegar ástandið er hvað best en hitt eins og það er miklu oftar.
Hong Kong er
að kafna í sinni
eigin græðgi
Mengunin orðin svo mikil að fólk er
farið að flýja borgina með alvarlegum
afleiðingum fyrir efnahagslífið
Eftir Kristján Jónsson
kjon@mbl.is
ÍSRAELAR luku í gær brottflutn-
ingi herja sinna frá Gaza-spildunni
en ekki fóru hermennirnir langt með
vígtól sín, þeir hafa sett upp bæki-
stöðvar rétt utan við landamærin.
Herinn hefur hafið rannsókn í tilefni
af ásökunum alþjóðlegra mannrétt-
indasamtaka um að Ísraelar hafi
beitt með ólöglegum hætti fosfór-
sprengjum í 22 daga árásum sínum á
Gaza.
Um 1.300 manns féllu í átökunum,
nær eingöngu Palestínumenn. Ha-
mas segir að þorri hinna föllnu hafi
verið óbreyttir borgarar en Ísraelar
fullyrða að um 500 þeirra hafi verið
vígamenn úr röðum Hamas og fleiri
herskárra samtaka á svæðinu. Ha-
mas skipaði liðsmönnum vopnaðra
lögreglusveita sinna strax í upphafi
árásanna að afklæðast einkennis-
búningum.
Talsmaður heryfirvalda í Tel Aviv
sagði að alþjóðalög bönnuðu ekki
notkun á hvítum fosfór í sprengjur
sem hefðu það hlutverk að lýsa upp
vígvöll eða mynda reykjarmökk til
að gera fjandmanninum erfitt að sjá
hvað væri að gerast. Sagði hann Ísr-
aela eingöngu nota löglegar fosfór-
sprengjur. Mannréttindasamtök
benda á að ekki megi nota sprengj-
urnar gegn óbreyttum borgurum en
lendi fosfórinn á holdi getur hann
brennt það mjög illa.
Blaðið Haaretz í Ísrael segir að
herinn sé að láta kanna hvort „vara-
liðssveit hafi notað fosfórsprengjur á
rangan hátt í bardögum á Gaza“.
Ísraelar rannsaka hvort
fosfór hafi verið misbeitt
ÁFRÝJUNARDÓMSTÓLL í Hol-
landi hefur skipað saksóknurum að
lögsækja hægri-þingmanninn Geert
Wilders fyrir um-
mæli hans gegn
íslam. Wilders er
leiðtogi Frelsis-
flokksins. Hann
gerði í fyrra um-
deilda kvikmynd
þar sem hann
sagði íslam boða
ofbeldi og líkti
Kóraninum við
Mein Kampf, rit Adolfs Hitlers.
Wilders verður ákærður fyrir að
hafa æst til kynþáttahaturs en
hundruð þúsunda múslíma frá
Norður-Afríku búa í Hollandi. Talið
er að réttarhöldin muni vekja mikla
athygli og beina athyglinni að
breyttri afstöðu gagnvart íslam
meðal margra Hollendinga, segir í
frétt The Guardian.
Löng hefð er fyrir miklu umburð-
arlyndi í Hollandi gagnvart ólíkum
skoðunum og trúflokkum. En eftir
morð öfgafulls múslíma á kvik-
myndagerðarmanninum Theo van
Gogh 2004 hefur andúð á íslam
aukist mjög. Van Gogh hafði gert
myndina Undirgefni þar sem hann
gagnrýndi harkalega Kóraninn fyr-
ir að ala á kvennakúgun og kven-
fyrirlitningu.
Vildi láta banna Kóraninn
Wilders gerði einnig mynd í fyrra
og nefnist hún Fitna og var Kór-
aninn þar sagður vera stefnuskrá
ofbeldis. Sýnd voru myndskeið er
tengdust árásunum á Tvíbura-
turnana í New York en á milli voru
lesnar tilvitnanir í Kóraninn. Árið
áður hafði Wilders hvatt til að bók-
in yrði bönnuð eins og rit Hitlers.
Áfrýjunardómstóllinn sagði að
myndin, blaðagreinar Wilders og
viðtöl við hann einkenndust af „ein-
hliða alhæfingum sem segja má að
jafngildi því að æsa til haturs“.
Sneri hann við úrskurði ríkis-
aksóknara frá því í fyrra sem sagði
þá að ummæli og verk Wilders
væru sársaukafull fyrir múslíma en
ekki væri um afbrot að ræða. Sögðu
dómararnir þrír að þeir hefðu haft í
huga tjáningarfrelsi Wilders en
álitu að hann hefði farið út fyrir
það svigrúm sem stjórnmálamenn
hefðu í þeim efnum.
kjon@mbl.is
Ákæra Wilders vegna
árása hans á íslam
Geert Wilders